السادة الكرام.... ايه رأي أصحاب الخبرة في الاختيار ما بين التيدا و الامبريزا
مع جزيل الشكر
عرض للطباعة
السادة الكرام.... ايه رأي أصحاب الخبرة في الاختيار ما بين التيدا و الامبريزا
مع جزيل الشكر
انا شايف ان التيدا اكثر عملية من الامبريزا....
يعني استهلاك بنزين اقل..دة غير انها ممكن تاخد بنزين 90 لو اضطرتك الظروف..
قطع غيار ارخص...
سهولة في البيع عن الامبريزا....
شكرا على الرد السريع hero
على فكرة الامبريزا الجديدة استهلاكها للبنزين مش وحش زي القديمة... افضل كثيرا
على طرق السفر وصل تراوح استهلاك البنزين بين 5 لتر - 6 لتر لكل 100 كيلو متر
هي النقطة اللي تفرق انك لازم تحط 95 عشان تحصل على الاداء القوي الموفر في لترات البنزين
ساعتها هتاخد اداء جميل بجانب الثبات الهايل و الاعتمادية العالية
لو البنزين مكنش غلي كنت قلتلك هات امبريزا بدون تردد
لكن بالاسعار دي لازم تكون حسبها كويس
عن نفسي لو بالظروف الحالية كنت جبت امبريزا برضه
بالتوفيق و لا تنس الاستخارة
الحقيقة إن إمكانيات الإمبريزامغرية جدا... العيب الأساسي في رأيي ان مساحة اتخزين الخلفية صغيرة.... لكن غير كدة العربية ممتازة نسيت أقول ان معظم استعمالي للسفر أكتر من داخل المدن.
يا جماعة أنا كنت بقول رأيي في الإمبريزا لكن لسة ماخدتش قرار.... يعني لسة محتاج مساعدتكم :grouphug:
الامبيريزا لو عايز تركب عربيه من الاخراقتباس:
المشاركة الأصلية كتبت بواسطة Haytham10
في السفر طبعا هتبقى اريح و اجمل خصوصا لو انت من هواه الجري والسرعات يبقى مفيش غير الامبريزا ... بس خد بالك من قطع الغيار خصوصا الاستهلاكيه ( تيل .. سيور .. فلاتر ... وخلافه) ودي في الامبيريزا غاليه .... والباقي عليك وعلى التأمين ومش فارقه كتيير كل العربيات الجديده اكسسوراتها غاليه :arghh:
لكن لو اضطرتك الظروف لضروره وجود شنطه كبيره (زي حالاتي) فعليك بالتيدا عربيه مريحه جدا وعمليه جدا وادائها حلو .... ممكن العيب الوحيد الثبات بعد 160 (وفقا لتقييمات الزملاء اللي ركبينها )
:oops: انا لا عندي دي ولا دي
بس انا سوقت الامبريزا
والتيدا قريت عنها كتيير
عشان انا اختيارتي زيك تمام انحصرت في الاتنين دول
بس دلوقتي دخل معاهم السكودا الرومستر الاسبورت المانيوال ب 126000
تقييماتها بره مصر هايله بص عليها في اللينك ده
http://www.parkers.co.uk/myParkers/Compare.aspx
بس مش منتشره في مصر
وليه عليها ملحوظه واحده هي اللي مش عاجباني فيها
السقف البانوراما
انتا بتتكلم عن السفر يعنى بتتكلم عن الثبات والامان والسرعة والقوة
ودا كلة فى الامبريزا
انا رأى الاول والاخير "امبريزا"
(بس ماتخدش رأى اوى يعنى علشان انا من عشاق الامبريزا):(
ياراجل حرام عليك ده مفيش مقارنة بالمرة
ومين قال إن شنطة الإمبريزا صغيرة بالعكس دي حجمها معقول جداً
وإستهلاك البنزين زياده حبه علشان نظام4wd بس ده بيرجع لنوع قيادتك
والإمبريزا ليها تاريخ طويل جداً وحاصلة على جوائز كتييييييييييييييييييير فى السلامة وفى راليات كتير
لكن التيدا أنا آسف مش هقول عنها غير إنها الهاتش باك منها شكلها جيل لكن يوجد بها الكثير من العيوب
والإخوة الأعضاء قامو بالواجب وزياده
ولكن لوعاوز تشترى أرشحلك الإمبريزا
وطبعا أوعى تنسى صلاة الإستخارة
والله المستعان
التيدا تابلوها اشيك وشنتطها كبيرة جدا وصوت موتورها انعم من الامبريزا بس اكيد الامبريزا اقوى لانها 4 باى 4
التيدا عربيه كويسه عيبها شكلها المبعجر من ورا لو سيدان
انما امبريزا اه رياضيه و دفع رباعي
بس الكلام دا مع 1600 سي سي مالوش لازمه
عايز عربيه مريحه
توكيلها محترم( وحط تحتها ميت خط )
عربيه هاديه فى سوقته(ا مريحه عفشه ناعمه متحش بالطريق)
قطع غيار( سعرها معقول )
امان طبعا (2 ايرباج abs )
سرعه( 118 حصان)
+الكماليات التانيه تكيف حكايه تابلوه تحفه رائع بجد مفهوش غلطه كراسى مريحه عربيه واسعه جدا جدا من جوه والله تقعد وراه تحط رجل على رجل طبعا كل(((( ده عن التيدا)))))
واى استفسار ادخل وشوف قسم نيسان
انا على ما اعتقد ان مفيش حد فى المنتدى هنا اشتكى منها
لكن الامبريزا كان فيه عضو معانا حاط بنزين مغشوش يعنى تقريبا كان 90 او متزود ميه
العربيه جابت موتور وطبعا العربيه لازم يتحط فيها بنزين 95 ؟؟؟ بالاسعار دى انت تختار
متدورش على الشكل والحاجات دى امسك العصايه من النص هات عربيه مقبوله شكلا وادئا
انا من راى كل ده فى التيدا
التيدا واسعة وشديدة (:
انا مشوفتش ولا واحد من مالكي التيدا اشتكي من عيوب فيها..اقتباس:
المشاركة الأصلية كتبت بواسطة elayat
العريبة كويسة جدا جدا جدا.. موضوع الثبات بقي يعتمد علي نقطة انت هتوصل لسرعة 160 ولا لأ..
وبعدين وسع العربية لو هيفرق معاك.. يبقي انسي الامبريزا جنب التيدا..
التيدا و الامبريزا ركبتهم في معرض اوتوماك و بصراحة..
مكنتش مصدق وسع التيدا..
الامبريزا تقريبا شنطتها لو حطيت فيها لابتوب في شنطته.. هياخد اكتر من نص الشنطة..
انا حتي علقت علي النقطة دي مع المندوب اللي كان واقف ساعتها و قاللي السيدان احتمال تنزل بس مش عارفين امتي..
شوف انت بقي احتياجاتك..
وسع + راحة + امان + ثبات معقول + استهلاك بنزين كويس قوي = تيدا
ثبات عالي + امان + عربية اقوي + مساحة اصغر + ارتفاع عن الارض اقل شوية = امبريزا.
قارن و شوف احتياجاتك..
لو هتسافر بتجري بسرعة و مش محتاج مساحات ووسع يبقي امبريزا..
لو هتسافر معاك ناس و محتاج مساحة و راحة و علي حساب السرعة اللي هي مش قليلة يعني 160 يبقي خليك في التيدا..
لازم تكون ركبت العربيتين علشان تحكم كويس. عموما الامبريزا الجديده اوسع من القديمه من الداخل. الشنطه اصغر فقط لأنها هاتش باك. و على فكره يمكن زياده حجمها بازاله الأرضيه اللي هي عباره عن علب بلاستيك موجوده حالين اللاستبن.. لكن انا شايف ان الشنطه حجمها طبيعي لهاتش باك. استهلاك البنزين في العربيه السوبارو الجديده اقل من القديمه بحكم انها 1500 مش 1600 سي سي. و غير كده.. حتى في العربيه القديمه لو سواقتك هاديه الاستهلاك ممتاز... انا مره (على سبيا التجربه) مشيت بسرعه لا تتجاوز 100 كم/س من بورسعيد الى الاسكندريه و قضيت هناك ثلاثه ايام و كان مجموع اللي مشيته 500 كم و فولت تاني العربي اخدت 40 لتر (بنزين 95) يعني الاستهلاك
12.5 كم/لتر و كله بالتكييف و انا عربيتي موديل 2007... يعني الشكل القديم.
معلومه تانيه... لو انت مش من هواه الجري ممكن تحط للامبريزا بنزين 92 لو مش هتزود عن سرعه 120... و على فكره عربيه زميلنا خالد عادل انكسر فيها بستم من البنزين الـ 92 بس بعد ما مشي بيها 80000 كم.. و هوه رجله خفيفه ما شاء الله... يعنيالعادي بتاعه يمشي على 170 :)
من الآخر لازم تكون صاحب مزاج علشان تفكر في الامبريزا.. و لازم تكون داخله دماغك... العربيه تحفه و مميزه و فيها اللي مش في اي عربيه تانيه.. لو داخله دماغك هاتها و مش هتندم... لو بالنسبه ليك زيها زي اي عربيه تانيه... سيبك منها و هات العربيه التانيه لأنها في الحاله دي مش سكتك.
ارجو يكون كلاي فيه فايده.
مع وافر الاحترام للأخ اللى قال التيدا اخرها 160 حضرتك انا ركبت الهاتش باك لمدة شهر تقريبا و العربيه ال180 كانت بتجيبهم عادى جدا و على 4000rpm والدواسه لسه فيها اكتر و الكلام مش سواقه يوم و لكن لمدة شهر يوميا تقريبيا فبصراحه سيارة محترمه جدا ..الامبريزا اكيد عربيه ممتازة بس بصراحه مسقتهاش عشان احكم عليها..
aswelam
الكلام علي السرعة مش ان ده اخرها..
لكن اخرها في الاحساس بالامان بيها في الجري..
قولنا انت رأيك فيها بعد السرعة دي بما انك ركبتها و جريت بيها..
عجبني قوي اسلوبك في الجملة دي يا أحمد واتمنى إن كل الناس تتحاور بالشكل دةاقتباس:
المشاركة الأصلية كتبت بواسطة Ahmad Allawy
لأن الطبيعي انك تدخل فيه شمال وتقوله لأ طبعا اللي فيه مصر اخرها ١٦٠ علشان فيه واحد أعرفه يعرف واحد أعرفه صاحب إبن خالة جارهم كان إتحكاله إن العربية اخرها ١٦٠ .
نيجي للموضوع
فيه فروق واضحة وكبيرة بين العربيتين وكلها فروق إيجابية مش سلبية أي بمعنى ان كل واحدة تتميز عن التانية بحاجات معينة
ومفاضلتهم على بعض ترجع لظروفك إنت الإجتماعية واللايف ستايل بتاعك
لو أنا مكانك وقفلت معايا على الاختيارين دول حجيب الامبريزا المنوال للتغلب على ضعف محركها النسبي لأنه مربوط بنظام دفع دائم
علشان أنا مش فارق معايا وسع الشنطة لكن فرق معايا الأمان والثبات والشكل الخارجي والداخلي و كمان الخامات الداخلية
سيبك انت روح اتفرج على الاتنين كويس ولو انت بتحب التميز هتجيب
Thanks
Eng.Sherif Shaker
شريف باشا..
الحمد لله الواحد اتعلم اصول الجوار وا لفن ده من اجمل ناس هنا في المنتدي..
من ضمن الحاجات المهمة الكتير اللي اتعلمتها هنا..
استاذ mahamed arabyاقتباس:
المشاركة الأصلية كتبت بواسطة mahamedaraby
حضرتك في حاجه عايز اوضحها بعد اذن حضرتك:
المواصفات الي حضرتك قولتها فوق دي كلها موجوده في الامبريزا و تزيد عن التيدا في بعضها كمان
اولا: عربيه مريحه جدا في الطريق بشهاده كل الي ركبها و مش ملاكها بس
ثانيا:توكيل محترم و تحتيها ميت خط يبقى ابو غالي اسمع ان توكيل نيسان كويس بس ابوغالي سوبارو من انضف التوكيلات الي اتعاملت معاهم انا و صحابي الي مش من ملاك الامبريزا بس كانوا بييجوا معايا منهم واحد معاه تويوتا والتاني معاه بيجو و فضلوا ابوغالي عن توكيلاتهم من مجرد الزياره
ثالثا:عربيه هاديه في سواقتها تبقى الامبريزا بالرغم من ان موتورها خشن نوعا ما لكن العربيه معزوله كويس جدا و عمرك ما هتسمع صوت الموتور و انت جواها و عفشتها محدش يقدر يتكلم عنها
رابعا: قطع الغيار اعتقد انها في النيسان مش رخيصه والله اعلم انا معرفش بس هي في الامبريزا مش خياليه زي ما الناس بتتصور و الكلام ده على القطع الاستهلاكيه الي بتتغير تبع الصيانه غير كده في ضمان و تأمين يكون افضل
خامسا:الامان دي بقى مفيش وجه مقارنه بين تيدا و امبريزا لصالح الامبريزا
1- للثبات الرائع للامبريزا
2-امبريزا فيها abs+ebd
3-4 air bags
4-حاصله على 5 نجوم في اختبارات euro Ncap
سادسا:السرعه ميفرقش كتير لان التيدا 118 الامبريزا الجديده 107 مع اختلاف العزم لصالح الامبريزا و السرعه مش بتتحدد بس بالاحصنه ولكن بالاداء
ده غير الكماليات الاخرى الاضافيه الي حضرتك بتتكلم عليها زي التكييف فهو في الامبريزا ممتاز و تصميم التابلوه في رأيي الشخصي و دي اذواق ان تصميم تابلوه الامبريزا احسن و لو على الخامات انا لما ركبت التيدا محستش ان هو الي انا عايزه من الصالون بتاعها
و لو على الوسع فده بصراحه لصالح التيدا
و في الاول و الاخر دي اذواق و اهم حاجه صلاة الاستخاره و ربنا يوفق صاحب الموضوع في الاختيار
سوبارو امبريزا