سيارة الرادار

**HESHAM AMIN** · 16-06-2008 11:40 AM

اول مرة اشوفها سيارة متركب عليها رادار
كنت مسافر الغردقة الاسبوع الى فات وكنت طالع من اسكندرية بدرى
المهم رحت على القاهرة ثم العين السخنة وبعدين الزعفرانة وبعدين ماشى حوالى 130
لقيت عربية بوكس شرطة ماشى قولت اعدية كان فية ناس ورا شاورولى متعديش
المهم معدتش وفضلت وراة 30 كم بالراحة والعلابيات شغالة جرى من جنبتا
وبعد ال30 كم لقيت لجنة وجميع السيارات الى عدت واقفة
على فكرة الطريق دا متروس رادارات
انا قابلت عربيتين رادار
واتنين ثابتين والحمد لله الرخصة اتسحبت عند اخر واحد فبل الغردقة ب 5كم
فخلى بالكم اة الطريق اخرة 90 كم

**mmolazem** · 16-06-2008 12:29 PM

المشاركة الأصلية كتبت بواسطة HESHAM AMIN

فخلى بالكم ان الطريق اخرة 90 كم

مشكور على التنبيه

**hero** · 16-06-2008 12:46 PM

الطريق دة كان بيحصل علية حوادث مميتة وكتيرة....كويس انة بقي مليان رادارات...

**eng_mkhalaf** · 16-06-2008 02:09 PM

أدة يا راجل تكون معدى من جنبى فى السخنة ومتعديشى والله أنا زعلا ن منك
حمد لله على السلامة ومشكور على التنبية

**Ashraf A.Kader** · 16-06-2008 03:24 PM

طريق الغردقة مشهور بالرادارات طول عمره ما عدا بالليل

**khilo67** · 28-07-2008 01:15 PM

الرخصة اتسحبت مني بعد الزعفرانة بشوية يوم جمعة الصبح، مشكلة الطريق ده الخدمات معدومة تقريبا في المسافة بين راس غارب و الغردقة حوالى 160 كيلومتر فراغ ، الصحراء و الجبال و انت و ربنا سبحانه و تعالى ، اوحش حاجة في الطريق ده مجموعة من المطبات الصناعية - بدون يافطة على طريق سريع !!!!! قبل مدخل الجونة و انت راجع القاهرة صحيح مدهونة اصفر لكن مش بتبان مع الحر وظاهرة السراب . تسافر على طريق زي ده على سرعة 90 كيلومتر -مع انه يتحمل اكثر من كده - الطريق كده بياخد 6 ساعات كاملة على 90 ك/ساعة و لو معاك اطفال حرام حرام حرام . أما الحتة من العين السخنة للزعفرانة الطريق أكتر كلمة توصفة صح "زفت" ، عملية التجاوز للوري اللي امامك ممكن توقف القلب و المخ احيانا

**mshamy** · 28-07-2008 03:20 PM

دلوقتي بقى في كاميرا بتصور باليل يا باشا ولسه معدي عليهم و انا في طريقي لمرسى علم ...كانت الساعة حوالي 8:45 مساء ...بس الحمدلله ربنا ستر علشان كنت عارف ان عندهم كمين ثابت قبل رأس غارب ب 10 كيلو و انت في اتجاه الغردقة

المشاركة الأصلية كتبت بواسطة Ashraf A.Kader

طريق الغردقة مشهور بالرادارات طول عمره ما عدا بالليل

**sherif_m72** · 09-08-2008 02:38 AM

وفيه كمان طريق القطاميه الجديد (بتاع الجيش )ده سرعته 120 كيلو فى الساعه بس بتدفع كارته عليه 5 جنيه حق استغلال الطريق
والطريق ده بصراحه بئه اكتر من ممتاز بمراحل بس برضه فيه رادار بس من بعد 120 وبيطلع على العين السخنه مباشرة

**Adham** · 09-08-2008 02:50 AM

هما بيمشوا عربية شرطة تمسك سرعه ثابتة 90 و الضابط اللي فيها بيبلغ باللاسلكي بنمر و انواع العربيات اللي تتخطاها

لكن الرادار بيبقى ثابت على عربيات راكنة جنب الطريق بس