عاجباني اوي حكاية الموتسكل ده يمكن يسهل علي احسن من العربيه

**me5222222** · 28-05-2012 04:11 AM

السلام عليكم اخواني في المنتدي

اولا انا لا افقه شئ عن الموتسكلات بس عاجبني اوي حتة

اني اركب موتسكل ريس يمكن علشان شكله وبعد ما

جبت العربيه واللي بشوفه طبعا في شوارع قاهرة المعز

وانا بالعربيه فقررت انضم الي عائلتكم الكريمه بس فيه

مشكله انا مابعرفش اسوق هههههههههه بس جازفت

واتصلت باتامركو محل موتسكلات وسألته عن اللي عنده

قالي اقل حاجه عنده هوندا 954 موديل سنة 2003 وسعره 45000
جنيه وده استعمال الخارج حتي قالي تعالي اتفرج علي

الطبيعه وطبعا لاني من عين شمس فقررت اني اروح

واشوف يمكن يكون عنده حاجه كويسه مع اني بردو مابفهمش فيهم

محتاج مساعدتكم في سؤال كده بحكم خبرتكم

*انا طولي 187سم علي فكره بلعب كره طايره

هههههههههههه ووزني حوالي 92 ك فهل ده هايعوق اني

اركب ريس والا الحجم ده عادي في مكن يناسبني وماحدش يتريق لو سمحت هههههههه ولو فيه حاجه تناسبني هاتكون ايه يعني من حيث سعة الموتور والسعر وكده انا مش هاقولكم لاني للأسف ماعرفش حاجه خالص
واسف اني طولت عليكم اخواني الكرام وشكرا ليكم

**bido600** · 28-05-2012 04:18 AM

يا فندم اولا يشرفنا انضمامك لاسرة القسم
ثانيا
فعلا هو منظر واستايل وحجات كتيرة جدا ولا زحمه ولا كل دا
بس الاهم ان حضرتك تكون حابه

ثالثا بقي حكاية التعليم ان شاء الله متشيلش همها انوي بس حضرتك واحنا واحدة واحدة مع بعض وان شاء الله هيكون سهل
المهم التوازن عدم التسرع وناخد خلفيه الاول قبل مانخش علي العملي

رابعا بقي حكاية الطول وكل الكلام دا عادي في بيكات كبيرة زي التسعميات
وانا برح ال919 من ناحية كل حاجة
ثالثا هيا هتبقي مشكلة في الاول خصوصا حضرتك مش بتسوق بيكات
لانها غبيه وغشيمة فممكن نعمل حاجة حضرتك تتعلم علي مكنة صيني او ريس 400 ولما حضرتك تتمكن نخش علي المكن الكبير

واي استفسار تاني كلنا هنا اخوات يا فندم
ويسرنا انضمامك لينا

**bido600** · 28-05-2012 04:36 AM

دي ال 919

ودا يا فندم سعره يترواح من 30 الي 34 حسب الحاله بتاعته
وطبعا لازم حد يكون ثقة يكشف عليه كويس

ودا بابعاد حضرتك لما حاطيناها
هيبقي حضرتك لما تركب البيك هيبقي الشكل قريب من دا قابل النقصان البسيط او الزيادة البسيطة
من الموقع الرائع من الموضوع الرائع بتاع العضو العزيز عمر
omar61995
ودا لينك الموضوع
http://www.nilemotors.net/Nile/288610-a.html

**joacky** · 28-05-2012 05:03 AM

أولاً : أهلاً بيك معانا فى عائلتنا الكريمة الصغيرة .

ثانياً : البداية ب954 مجازفة شوية هوا مش صعب بس مجازفة تمام .

ثالثاً: من نحية السواقة سهلة بس لازمن ولا بد تقعلك وقعتين حلوين فامش هاينفع تتعلم خالص على 954 هاتلاك حتة 250 أتعلم وى أعرف السواقة عاملة إزاى و شوف هل هاتقدر تتحمل البهايهم اللى بيسوقوا عربيات وى مبيشوفوش وى دول فى منهم كتيير وى بعدين أبقى هات اللى أنا عايزة.

رابعاً : بالنسبة للوزن وى الطول فدة عادى مهماً يكن مع إن ال250 هاتبقى كتكوت بالنسبة لك ما شاء الله فتتعلم وى ممكن أنا شايف أنك ممكن تجيب بقا بعد كدة حاجة كاستم بقا تقيلة أو مكنة عالية ريس وى أنا فى حالتاك أفضلك طبعاً الكستم فى الاستيل وى الشكل وى الصوت هايليق كولو مع بعض

خامساً : بالنسبة للسعة أحنا قولنا تتعلم على CBR 250 وى بعد كدة خش فى كستم زى Honda VTX 1300 او Honda Shadow 750 أو Suzuki Boliverd 1800 \1300 ....وى لو رايس شوف ممكن ال945 أو بتمنة هات Honda CBR 1000 2006

وتقل تحياتى فى الاخر .................................. عبدالرحمن الحاكم

**m3_dolphen** · 28-05-2012 05:16 AM

اهلا بيك معانا ونورت القسم انا ارشحلك حاجة 600 سى سى افضل

**me5222222** · 28-05-2012 06:36 AM

المشاركة الأصلية كتبت بواسطة bido600

يا فندم اولا يشرفنا انضمامك لاسرة القسم
ثانيا
فعلا هو منظر واستايل وحجات كتيرة جدا ولا زحمه ولا كل دا
بس الاهم ان حضرتك تكون حابه

ثالثا بقي حكاية التعليم ان شاء الله متشيلش همها انوي بس حضرتك واحنا واحدة واحدة مع بعض وان شاء الله هيكون سهل
المهم التوازن عدم التسرع وناخد خلفيه الاول قبل مانخش علي العملي

رابعا بقي حكاية الطول وكل الكلام دا عادي في بيكات كبيرة زي التسعميات
وانا برح ال919 من ناحية كل حاجة
ثالثا هيا هتبقي مشكلة في الاول خصوصا حضرتك مش بتسوق بيكات
لانها غبيه وغشيمة فممكن نعمل حاجة حضرتك تتعلم علي مكنة صيني او ريس 400 ولما حضرتك تتمكن نخش علي المكن الكبير

واي استفسار تاني كلنا هنا اخوات يا فندم
ويسرنا انضمامك لينا

انا متشكر جدا علي سرعة الرد يا بيدو باشا وبالفعل انا شغال في اني اخد خلفيه والفضل يرجع ليكم اسرة قسم الدراجات البخاريه بعد ربنا طبعا وانشاء الله انا نويت والحمد لله بس اصلي مسافر خارج القاهره وراجع الاربعاء القادم وكلمت واحد صاحبي كان عنده زمان موتسكل هوندا صغير كده بس باعه وجاب عربيه قالي لما ترجع هاعلمك الموضوع بسيط وعلي فكره انا ماكونتش متوقع الرد السريع ده منكم بس بجد ربنا يكرمكم ويستر طريقكم شكرا ليك مره اخري اخي الكريم بيدو

**bido600** · 28-05-2012 06:40 AM

المشاركة الأصلية كتبت بواسطة me5222222

انا متشكر جدا علي سرعة الرد يا بيدو باشا وبالفعل انا شغال في اني اخد خلفيه والفضل يرجع ليكم اسرة قسم الدراجات البخاريه بعد ربنا طبعا وإن شاء الله انا نويت والحمد لله بس اصلي مسافر خارج القاهره وراجع الاربعاء القادم وكلمت واحد صاحبي كان عنده زمان موتسكل هوندا صغير كده بس باعه وجاب عربيه قالي لما ترجع هاعلمك الموضوع بسيط وعلي فكره انا ماكونتش متوقع الرد السريع ده منكم بس بجد ربنا يكرمكم ويستر طريقكم شكرا ليك مره اخري اخي الكريم بيدو

نايل بايكرز سرعة في الاداء دقة في التنفيذ :p

يا فندم انا اللي يشرفني اني اكون اول واحد يرد علي حضرتك ومتقلقش خالص من حكاية البيك دي
انت بس حضرتك انوي وكلنا معاك وانا شخصيا هتابع حضرتك و لو في اي حاجة
وصدقني السواقة اسهل مما تتخيل بس عاوزة شوية ممارسة عشان تتعود
وحضرتك تروح وترجع بالسلامة
واي استفسار تاني انا في الخدمة

**me5222222** · 28-05-2012 07:23 AM

شكرا ليك اخي الكريم عبد الرحمن وعلي فكره انا عارف اني هاقع مرتين تلاته لحد ما اتعلم وبعدين انا مش غاوي اجري حتي بالعربيه مابجريش بس لقيت ان البيك ممكن ينجز معايه خصوصا اني بتمرن في طره وبنام في المترو طبعا لان المسافه من عين شمس لطره كبيره ومره روحت بالعربيه الكابتن قالي كلام كتير جدا بسبب التأخير ساعه كامله ههههههههه وحضرتك عارف بأه الاتوستراد والدائري حاجه تشرح القلب هههههههههه
اما بالنسبه لموضوع التعليم فقررت اتعلم وفيه صديق هايعلمني انشاء الله
وشكرا ليك مره اخري اخي عبدالرحمن

**me5222222** · 28-05-2012 07:42 AM

المشاركة الأصلية كتبت بواسطة m3_dolphen

اهلا بيك معانا ونورت القسم انا ارشحلك حاجة 600 سى سى افضل

اشكرك اخي الكريم ويا رب اتعلم بسرعه وانضم ليكم بسرعه احسن انا هاتجنن بسبب الزحمه ومش عارف اتحرك بسهوله بالعربيه

**me5222222** · 28-05-2012 07:53 AM

المشاركة الأصلية كتبت بواسطة bido600

نايل بايكرز سرعة في الاداء دقة في التنفيذ :p

يا فندم انا اللي يشرفني اني اكون اول واحد يرد علي حضرتك ومتقلقش خالص من حكاية البيك دي
انت بس حضرتك انوي وكلنا معاك وانا شخصيا هتابع حضرتك و لو في اي حاجة
وصدقني السواقة اسهل مما تتخيل بس عاوزة شوية ممارسة عشان تتعود
وحضرتك تروح وترجع بالسلامة
واي استفسار تاني انا في الخدمة

متشكر لذوقق يا بيدو بيك ده شرف ليا انا اني انضم ليكم اسره البايك
والله انا كمان بيعجبني شكلها جدا والصور اللي ضيفتها حضرتك جميله جدا ده انا مره وانا علي المحور شوفت واحد راكب حاجه كده زي الهارلي ولابس جاكيت جلد ونظاره زي بتاعة ارنولد شوار زينجرههههههه فا بصيت عليه وضحكت بتلقائيه لان شكله عاجبني لقيته جه جانبي وعمل انه بيتسابق معايه بيسخني يعني طبعا هو شد ما شوفتوش تاني ههههههه ممكن يكون اعتقد اني عايز اسابقه هههههههههه بس شكله كان حلو

الموضوع: عاجباني اوي حكاية الموتسكل ده يمكن يسهل علي احسن من العربيه

LinkBack

أدوات الموضوع

عرض

-

-

-

-

-

المواضيع المتشابهه

عاجباني اوي حكاية الموتسكل ده يمكن يسهل علي احسن من العربيه

ايه ريكم العربيه احسن ولا الموتسكل

لو عجباك شير لايك يمكن تطلع احسن صورة

كيف يمكن زيادة ثبات العربيه ؟

هل يمكن عمل صيانه للتكيف العربيه

الكلمات الدلالية لهذا الموضوع

المفضلات

المفضلات

ضوابط المشاركة