رأي سليم جداً جداً
عرض للطباعة
للأسف فعلا طلع البريللي 400
اهدى شوية يا حج احمد اعرض مين وازود جنط مين يا ريس :d
عيب عليك انت عاوزني ادفع كل الفلوس دي وفي الاخر لوس بت الشركة اسيب العربية
لا يا عم يفتح الله لما اتملكها ابقا اعمل القصص دي
انا هغيرلها الكاوتش بس يا عم :d
يعني الكونتيننتال احسن من البريدجستون والميشلان؟!
هو الكونتننتال صناعة ايه وايه ظروفه؟!
طالما جنط 13 معدن يبقى ريح دماغك و هات اي حاجه كوري
حرام تصرف و تجيب بريدجستون علي الجنط دا
هات هانكوك ولا كومهو دلوقتي و عيش بيهم ال 50 الف دول و اما تغير بعد كدا تعمل حسابك في جنوط بالمره
و فيه تويو ياباني هتلاقي سعره معقول و هايقضي معاك تمام
ف الاخر ماترميش الفرد النسر الاسطوره و شيلهم للذكرى :d
وهل ممكن على الجنط الاصلي أجيب حاجة عرض 185 بدل 175
الكاوتش علي الجنط الاصلي ال 13 مش هايفرق حاجه غير في الفرمله و الصوت
بس مش هايبقى الفرق الاسطوري
الفيرنا عربيه خفيفه و اكيد انت سوقتها و عارف , عايز تصرف عليها يبقى جنط الاول و ركب الكاوتش الي يعجبك
لكن غير كدا وفر فلوسك و حطهم في حاجه اهم
و علي فكره انواع كتير من الكاوتش هاتمشي معاك كويس و هاتحس بفرق كبير زي تويو و هانكوك و كومهو
و كلهم اسعارهم معقوله
بيني وبينك انا برده فكرت التفكير دا !
قلت فلوس هتترمي على الفاضي وكدة كدة الجنط 13 ومش هتفرق معايا الفرق الواو يعني!
بفكر في الهانكوك فعلا او التويو وفيه ماركة تانية اسمها سوموتومو بفكر فيها برده
هشوف كدة لما اروح عند بتاع الكاوتش واشوف ايه الماركات اللي عنده
بس السؤال بقا اجيب انهي موديل من هانكوك او تويو؟!
لو لفيت هتلاقي تقريبا نقشه واحده او نقشتين بالكتير للكومهو و هانكوك و تويو بالنسبه للمقاس الي عندك
لف و شوف الي متوفر ليك و قولنا الي لقيته
انا كنت جايب كومهو السنه الي فاتت و ناس كتير قالتلي بيزحف كتير , هو فعلا بيزحف مع الرمله بطريقه غير عاديه , لكن غير كدا بيمسك كويس
عموما شوف الي موجود كدا كدا بس دور علي كاوتش طري
على موقع تويو لقيت ان الكاوتش التويو المناسب للمقاس بتاعي موديل اسمه
اكستنسا :D
EXTENSA A/S | Toyo Tires
وليه ضمان 65000 ميل اي ما يعادل 80000 كم
فدا كلام زي الفل بصراحة :D
عجباني اوي حكاية الضمان ال 80000 كم دي :D
لا واحلى حاجة كمان اللي عاوز يجرب الكاوتش
يروح للوكيل المعتمد بتاعهم ويركبه ويجربه لمسافة 500 ميل او 45 يوم ولو معجبهوش يرجعه وياخد فلوسه تاني بدون ما تنقص حاجة
الناس دي واثقة من نفسها اوي للدرجادي يعني :D