السلام عليكم ورحمة الله وبركاته
عربيتى لانوس 2003 فبريكة بره وجوه ( لكن مكلحة من بره )
هافحص بعد 3 شهور ...
فدلوقتى العربية هاتحتاج تترش علشان الفحص والموضع دا هايتكلف حوالى 2500 الى 3000 سمكره ودوكو
وبعدين قلت لو بعت العربية وزودت ال 3 الاف ممكن اجيب نوبيرا بحالة جيدة
سألت بعض الصنايعية قالولى خليك فى اللانوس احسن من النوبيرا ( اقتصادية وعملية )
العربية مش مزعلانى فى حاجة ... لكن انا عايز اخلع من حوار الدوكو والكلام دا
قلت اخد اراء رجالة المنتدى
لو مكلحة بس وفيش خبطات يبقى لا داعى للرش وخليها كده احسن من ناحية القيمة السوقية للعربية
هو انت لو بعتها بالحالة دية هتعمل كام على الحالة دية
+111111111111اقتباس:
المشاركة الأصلية كتبت بواسطة engaass
في المستعمل عموما خدها قاعدة ... عربيتك مريحاك خليها هي احسن من غيرها ،،، القاعدة دي بتنكسر فقط لو هتنقل نقلة تانية (من مستعمل قديم لمستعمل حديث) غير كدة مجموعة الدايو والهيونداي والكيا كلها متقاربة في الامكانيات والاداء ومستوي الراحة لكل عشر سنوات ... الحالة بس الي بتفرق
العربية مكلحة (الكبوت والسقف والشنطة ) وانا باشتريها كان فيها خبطة صغيرة فى الرفرف اليمين ومعمولة على البارداقتباس:
المشاركة الأصلية كتبت بواسطة engaass
بخلاف كده العربية مش تعبانى الحمد لله فى حاجة
انا مضطر ارش علشان الفحص فى المرور
وكمان لانى زهقت من شكلها المكلح
وكمان انا لو استقريت على الرش يبقى هاخليها معايا 5 سنين ... لو ما فيش حاجة وحشة
فى حدود 45 +-اقتباس:
المشاركة الأصلية كتبت بواسطة tornido
انا مش باشتكى منها الحمد للهاقتباس:
المشاركة الأصلية كتبت بواسطة waleedraafat
الموضوع كله فكرت فيه انى لو زودت على تمنها 3 الاف بالكتير ممكن اجيب نوبيرا بحالة كويسة
اولا انت مرور ايه لو مرور كويس
روح ومايهمكش لو مرورك غلس قدر الله وماشاء فعل حاول تحلىالعربيه باى طريقه يعنى غسله محترمه اعمل اى حاجه
انا معايا نوبيرا فبريكا جوه وبره وروحت المرور وانا خايف من المهندس لايصقطها فى الفحص المهم الراجل رفع البصمه وروحت للمهندس وقولتله العربيه قالى هاتلى مطابقه البصمه حبت المطابقه وجيت ولفيت ايدنى فى 20جنيه فقط لاغير والعربيه بره الساحه اصلا ومضى ومشاها
قول يارب
النوبيرا طبعا افضل ... بس هتقدر تلاقي عربية سليمة تريحك ... لو لقيت اتكل علي الله النوبيرا اكبر واوسع واسرع بس مقابل بعض العيوب مثل استهلاك بنزين اعلي وثقل عند الطلعة بسبب الوزن وعفشة تتهالك اسرع بسبب الوزن برضك
خليك في عربيتك ولو حكمت انك ترش مش هتتكلف اكثر من 1500 جم
متشكر جدا لكل من شارك رايه فى الموضوع
بالنسبة للتكلفة ... الرش لوحده هايعدى ال 1500 ... حوالى 1700 ... دا غير السمكرة السمكرى طلب 800 جنيه غير رفرف يمين .
العربية عايزة يتظبط وشها طبعا من التريحات وكده ... الرفرف اليمين كان معمول على البارد بس الكيرف بتاعه مش مظبوط من الدق على البارد فالسمكرى قاللى هاتلك رفرف يمين احسن ونركبه ... فى كمان خبطة صغيرة فى الباب اليمين ورا معمولة على البارد .... لكن عايزة تتظبط لسة ... غير طبعا النقر اللى فى الصاج ..هى مش كتير
دا غير انى هاجيب فوانيس امامية ( اللى عندى اصفروا ) ودول بحوالى 400 جنيه
يعنى التكلفة 1700+800+400 = 2900
طبعا ممكن تعدى ال 3000 بشوية صغيرين ( الواحد مش عارف ايه اللى هايقابله )
طب يا فندم انا بدور على لانوس بقالى فترة لو حضرتك مهتم بالبيع ياريت تقول مواصفات اكتر عن العربية زى الكماليات - التكييف شغال و لا لأ و اللون
دى صورة العربية ... معلش مافيش عندى حاليا صور تانية
http://img198.imageshack.us/img198/4899/imag0498n.jpg
العربية عاملة 193 الف كيلو ... كل حاجة فيها شغالة تمام - الحمد لله -
العربية نص كماليات ...
مركبلها زجاج امامى كهرباء
انا راي تغير النوبيرا افضل من وجهت نظري لانى ركبت الاتنين
من ناحية العزم والقوة والمساحة والسرعة كمان
اما ميزة الانوس انها اقتصادية وعربية سهلة في البيع والشراء عن النوبيرا كمان وشكرا
ماشاء الله العربية شكلها نظيفة و مسكة نفسها بس هيه ماشية كتير شوية هل الموتور اتفتح عشان شغل قبل كدا ؟؟؟ و ياريت نمره حضرتك عشان اكلمك لو فى امكانية اجى بص عليها لو ناوى تبيع
بالنسبة اموضوع البيع فدا سابق لاوانه ... لو نويت على البيع تشرفنى وتبص على العربية ان شاء الله
بالنسبة للماكينة فانا اشتريت العربية من سنة ونص ما عملتش فيها حاجة
لكن كان متغيرلها عمود كامة العلوى
غير كده الصيانة العادية