ايه اللى بيتعمل فى صيانه ال 100,000 للاسترا

انا داخل على صيانه ال 100,000 وكنت عايز اعرف هعمل فيها ايه ؟ ولو فى التوكيل هتبقى بكام وكده ؟


وعندى فى صوت غريب وانا بدور العربيه مش عارف ده ايه زى صوت حكه سير كده

وفى صوت تزييق السير وانا مشغل التكيييف

:question2:

وعندى مشكله فى ضغط العجل علطووول ضغطه بيقل مع ان مفيش اخرام وشكل العجله لما بزودها بيبقى نايم بردو مع الضغط بيبقى على 30 والحورا ده من ساعه لما ركبت الجنط مش عارف ده عيب فى اللى ركب الجنط ولا ده ممكن تبقى تهيؤات ؟؟

وزرا التكيييف لما بشغله بيدخل لجوه ايه الحل فى الموضوع ده

هى عربية ايه بعد اذنك
هى صيانه ال 100 الف تعمتد انت عملت ايه فى صيانة ال 600000

بعد إذنك يا طنانى .... سيبلى الطلعة دى .
شوف يا علوه ... أنا هقولك تشيك على ايه بالترتيب علشان تكون معاك عربية تمشى كمان 60 ألف كيلو إن شاء الله بدون مشاكل .
بداية الفلاتر :
فلتر هوا ( 40 جنيه ) + فلتر زيت ( 35جنيه )+ فلتر بنزين ( 40 جنيه ) + وتضيف منظف مع تفويلة تانك البنزين ( حسب النوع ) .
سيور :
سير كاتينة ( 110 جنيه ) + سير دينامو ( 175جنيه ) + وطبعا البلى بتاع سير الكاتينة ( أكشف على السيور الأول لو بحالتها أو متغيره من قريب يبقى متغيرهاش طبعا ) .
الزيوت :
طبعا زيت الموتور حسب ما انته مغيره من قريب ولا لأ + زيت باكم الفرامل + زيت الفتيس الاتوماتيك تكشف عليه وتشوفه شغال ولا لأ + ولو غيرت زيت الفتيس خلى بالك فيه فلتر كمان ابقى غيره بالمره .
العفشة :
تاخد لفه على العفشة كلها من مساعدين ورا وقدام ( اللى ورا بحوالى 450 جنيه ومش عارف القدام بكام ) + تيل فرامل ورا وقدام ( الأماى الريمسا بـ 180 جنيه والخلفى بـ 110 جنيه ) + تخرط الطنابير طبعا لو غيرت التيل ( خرط الطنابير كل واحده بعشرة جنيه ) + بيض دريكسيون ومقصات ( مش فاكر أسعار كام دلوقتى ) + وكل دول تشيك عليها واللى عاوز يتغير قوم معاه بالواجب + وطبعا فى النهاية ربط العفشة ( 15 جنيه وتبقى كارمه ) .
شيك على البطارية والدينامو + البوجيهات وغيرها لو شرزت طبعا ( الأربعة بـ 75 جنيه بوش ) + وشيك على لمبات الفوانيس كلها وصالون العربية والتابلوه ( مجرد نظر بس ) .
نيجى بقى للمهم دورة تبريد المياه المسؤولة عن الحرارة العالية والتكييف كمان :
تشيك على ثرموستات الكوعة ( 155 جنيه ) + قربة الميه ( 175 جنيه تركى ) + وغطا القربة ( 25جنيه ) كمان ويكون بيقفل كويس + والخراطيم كلها وكمان الشجرة الفيبر بتاعت الميه اللى ورا الموتور ( 175جنيه ) المسؤولية عن ربط دورة تبريد المياه بالتكييف ودى مهمه جدا جدا جدا ... علشان فيبر وممكن تكون اتهرت ولو اتكسرت العربية هتفضى كل ميتها عىل الأرض فى ثوانى فشيك عليها كويس + وطبعا التشييك هيكون انك تكبس دورة الميه كبسه محترمه ( 40 جنيه ) وتغير طبعا الميه لميه خضرا الأسبانى ( 30جنيه الـ 5 لتر ) أو العلب الصفيح الأمريكانى ( 15جنيه اللتر ) .
العجل :
اعمل اتزان وترصيص للعربية والعجل كله وكمان الاستبن ... ولو فيه حاجة عاوزه تتغير اكشف عليها .... وبالمرة تشيل الهاجس اللى عندك من إنها بتفضى الهوا اللى فيها .
التكييف :
يا سلام بقى لو عملت كشف على التكييف بس الاحسن يكون فى مقار وده بيكون بحوالى ( 300 جنيه ) .
وكده يا معلم تكون عربيتك معاك زى الفل بإذن الله .
اللى فاضل إنك تغير صاحب العربية وتخلص .... ههههههههه
أنا حاولت ألم اللى أعرفه وأفتكره ... والشباب تكمل الباقى .

تكمل ايه تانى لا مؤاخذه
هو فيه حاجة سبتها لحد يقولها

تلميذك يا طنانى ... وتلميذ الشباب الباقيين اللى استفدت منهم

ده انت بقيت استاذ
و ايه
مش هاشوفك قريب و لا ايه

إن شاء الله يا برنس ..... والله كنت عاوز أقابل الأسبوع ده .... بس خلينا لنص شهر سته علشان ظروف شغلى بس

يا مسهل
فى انتظارك

اقتباس:

---

المشاركة الأصلية كتبت بواسطة tananybasha

هى عربية ايه بعد اذنك
هى صيانه ال 100 الف تعمتد انت عملت ايه فى صيانة ال 600000

---

استرا 2002

اقتباس:

---

المشاركة الأصلية كتبت بواسطة neemoo

بعد إذنك يا طنانى .... سيبلى الطلعة دى .
شوف يا علوه ... أنا هقولك تشيك على ايه بالترتيب علشان تكون معاك عربية تمشى كمان 60 ألف كيلو إن شاء الله بدون مشاكل .
بداية الفلاتر :
فلتر هوا ( 40 جنيه ) + فلتر زيت ( 35جنيه )+ فلتر بنزين ( 40 جنيه ) + وتضيف منظف مع تفويلة تانك البنزين ( حسب النوع ) .
سيور :
سير كاتينة ( 110 جنيه ) + سير دينامو ( 175جنيه ) + وطبعا البلى بتاع سير الكاتينة ( أكشف على السيور الأول لو بحالتها أو متغيره من قريب يبقى متغيرهاش طبعا ) .
الزيوت :
طبعا زيت الموتور حسب ما انته مغيره من قريب ولا لأ + زيت باكم الفرامل + زيت الفتيس الاتوماتيك تكشف عليه وتشوفه شغال ولا لأ + ولو غيرت زيت الفتيس خلى بالك فيه فلتر كمان ابقى غيره بالمره .
العفشة :
تاخد لفه على العفشة كلها من مساعدين ورا وقدام ( اللى ورا بحوالى 450 جنيه ومش عارف القدام بكام ) + تيل فرامل ورا وقدام ( الأماى الريمسا بـ 180 جنيه والخلفى بـ 110 جنيه ) + تخرط الطنابير طبعا لو غيرت التيل ( خرط الطنابير كل واحده بعشرة جنيه ) + بيض دريكسيون ومقصات ( مش فاكر أسعار كام دلوقتى ) + وكل دول تشيك عليها واللى عاوز يتغير قوم معاه بالواجب + وطبعا فى النهاية ربط العفشة ( 15 جنيه وتبقى كارمه ) .
شيك على البطارية والدينامو + البوجيهات وغيرها لو شرزت طبعا ( الأربعة بـ 75 جنيه بوش ) + وشيك على لمبات الفوانيس كلها وصالون العربية والتابلوه ( مجرد نظر بس ) .
نيجى بقى للمهم دورة تبريد المياه المسؤولة عن الحرارة العالية والتكييف كمان :
تشيك على ثرموستات الكوعة ( 155 جنيه ) + قربة الميه ( 175 جنيه تركى ) + وغطا القربة ( 25جنيه ) كمان ويكون بيقفل كويس + والخراطيم كلها وكمان الشجرة الفيبر بتاعت الميه اللى ورا الموتور ( 175جنيه ) المسؤولية عن ربط دورة تبريد المياه بالتكييف ودى مهمه جدا جدا جدا ... علشان فيبر وممكن تكون اتهرت ولو اتكسرت العربية هتفضى كل ميتها عىل الأرض فى ثوانى فشيك عليها كويس + وطبعا التشييك هيكون انك تكبس دورة الميه كبسه محترمه ( 40 جنيه ) وتغير طبعا الميه لميه خضرا الأسبانى ( 30جنيه الـ 5 لتر ) أو العلب الصفيح الأمريكانى ( 15جنيه اللتر ) .
العجل :
اعمل اتزان وترصيص للعربية والعجل كله وكمان الاستبن ... ولو فيه حاجة عاوزه تتغير اكشف عليها .... وبالمرة تشيل الهاجس اللى عندك من إنها بتفضى الهوا اللى فيها .
التكييف :
يا سلام بقى لو عملت كشف على التكييف بس الاحسن يكون فى مقار وده بيكون بحوالى ( 300 جنيه ) .
وكده يا معلم تكون عربيتك معاك زى الفل بإذن الله .
اللى فاضل إنك تغير صاحب العربية وتخلص .... ههههههههه
أنا حاولت ألم اللى أعرفه وأفتكره ... والشباب تكمل الباقى .

---

الف الف الف شكر ياباشا بجد على الحاجات دى

انا ان شاء الله هعمل معظم الحاجات دى ما عادا الحاجات التقيله وتسلم على المجهود ده


هغير زيت فيتيس بالفلتر وزيت موتور وهرصص وهظبط زوايا وهكشف ع العفشه ولو فى حاجه فى الميكانيكا

ربنا يوفقك ..... وأبدأ بس فى الحاجات هتلاقيك أنجزت إن شاء الله

قلنا 100 مره سير الكاتينه جنزير مش جلد

انت ادرى يا نبيل
و عاش مين شافك

تسلم ياكبير
مش كان المفروض تيجى دمياط الشهر الى فات

شكرا بالنيابة عن جميع اسرة اوبل المحترمة

والله استفدنا وتعلمنا على ايديكم جعله الله في ميزان حسناتكم

وتحيتي للجميع

اقتباس:

---

المشاركة الأصلية كتبت بواسطة nab!l

تسلم ياكبير
مش كان المفروض تيجى دمياط الشهر الى فات

---

بورسعيد
و رحت يومين و رجعت على طول حتى بعربية الشركه

اقتباس:

---

المشاركة الأصلية كتبت بواسطة abonagham

شكرا بالنيابة عن جميع اسرة اوبل المحترمة

والله استفدنا وتعلمنا على ايديكم جعله الله في ميزان حسناتكم

وتحيتي للجميع

---

ربنا يخليك و تبقى عضو معانا دايماًُ

مش هينفع نضيف علي neemoo بصراحه كلام تمام ومنظم جداً