الموضوع: تقرير صيانة 15 الف فى مودرن ابو رواش

السلام عليكم

نبتدى كده من الاول خالص من المشاكل لحد الاخر اللى حصل انهاردة

بداية من لما العربية اتخبطت من كام شهر كده ووديناها تتصلح فى مودرن ابو رواش برده وبوظوا الفرش

بتاع باب الشنظة وجرحوا الاسبويلر وبقى شكله سيئ جداا وقالوا لوالدى ليك عندنا فرش بدل ده وهنعوضك

وكلام من ده !! واتفق معاهم مع الصيانة اللى هى كانت انهاردة بقى هيرشوا الاسبويلر ويركبوا الفرش الجديد وفكوا الاكصدام عشان يرشوه ركبوه ومحطوش اللمض بتاعت كشافات الضباب !

والحمدلله مافيش حاجة تعملها عندهم الا وفيها حاجة !! نركب call car يقعد فترة ويبطل يتصل !! وبعد كده الجهاز يوقع ويتصل بعد كده والاغرب من ده كله لما تيجى ترنله يفتح عليك !! حاجة تشل يعنى

وكل شوية مرواح ومجى من عندهم بسبب الحاجات دى !!

ده غير السواقين اللى بيلعبوا نيد فور سبيد بالعربيات !!

ما علينا من ده كله خلينا فى الصيانة


جبت رقم فرع المنصورة بتاع ليكوى مولى عشان نجيب الزيت وعايز منظف دورة البنزين روحنا وجبنا top tech والراجل عايزنا ناخد 10w40 ! ياعمنا ازاى هو ده ينفع !! وطبعا اخدت ال 5w40 ومكنش عنده المنظف ده كان امبارح وكنا حاجزين الصيانة من كام يوم بس مش فاكر امتى والوالد سأل جبتوا الفرش طب هسألك كده ولا حس ولا خبر

روحنا انهاردة طلعنا من المحلة 6 ونص كده وصلنا وصلنا 9 كان تقريبا المركز شبه فاضي روحنا لمهندس الاستقبال قلناله على الحاجات اللى عايزينها ظبط زوايا وصوت الفرامل ويشيك على التيول وصيانة 15 طلع وشيك على كل حاجة معانا وتمام التمام .. هتقعد ساعتين ونص فى الصيانة ماشى زى الفل

كلمنا المهندس المسؤول عن التصليح عشان ييجى يشوف هنعمل اية فجه الفرش جه هسألك !! طب والاسبويلر هنخده نرشه على ما الصيانة تتعمل وماله

جينا لحد 12 وربع كده قلت اروح ابص وانا ماشى الاقي الباشا طاير بالعربية لمحتها بالعافية والله !!
ف لقيت مهندس الاكسسوارات استاذ عبد الجواد ف قلتله هو بيعمل اية !! قالى بيجرب ظبط الزوايا

وخلص الصيانة ودخلت ورشة التصليح طبعا عربيات منظرها يقطع القلب عربيات تقريبا شبه مدمرة يعنى وانا قاعد عربية متشالة على ونش خبطة من ورا ومن ادام

المهم دخلت الورشة بعد الصيانة ومفكوش الاسبويلر ودخلت الفرن اترش بس بصراحة رش نضيف دخلت فى ساعتين ونص هى كمان

كان معدى واحد ده فى السمكرة والاصلاح ف والدى قاله امال فين الفرش قاله مافيش ! مافيش ازاى ! المصنع مش بينتج !! مش بينتج اية الكلام العجيب ده ! طبعا انا مستغرب وقاله ده الصنى الاكصدام بتاعها مش لاقينه ! والمصنع واقف وحوارات كده !! طبعا احنا حسينا انهم هيضربوا طناش للموضوع ومحدش في دماغه

جه الراجل التانى سألناه برده قال المصنع مش بعتلنا حاجة المصنع هو اللى بيورد انا عارف ان كلامه صح الاولانى ده اللى بيشتلغنا وفاكرنا عيال صغيره

ف والدى راح متصل ب اوتو ايجيبت وسألهم قالوله الفرش مش موجود وسعره 1700 جنيه

فقلتله خلاص انا هكلم عمده القسم بتاعنا الاستاذ احمد مصطفى هو ممكن يعرفلنا النظام وهو كتر الف خيره متأخرش عليا ابداا ولحسن الحظ كان فاتح وقتها لأنى مش معايا رقمه

وكلمت الاستاذه هبة انسانة ذوق جداا ورحبت بينا وحكينالها المشكلة ومقصرتش معانا الصراحة وقالتلنا نروح للأستاذ احمد يسري مسؤول فى قطع الغيار ورحناله راجل فى غاية الذوق ورحب بينا وحكيناله برده نفس القصة ومقصرش معانا وٍبعت جاب الرقم اللى على زجاج العربية مش عارف ليه وقالنا هيبعت يجيبه من بره مصر وطلب مننا نتابع معاه وادانا الكارت بتاعه

كانت العربية خلصت بقى رش وبعد ما طلعت راحوا جربوها تانى !! بعد كل ده اتغسلت واتلمعت وتمام التمام الكلام ده كان الساعة 5 خلصنا ومشينا

وعملوا ال call car بس مش عارف هيفضل شغاال ولا يومين ويفصل كلعادة
المميزات

1- العربية طبعا بقت انعم من الاول والسحب اتحسن

2- الفرامل بقت اقوى شوية من الاول والصوت اللى كان بيطلع راح ده صوت بيحصل وانت ماشى براحة خالص وبتهدى

العيوب

نفس الصوت بتاع الامريكانى ده موجود لما تيجى تهدى تسمع الصوت !!! قل حاجة بسيطة جدا بس لسه موجود !! مش عارف الباشا اللى كان طاير بيها ده وعمال يجرب فى الشارع المكسر ده مش خد باله ولا اية !!

.................................................. .......

معلش انا يمكن مزودها شوية بس مش عارف انا معايا حق ولا لأ ..

وانا احب اشكر الاستاذ احمد مصطفي والاستاذ احمد يسري والاستاذه هبة

والسلام ختام

ان مريت بنفس التجربة المريرة بتاعتك معاهم هما بصراحى فى منتهى السوء ولاكن الحمد لله على تنوع الوكلاء انصحك تروح اوتو ايجيبت محترمين جدا او السبع