مليون مبروك لبورسعيد على المنطقة الحرة

**aboo_aead** · 29-05-2012 12:49 AM

اعتقد ان ده انجاز يحسب للبرلمان الى بيقولو عليه ما بيعملش حاجه صح ولا ايه مبروك لاهل بورسعيد

**sas5** · 29-05-2012 12:52 AM

المشاركة الأصلية كتبت بواسطة aboo_aead

اعتقد ان ده انجاز يحسب للبرلمان الى بيقولو عليه ما بيعملش حاجه صح ولا ايه مبروك لاهل بورسعيد

اخى العزيز هذا ليس انجاز للبرلمان - ولكنه رشوه انتخابيه - من اجل اجتذاب الاصوات لمرسى

**SAMEH_FOUAD** · 29-05-2012 12:53 AM

والله هو هيبقى كويس لان قطع الغيار هتبقى متوافرة ورخيصة

وكل واحد ورزقة , وبالنسبة للعربيات طيب ماحنا بندفع هنا فلوس كتيييييييييييير فى اى عربية وبتبقىفاضية فى مقابل ان اى عربية بنص تمنها برة ومليانة اوبشن , اية الجديد ياباشا

**aboo_aead** · 29-05-2012 02:10 AM

المشاركة الأصلية كتبت بواسطة sas5

اخى العزيز هذا ليس انجاز للبرلمان - ولكنه رشوه انتخابيه - من اجل اجتذاب الاصوات لمرسى

طبعا حتفسر كل حاجه على هواك وعلى مزاجك والله لو عملو ايه مفيش فايده المهم الى يفهم مش الى يتعمل

ده جزء من الانجازات اذا كنت عندك وقت تفهم وتعرف

مع العلم ان البرلمان اغلبيته مش اخوان صح ولا ايه اظن ده بلارقام

**Screenplays** · 29-05-2012 07:04 AM

المشاركة الأصلية كتبت بواسطة sas5

اخى العزيز هذا ليس انجاز للبرلمان - ولكنه رشوه انتخابيه - من اجل اجتذاب الاصوات لمرسى

+1111111111111111111

**sas5** · 29-05-2012 09:12 AM

المشاركة الأصلية كتبت بواسطة aboo_aead

طبعا حتفسر كل حاجه على هواك وعلى مزاجك والله لو عملو ايه مفيش فايده المهم الى يفهم مش الى يتعمل

ده جزء من الانجازات اذا كنت عندك وقت تفهم وتعرف

مع العلم ان البرلمان اغلبيته مش اخوان صح ولا ايه اظن ده بلارقام

اخى العزيز انا تركت لك الفهم والمعرفه لانه لايصح ان نصبح نحن الاثنين فاهمين فذلك سوف يؤدى الى خراب البلد.
اذا كنت تتكلم عن انجازات الاخوان فانا لا اجد اى انجاز يستاهل ان تتحدث عنه خلال الثلاثه شهور الاخيره ، وكل الذى ذكرته لم ينفذ - يعنى ايه تشكيل لجنه عليا للحج ( لم تنفذ )
الكوبرى مع السعوديه ( لم ينفذ ) - هيكله وزاره الداخليه ( لم تنفذ ) - تعديل نظام الثانويه العامه ( هى البلد كانت واقفه ومتعطله وهذا التعديل هو الذى اصلح حال البلد المايل ) - مشروع قانون تجريم الختان للاناث
مجلس الشعب لم يقدم مشروع قرار واحد يحاول يصلح من احوال البلد - فالاحوال الاقتصاديه مترديه فى البلد منذ شهور وشركات كثيره تغلق ابوابها وتسرح العامله.
هل ناقش مجلس الشعب ذلك.

واجد ان السلفيين واضحين اكثر من الاخوان فى جميع مواقفهم.

ربنا يتولانا برحمته من الايام السوداء القادمه على البلد

**A.Saad** · 29-05-2012 09:39 AM

الاول المناطق الحرة بقت منتشرة فى مصر وفيه مناطق عامة ومناطق خاصة
ايه الفايدة الاقتصادية الهامة او حتى غير الهامة التى هتعود على الاقتصاد المصرى من اعادة العمل ببورسعيد كمنطقة حرة
الوضع وهيا منطقة حرة كانت تجارة مش تضنيع
يعنى اللى عايز يجيب حاجة كشراء يروح هناك
ده فائدته ايه للاقتصاد
تنشيط اقتصاد
المناطق الحرة الموجودة حالياً اغلبها بيقوم بعمليات تصنيع
يعنى هنا بيفيد الاقتصاد اكتر
يبقى الموضوع مجرد رشوة انتخابية

**tutankhamoun** · 29-05-2012 10:29 AM

المشاركة الأصلية كتبت بواسطة sas5

السلام عليكم ورحمه الله
انا غير مؤيد لهذه الخطوه فهى لن تفيد سوى فئه قليله من الشعب - وهم اهل بورسعيد فقط

مبدء أعتراض حضرتك على الفكرة مش صحيح
و إلا لما الحكومة تعمل مصنع في مكان معين
أهالي بقية الأماكن اللي مفيهاش مصانع مماثلة هايقولوا نفس الكلام
لأن الفائدة بتعود على سكان المكان

لن تفيد باقى المواطنين المصريين وانا شايف انها تفرقه وهذا قرار غير دستورى لانه يفرق بين افراد الشعب
الافيد لورسعيد هى عمل مصانع وصناعات تفيد البلد كلها

لو تم أقامة مصانع للتصدير للأستفادة من الفكرة الأساسية للمنطقة الحرة
كل مصر هاتستفيد
بس للآسف .......... أحنا كشعب بندور على الأسهل ......... و الحكومة بطيئة و فاسدة (الحكومات القديمة )
لسة مش عايزين نحكم على حد دلوقتي

سوف اطالب بان تكون الجيزه ايضا منطقه حره ومحرره

ازاي تبقى منطقة حرة و هي في وسط مصر ؟
يبقى أي مشروع يتم أقامته في أي محافظة
كل سكان المحافظات الآخرى من حقهم المطالبة بتنفيذ نفس المشروع في تلك المحافظات عملا بمبدأ المساواة

يعنى انا ادفع دم قلبى واركب سياره صغيره بالعافيه - واقل واحد فى بورسعيد يركب مرسيدس لانها بدون جمارك
باقل من السعر الذى دفعته فى سيارتى

أولا أنا لست من سكان من بورسعيد
بس أنت من حقك كمصري أنك تعيش هناك و تستفيد بنفس المميزات الخاصة بالمنطقة الحرة .
أتفضل بورسعيد مفتوحة لحضرتك .
و زي أي بورسعيدي بيسيب بورسعيد و يأتي للحياة مثلا في القاهرة
بيدفع دم قلبه زينا زيه علشان يتشتري عربية !

المشاركة الأصلية كتبت بواسطة Ahmed_Rahem

مفروض فكر المنطقة الحرة هو ادخال مكونات الانتاج بدون جمارك والتصنيع واعادة البيع للخارج - او الداخل بجمارك، او تخزين المنتجات لسهولة الوصول للاسواق الدولية (شركة فى الصين تخزن فى مصر وتشحن لاوروبا حسب احتياج السوق) وبكدة بتقلل الاعمال المكتبية لان مفيش فحص جمركى خالص.
انما فى مصر اتعمل حاجة تانية خالص.

والسلام ختام

هو ده الكلام و هو ده الهدف من اقامة المناطق الحرة أصلا

المشاركة الأصلية كتبت بواسطة A.Saad

الاول المناطق الحرة بقت منتشرة فى مصر وفيه مناطق عامة ومناطق خاصة
ايه الفايدة الاقتصادية الهامة او حتى غير الهامة التى هتعود على الاقتصاد المصرى من اعادة العمل ببورسعيد كمنطقة حرة
الوضع وهيا منطقة حرة كانت تجارة مش تضنيع
يعنى اللى عايز يجيب حاجة كشراء يروح هناك
ده فائدته ايه للاقتصاد
تنشيط اقتصاد
المناطق الحرة الموجودة حالياً اغلبها بيقوم بعمليات تصنيع
يعنى هنا بيفيد الاقتصاد اكتر
يبقى الموضوع مجرد رشوة انتخابية

هو ده الكلام و هو ده الهدف من اقامة المناطق الحرة أصلا

فيه في سنغافورة منطقة حرة ........... مليانة مصانع مش هلاهيل و قطع غيار مستعملة زي بورسعيد !

أنا بالنسبة للأخوان أو مجلس الشعب عموما .......
مبدئيا الحكم عليهم النهائي بدري عليه
و لكن أدائهم في البرلمان مش حلو لأسباب خارجة عن أرادتهم و لأسباب في أيديهم !

على فكرة أنا لا أخواني و لا أنتخبت الأخوان ........ و لا كمان بورسعيدي