الموضوع: عاجل بويك الكترا بارك افينو 88-90

بص يا سيدي انا اول ما اشتريت عربيتي كان المارش بتاعي باظ والعربية اتشالت لغاية صقر قريش كهربائي هناك .. كان في واحد صاحب محل قطع غيار واكسسوارات على اول الشارع كان معاه العربية دي .. صرف عليها اكتر من 45 الف جنيه وكان طالب فيها 70 بس مين .. اصلا لو جابتله 30 يبوس ايديه شعر ودقن .. المساعدين بتوعها بالكهرباء .. كل حاجة بالكهرباء .. وكان العربية اتغيرلها كل حاجة ووقفت عالمساعدين .. لقوا حاجة تركب وعادية مش كهرباء عند مخزن امريكاني عالطريق الزراعي مشهور بس انا مش فاكر الاسم ب 3000 جنيه .. حتى قالي الكهربائي تشتريها .. أنا قلتله بحسن نية يدخل دي في دي ويدفعلي الفرق .. لقيته بيقولي ده عايز 70 .. اصله صارف عليها 45 .. قلتله ده انت بعد اللي قلته ده مش هرضى ابدل حتى .. بعدين انت ليك موضوع عن الكابريس كلاسيك .. خليك في الكابريس وعيش ببنزين 80 .. يعني ايه يعني لما يكون الموتور 5700 ولا 5000 .. انت كدة كدة استهلاك العربية في شرم الشيخ كانك في طرق مفتوحة .. يعني بالميت خالص هتجيب 140 كم في الصفيحة .. أنا في اسكندرية وبتعمل معايا ال5000 .. 120 كم في الصفيحة .. بعدين الكابريس قطع غيارها موجودة عند أحمد حمودة وسمير اللي في وش دار القضاء العالي .. اذا حبيت ابعتلك ارقامهم قولي في رسالة واسئل عندهم عن قطع للعربية دي .. بس نصيحتي لو انت غاوي البويك بارك افينيو ابعد عن الموديل ده لا شكل ولا اعتمادية .. خد ال83 84 كدة يعني .. هتلاقي حاجتهم قريبة جدا من الكابريس .. او خد الجديد اللي شبه الكابريس صابونة لكن الموديل اللي في النص واللهي ما برتاحله لله في لله .. خصوصا بعد الموقف اللي شوفته بنفسي وتقدر تروح هناك لو غاويها هتلاقي العربية .. متجددة ومصروف عليها بس الله اعلم اخره فيها كام .. وانت قد مصاريفها ولا لا ؟؟ .. والاهم عندك صنايعي شاطر يشتغل فيها ؟؟ .. أنا عربيتي علشان موديل قديم اي حد ممكن يشتغل فيها انما اللي كل حاجة فيها كهرباء دي عايزة توكيل .. ومتهيالي معندناش توكيل لبويك فهتعيش حياتك .. لو مصمم على بويك معاك السبعينات والتمانينات اللي شبه الكابريس مش الموديل ده