الموضوع: بخصوص قوة موتور السيفيك فى الشد و الجرى .. لاصحاب التجربة فقط !!

المشاركة الأصلية كتبت بواسطة AHMED1718

نيجي لنقطة الثبات من الطلعة مع السيراتو والالنترا حابب اقولك مستحيل
وكمان ممكن لو الطريق مفيهوش ملفات قاسية يبقا كمان مستحيل تحصلها

صعب أوى الكلام ده..؟!!
- مبدئيا الإلنترا (الشيب اللى فات) أسرع من السيراتو، فوق وتحت.. وده متجرب ومعروف،
نيجى بقى للمقارنة مع السيفيك.. وأحنا بنتكلم فـ نقطتين:
التسارع من الثبات، وتسارع من الحركة أو High-Speed Acceleration

بإختصار، (على فرض ان الإثنين هيطلعوا من السيفيك فـ الطلعة من الثبات):
- الفرق اللى هتعملوا عليهم الهوندا فوووووق، أكبر بكتييييييييييي من اللى هما عملوه عليها فـ الطلعة..؟؟!!!
أيه بقى اللى يخليها مش هتحصلهم وتعديهم كمااااااااااان بفرق؟؟؟!!
أصل الـ3 عربيات محفوظين ومعروفين، السيراتو بتقع دايما عند الـ140 والـ170.. الإلنترا تجميعها عـ السرعات العالية أقل من السيفيك بكتير..؟!!
(عارف انها بتجيب 220 كمان المانيوال، بس السيفيك هتوصل للـ160-180 والـ200 قبلها بفرق كبير).. واللى ساق العربيتين أو جرب يشد معاهم هيعرف كلامى؟؟!!!

المشاركة الأصلية كتبت بواسطة semsem kane

طبعا ياباشا انا احترم رأيك جدا , وعموما الهوندا سيفيك لازم يكون واحد حافظ العربية كويس عشان يقدر يخرج منها احسن تسارع فى الطلعات للكن للاسف اغلب ملاكها مش بيعرفوا عموما يتعاملوا مع الاتوماتيك وكمان نظام الدواسة اللى غير بقية السيارات فليو وضعية معينة ,وانا معاك ممكن السيراتو لو فايقة اوى ومتعدل فيها حاجات زى مثلا بوجيهات وسلوك وفلتر سبور ومعود العربية على الجرى باستمرار هيطلع من السيفيك فى الطلعة بس اخرا لحد 80 وبعد كدة الهوندا هتطلع

+1
بتطلع بعد الـ80 والـ100 عشان الـi-VTEC بيغير بروفايل الكامة والصبابات (Lift و Duration).. فـ رينج الـrpm ده، تغيير واضح جدا فـ سحب العربية.
- عن تجارب السيفيك من أول النقلة الـ3rd أو عند 3500-4000 rpm فيه Kick كده العربية بتتحول..؟!!




على فكرة انهاردة انا شوفت عربية سيراتو وقفت فراملة على كوبرى اكتوبر المفروض انها الهاى لاين الكاملة فتحة سقف وكلة , ولقيت العربية فرملت هو تقريبا ماكنش واخد بالة ان العربية اللى قدامة بتهدى وداس فرامل جامد العربية زحفت كتير لدرجة ان والله الكاوش من كتر الاحتكاك طلع دخان جامد جدا جدااااااااا كان حاجة بتولع
وعادى ياباشا ممكن يكون فيها حاجة او فيها مشكلة فى الكاوتش او الفرامل بس اللى مجننى انة على اسفلت مافيهوش اى رمل

والله ياباشا بشوفها كتير، تلاقى سيراتو كاملة وجنط 17" (اللى هى الـSX تقريبا) وبتزحف زحف التنين فـ الـFull-Brake..
عجلة تـLock وصباح الكحت فـ الأرض..؟؟!!!

- وشفتها فـ كارينز، كان مضايقنى ومش عايز يعدينى وعمال يفرمل قدامى غلاسة.. سقطت نقلة نفخته،
والمطب قرب فضلت حااااارق لحد قبل المطب شوية بدأت أفرمل للآخر..
وصاحبنا جاى ورايا طاير وإهىىىىىىىىىءتييييييييييي ت (وكان شايف المطب بس فاهم فرامله غلط) ، وسعتله لا يلبس فيا.. وكل المطب زى الـX..؟!! ههههههههههه
(إبن التييييييييت جاى يشد معايا فـ الشارع بتاعنا، تقريبا كان جاى سوق السيارات) ومايعرفش الحته؟؟!!!


الهيونداى طلعتها حلوة عشان خفيفة عن السيفيك لكن السيفيك اتقل شوية وكمان فيها نظام ال drive by wire دة بيقلل طلعة العربية شوية

والطلعات مش كل حاجة دية بتعتمد على مدى مهارة السائق فى انة يطلع قوة العربية فى وقت اقصر

وعموما انا لاانصح اصلا بان الواحد يجرى من الثبات لان الجرى من الثبات بيبقى داخل فية حاجات كتير ( خفة وزن العربية - حجم الكاوتش - سرعة دوسة رجل السائق ) لكن بعد ال80 هنا بقى بتحدد قوة العربية صح بتشوف تجميع بتشوف سرعة قصوى كل دة بتعرف منة العربية كويسة ولا لأ مش تسارع من الثبات

لان عشان تشوف تسارع من الثبات لازم يكون حالات العربية زى بعض ( بنزين نظيف - ضغط كاوتش مظبوك - فلاتر نظيفة - زيت محرك كويس - سائق محترف )

+111
الطلعة من الثبات للسواقين، الشد من على سرعات للمواتير.

سواء العربية مانيوال أو أوتو (إلا لو الفتيس فيه Launch-Control ساعتها أى سواق يقدر يطلع من الثبات أسرع طلعة)..؟!!

والصراحة أنا مبحبش أشد من الطلعة (أو بعد مطب) مع حد.. بحس إنى بجهد الموتور والجيربوكس والـDrivetrain كله؟؟!!!
- مع إن التسارع عندى من الطلعة أجمد من أى 1600، وقريب أوى من الـ2000cc.. وفيه ناس جابت 8 ثوانى وكسور..
(T-JET فتيس Dualogic الـ120 حصان كمان مش الـ150 وبنزين 95 والكاوتش Full-Load)،
بس برضه، الشد من على السرعات (السبرينتات من 80-120، 120-160) أمتع وأقل إجهادا للعربية..