الموضوع: خدوش في عربيه جديده

هو بصراحة العربية دى غالية ومش عايز أنصحك بحاجة وخلاص ومعتقدش ان مشكلة زى دى التأمين هيعالجها معلش يعنى دا العيال الصغيرة اللى فى الشارع عربيات الناس بالنسبة لهم فن تشكيلى بسن قلمه وينحت فيها وبس مسمار لو عاجباه العربية وانا جبت القلم السحرى اللى بيقولوا عليه فى التى فى هو حل عملى ولو الخدش صغير تقريبا مش هيبان لكن مش ممتاز وعمره ما هيبقى زى اللون الأصلى بتاع العربية لكنه أحسن بكتير من شكل الخدش ولو الخدش كبير عليك بالتوكيل وربنا يباركلك فى العربية الجميلة دى ويكفيك شرها يا جميل

يااااااه... أخيراً لاقيت حد غيري هنا معاه أسترا j!!..
أنا لو منك هجرب الأول اشوف في التوكيل ممكن يعمل فيها أيه, لو لاقيتهم هيعكوا و مش هيعرفوا يرجعوها زي الأول هبتدي أدور على حد بره شاطر, و أعتقد في ناس بره شاطرة في الحاجات دي, ده على حسب ناس أعرفهم عربياتهم كان فيها خبطات جامدة و محتاجوش يرشوا العربية بالكامل هي مكان الخبطة بس و مكنش في أي فرق في اللون..

بس بعيداً عن الخرابيش أيه أخبار العربية معاك ؟ :)

المشاركة الأصلية كتبت بواسطة tananybasha

انا جربتها مع توكيل تويوتا
قالوا هتترش
خدتها عملتها فى كار كير
و رجعتها التوكيل
قالوا مرشوشه فابريكا
الله ينور

بس ده هيبوظ دهان الفابريكا أو حاجة ؟!
و فين كار كير يكون كويس ؟..

اربيه جميله ...سحبها في التليين كان ضعيف بس دلوقت بقي كويس.بعد الفين و نص كيلو .. ممتازه في السفر........عاليه و ما بتحكش .......مريحه جدا في الشوارع المكلسره...تكييفها كويس...و تقفيلها ممتاز........الامان فيها رائع ......عربيه جميله.....مشكلتها في توكيلها ...بس هيه لو قارنتها باي عربيه في سعرها هيه تكسب و بجداره في رايي

المشاركة الأصلية كتبت بواسطة melagouze

عربيه جميله ...سحبها في التليين كان ضعيف بس دلوقت بقي كويس.بعد الفين و نص كيلو .. ممتازه في السفر........عاليه و ما بتحكش .......مريحه جدا في الشوارع المكسره...تكييفها كويس...و تقفيلها ممتاز........الامان فيها رائع ......عربيه جميله.....مشكلتها في توكيلها ...بس هيه لو قارنتها باي عربيه في سعرها هيه تكسب و بجداره في رايي

100 100
و ده كان رأيي برضه :)
أنا الصراحة بتبسط أوي لما بشوف العربية دي في الشارع, و مؤخراً حسيت أنها أبتدت تنتشر شوية.. يعني قبل كده مثلاً مكنتش شفتها غير 3 أو 4 مرات بالكتير. دلوقتي بقيت أشوفها كل مرة بنزل. و لسة شايف واحد سودة جديدة بالأستيكر الأبيض لسة عليها :)
بس النهاردة زعلت أوي شفت واحدة تربو قريب مني الأكصدام ورا مخبوط و داخل جوا من الجنب و الفانوس متدشدش :((
ربنا يحفظنا..