فكرة جت على بالى ونفذتها....
كان نفسى يبقى مفتاح العربية أبو ريموت يركب معاه ريموت جهاز الإنذار....
اشتريت جهاز انذار وولف بمفتاح ورحت أنسخ المفتاح عليه اكتشفت موضوع عدم دوران العربية الا بمفتاحها الأصلى أبو شفرة...
فاضطريت أجيب الإنذار أبو ريموت عادى (4 أزرار) نفس الماركة وبقيت ماشى بمفتاح وريموت .. شيلة
جت فى دماغى فكرة أنى أضمهم على بعض.. ولأن الصنايعية عندنا إيدك منهم والأرض قلت أعملها بنفسى...
عملت نسخة من المفتاح ونشرت راسه بالمنشار الحدادى وخرمتها بالشنيور ببنطة صغيرة من الجانبين لتلائم مسامير ريموت الانذار ، ورققت قاعدة المفتاح شوية بالصاروخ علشان الريموت يقفل عليه بسهولة وشلت البلاستك الداخلى من ريموت الانذار اللى يمنع وضع المفتاح ونشرت جزء من شاسيه الريموت المعدنى ليمر المفتاح وتم التثبيت...
تبقت مشكلة الشفرة وقد أعيتنى.. كنت فاكر الشفرة موجودة خلف علامة الانسر اللى فى المفتاح (زى ما قالولى الصنايعية ال.....) فشلتها بكل دقة فى وقت طويل جدا وجربت كل ما يمكن ولم يعمل المفتاح...
وبعد ساعات هدانى الله أن الشفرة لابد أن تكون شئ آخر فاكتشفت أنها قطعة صغيرة تشبه المغناطيس على جانب رأس المفتاح من الداخل..
شلتها بالكتر وحشرتها جنب المفتاح وقفلت تانى...
ودارت العربية...
وبقى معايا مفتاح واحد بس بعد ما كنت ماشى بمفتاح لوحده وريموت لوحده....ياااااااااااااااه ... دلوقت استريحت
بصو عليه.. شكله كأنه أصلى (علامة المتسوبيشى ورا الريموت من عندى طبعا)
http://files02.arb-up.com/i/00088/k3bzaprxakgp.jpg
_____________________
تم إدراج الصوره بالمشاركه الرئيسيه بناءا على طلب السيد العضو
مشرف القسم التعليمى