الموضوع: ثورة ضد البنزين

سياسة ذل الشعب

طب والله عين العقل لازم ثوره فعلا
علشان الناس دى مبتحسش بحد

انا عايز اقولكم على حاجه انا فعلا معنديش عربيه لكن انا عارف الناس هتعانى ازاى
كمان انا كنت بتكلم مع كذا حد معندهومش عربيات على ان البنزين هايغلى

فيه اراء ان وايه يعنى اللى عندو عربيه يدفع فده مؤش على ان الناس لسه معتقده ان العربيات رفاهيه

زى بالظبط كده تفكير ولاد التيييييييييييييييييييييي ييييييت بتوع الوزاره دول

وربنا معانا

قال يغلوا البنزين قال

يا جماعه خليكم واقعين موضوع البنزين هيتم هيتم المشكله ان الكميه اللى هيكون عليها الدعم قد لا تكفى كثيرا من الناس وكذلك لا توجد مواصلات عامه محترمه تجعلك تترك السياره وتركبها والاهم انهم يلزمو اى محطه ان يكون فيها طلمبىه بنزيت 85 الجديد اجبارى من شروط الترخيص
مش يكون زى 80 هى ده الحاجات اللى نتناقش فيها خصوصا ان الموضوع واخد جرين كارت من مجلس الشعب ومن جميع مرشحى الرئاسه

المشكلة ان بنزين يغلى يعني كل حاجه اسعارها هتولع
الناس متصورة ان اصحاب العربيات الملاكي هما بس اللي هيضرروا
لا ده في مصانع شغالة بالبنزين وفي عربيات بتنقل البضائع بتستخدم البنزين
ده غير اللي هيزيط في الزيطه ويغلي هو كمان ويقولك البنزين غلي يابيه
بنزين يغلى يعني الدنيا كلها هتولع
وحاجه بالعفل كده عايزين يشيلوا الدعم عن النزين يبقى يزودوا الحد الادني للمرتبات
او لاما يلغوا الجمارك من على العربيات
وساعتها هبقى مستعد اتحاسب بسعر البنزين العالمي
حكومة بلدنا حلوه اوي في كيفية تقليب المواطن تلاقي في موضوع الجمارك مثلا ملعوبة صح مش سيبلك اي ثغرة
لكن لما يجي على حق من حقوقنا تلاقي الروتين الحكومي اشتغل

بالونة اختبار , المطلوب مننا تكثيف المظاهرات والاحتجاجات عشان مايغلوش البنزين ومايجوش ناحيته
نفس نظام الانترنت محدود السرعة لما قالوا انه هيتعمم علي مصر.
محتاجين احتجاجات ومظاهرات ضروري قبل الفاس ماتقع في الراس