الموضوع: أعطال على الطريق

المشاركة الأصلية كتبت بواسطة titozizo

اخوتى الكرام الموضوع ده للكل يشارك فيه بنصيحته

وهو أعطال البايك
(بسم الله نبدا)
لو المكنه مش عايزه تدور يبقى العطل منين؟
1-ألكشف على مستوى البنزين الموجود فى التانك
2-زر البطال ممكن يكون مرفوع
3-الكشف على البوجيه (اخرج كابل البوجيه وضع فيه مفك رفيع اومسمار وامسك الكابل ببنز وقربه لجسم المكنه لو لاحظت انه يخرج الشرر فان الاليكترونى سليم-الان اخرج البوجيه وضعه فى الكابل الخاص به وقربه من جسم المكنه لو اخرج الشرر فان البوجيه سليم ولو لم يخرج شرر -قم بتغيير البوجيه)
4-افحص الفيوز الخاص بكهرباء المكنه وهو موجود تحت الكرسى وقوته 15 أمبير لو مش سليم قم بتغييره ولا تضع وصله
5-قم برفع شفاط الهوا فى الكربراتير مع التدوير ثم انزل الشفاط كم كان لان المكنه ممكن تبقى بارده فلن تدور بسهوله

6-لو عندك مبرد زيت فى المكنه راجع الخراطيم والخرطوم الرفيع لو مقطوع او منزوع لن تدور المكنه

7-قم بمراجعه خراطيم الكربراتير او الافيز المربوط بالكربراتير

8-لو مكنتك فيها انذار اخلع الكرسى تجد الانذار قم بخلع الفيشتين الموصلين للانذار ثم قم بتدوير المكنه
فان دارت المكنه فان العيب من الانذار مع ملاحظه ان المكنه فى هذه الحاله لن تطفئ حتى لو قفلت الكونتاكت
ولكن انزع سلك البوجيه لتطفئ المكنه ولا ترجع الفيش والمكنه فى حاله الدوران عشان ما تعملش قفله معاك
(ممكن يكون الانذار شغال عادى او يكون معلق بس )
بعد اطفاء المكنه ارجع الفيش وجرب مره اخرى
9-لو المكنه بتشتغل وتبطل يبقى تنظف الكربراتير
فيديوعن تنظيف الكربراتير
http://www.youtube.com/watch?feature...&v=2khs8r0bkym
----

10- واخيرا وليس اخرا بعد كل ده والمكنه ما بتدورش يبقى لازم تظبط تاكيهات الفيديوهات دى لظبط التاكيهات بدون اخطاء

chinese motorbike adjust valve clearance 2 - youtube
-----------------
chinese motorbike adjust valve clearance 3 - youtube
-------------
xr650l checking and adjusting valve clearance 090629 - youtube
وأخيراً
اتمنى الاستفاده للجميع
جزانا الله وإياكم خيراً

موضوع ممتاز و مشكور علي مجهودك
بس للتوضيح فقط أن ده مخصص أكتر للموتوسيكلات الصيني
الياباني به تكنولوجيا أعقد شوية و يحتاج خبرة أكتر في أكتشاف الأعطال
زي مثلا طرمبة البنزين (و دي عموما سيئة السمعة في الهوندا) لو فصلت منك ممكن تسبب مشاكل كتير بالذات لو مستوي البنزين منخفض في التانك
و برضه الحساسات في الموتوسيكلات الأنجيكشن ممكن تسبب مشاكل كتير و تحتاج لأجهزة متخصصة لعمل سكان علي كمبيوتر الموتوسيكل (الأيكو ecu )
كبداية لتشخيص أعطال عدم الدوارة يجب أن تسأل نفسك أهم سؤال (هو أنا عملت أيه مؤخرا في البايك و بعده رفض الدوارة؟)
هل مثلا لسه مزود بنزين من محطة بها بنزين مغشوش بالمياه؟
هل كان فيه تقطيعة قبل ما أطفي البايك؟

صدقني بشوية أسئلة لنفسك سوف تستطيع أستنتاج سبب العطل بنسبة كبيرة

المشاركة الأصلية كتبت بواسطة tito29

موضوع ممتاز و مشكور علي مجهودك

ألعفو أخى
والحمد لله ان الموضوع اعجبك

بس للتوضيح فقط أن ده مخصص أكتر للموتوسيكلات الصيني

أسف لعدم التنويه انه للصينى
ولكن
فيديو تنظيف الكربراتير
وضبط التاكيهات لليلبانى استاذى الفاضل

الياباني به تكنولوجيا أعقد شوية و يحتاج خبرة أكتر في أكتشاف الأعطال
زي مثلا طرمبة البنزين (و دي عموما سيئة السمعة في الهوندا) لو فصلت منك ممكن تسبب مشاكل كتير بالذات لو مستوي البنزين منخفض في التانك

ما دفعنى لكتابه موضوع بالقسم إن اسمه مختلف انواع
الدراجات الناريه وقد ظننت اننى يمكننى كتابه موضوع لاى دراجه بخاريه
حتى وإن كانت (صينى)

و برضه الحساسات في الموتوسيكلات الأنجيكشن ممكن تسبب مشاكل كتير و تحتاج لأجهزة متخصصة لعمل سكان علي كمبيوتر الموتوسيكل (الأيكو ecu )
كبداية لتشخيص أعطال عدم الدوارة يجب أن تسأل نفسك أهم سؤال (هو أنا عملت أيه مؤخرا في البايك و بعده رفض الدوارة؟)
هل مثلا لسه مزود بنزين من محطة بها بنزين مغشوش بالمياه؟
هل كان فيه تقطيعة قبل ما أطفي البايك؟

صدقني بشوية أسئلة لنفسك سوف تستطيع أستنتاج سبب العطل بنسبة كبيرة

إن شاء الله معاكم استفيد
وازيد من خبراتى
شكراً لمرورك المشرف أخى