زئاب الحرفيين كانو ها يهبشو (( فيرنتي ))

**verna2008auto** · 27-05-2012 11:42 PM

السلام عليكم ورحمه الله وبركاتة
كل خير وتحية لحبيبي واصدقائي في منتديانا العظيم ......
((( عافاكم الله من كل مكروه )))

صديق من اصدقائي طلب مني ننزل سوا ((( الحرفيين ))) علشان كان عنده مشكلة في تكييف عربيتة
اكسنت .. المشكلة كانت ان تكييفة مش بيسقع والعربية بتتهز لما بيشتغل ....

مش ها اطول عليكم .. اتقابلنا هناك و إبتدينا الرحلة .. وطبعا انا (( كنت فاكر نفسي جامد وخبير ))
ركنا عربياتنا قدام المحل وكان الوحيد اللي قدامة راكنة فاضية
وطبعا قفلنا عربياتنا وتمام التمام
المهم
عند كل محل فية كده زي رخامة كبيرة علي البوابة ممكن نستخدمها في وضع الاشياء ..
من الطبيعي لو في إيدك نضارة مفتاح موبايل ها تخلي بالك منهم وتحطهم قدامك لو ماسك حاجة تاني في ايدك قطعة غيار مثلا ....ده اللي حصل ..

ومن هنا القصة ...بنرجع لعربياتنا بعد ما اشترينا من المحل ... صاحبي دخل عربيتة عادية. وانا مش لاقي المفتاح
رجعت عند المحل تاني .... وسألتة ... مافيش حاجة ....
ياساتر ..المفتاح ضاع ((( اتسرق )))

.. حاجة من اتنين ... لو انا رحت مع صحبي نجيب حد يفتح العربية .. ها نرجع ما نلاقيهاش
..ولو فضلت جمبها مش ها نخلص في يومنا ومش ده حل
المهم قررت
اني افضل واقف جنب العربية لغاية ما اخويا جابلي المفتاح الاحتياطي لمده 2:30 في الشمس
مش عارف (اتورب) عن العربية ...

سالت ناس معرفة .. عرفت ان دي حركة مشهوره (( لسرقة )) وتقطيع العربيات .. والعياذ بالله
حبيت اقولكم الموقف اللي حصل .. علشان الكل ياخد بالة كويس

الخلاصة ...مفاتيح العربية اهم من المحفظة والموبايل والنضارة ...
ماتركنش العربية فحتة تكون انتا بعيد عن نظرك
تنزل الحرفيين ومعاك صديق او اتنين .. ما تنزلش لوحدك
تقفل العربية لوك كامل ....

حفظكم وعافاكم الله

خولوص الكلام

**Sehsss** · 27-05-2012 11:51 PM

الحمد لله عدت على خير، أنا ما بحبش أنزل الحرفيين خاااااااالص علشان الحوارات اللي فيها دي

**Kareem Fawzy** · 28-05-2012 12:01 AM

انا لو نازل اجيب اى قطعة غيار مش بنزل بالعربية اساسا علشان اقدر اتحرك بسهولة
ولو نازل اصلح حاجة عمرى ما بتهف فى عقلى وافكر اروح الحرفيين :))

الحمدلله انها جت سليمة
شكراً على التنبيه يا باشا

**Screenplays** · 28-05-2012 12:25 AM

الامن رايح فيها

**mahmoud_afifi** · 28-05-2012 12:36 AM

يا ساتر يارب. الناس دي مابتخافش من ربنا ؟؟
ياعم عاصم الحمدلله انها عدت على خير وربنا يستر على عربيتك ياكبير

**lanos2004** · 28-05-2012 12:57 AM

الحرفيين فيها ناس محترمه كتير --حضرتك شوف ضيعت مفاتيحك فين-انا بنزل بعربيتى وعربيتى اصحابى عادى جدا--وبركنها اكتر من ساعتين بنلف على المحلات كلها -ان بعض الظن اثم