التيريوس أعلى يا باشا
عرض للطباعة
ايهما انعم في العفشة
الداستر اعلى من التيريوس . النسخه ال ٤x٤ منها اللى هى ب ١٣٥ الف ارتفاعها ٢١ سم و عفشه اكس تريل و تعليق مستقل و مصفحه بالكامل من تحت و هى مانيوال ٦ سرعات و بالنسبه لوسائل الامان فيها ABS و BA و نسبه الانضغاط 9.8 يعنى بتمشى ببنزين ٩٢ و هى بتجيب من صفر الى مائه فى ١٣ ثانيه (الدفع الرباعى عامه ما بيركزش قوى مع حكايه التسارع دى) و حجم الشنطه بتاعتها ٤٤٣ لتر و العربيه ثابته على الطريق بشهاده اصحابها و العزل فيها ممتاز. هى بس من الداخل قد تبدو فقيره و هتضطر تتعايش مع بعض الحاجات زى زراير الزجاج اللى فى التابلوه و الزجاج اللى ورا عند مسند اليد و كمان الكلاكس فى الدراع زى العربيات الفرنساوى لكن غير كده العربيه دى عمليه جداً و مناسبه للطرق الجميله بتاعتنا و هتلاقى على اليوتيوب فيديوهات جامده جداً عن ال offroad بتاعها.
التيريوس عاليه عن الارض لكن ده بيؤدى لعدم ثباتها على السرعات و أضيق من الداستر لكنها اتوماتيك و افضل من الداخل فى الشكل و ان كان مش بفارق كبير من وجهه نظرى و عزلها سىء
بالنسبه لنعومه العفشه الداستر تكسب و كذلك وضع القياده للسائق اريح فى الداستر. برضه
الارتفاع بتاع الداستر مش 21 سم
المواصفات الفنية للداستر
- الطراز دفع رباعي
- المحرك الاساسي 1.6 / 105 / 4
- المحرك الاختياري غير متوفر
- منظومة الدفع امامى / رباعى
- ناقل الحركة يدوى 5 - 6
- الطول 4315
- العرض 1821
- الارتفاع 1631
- قاعدة العجلات 2672
- وزن السيارة 1180 : 1280
- سعة خزان الوقود 50
- من 0 الى 100 كلم غير متوفر
- السرعة القصوى غير متوفر
- معدل استهلاك الوقود 7.5 / 7.9
المواصفات الفنية للتريوس
- الطراز دفع رباعي
- المحرك الاساسي 1.5 / 105 / 4
- المحرك الاختياري غير متوفر
- منظومة الدفع رباعى
- ناقل الحركة يدوى 5 / الى 4
- الطول 4060
- العرض 1695
- الارتفاع 1695
- قاعدة العجلات 2580
- وزن السيارة 1170
- سعة خزان الوقود 50
- من 0 الى 100 كلم 12.4
- السرعة القصوى 160
- معدل استهلاك الوقود 8.1
يعني التريوس أعلى زي ما أنا قولت
انا مش عارف مصدر الكلام اللى حضرتك حاطه منين بس الكلام اللى انا كاتبه من رينو مصر و كل المعلومات موجوده فيه بالارقام بالضبط بالنسبه لل ٤x٤ و كمان العاديه و الرابط اهو لو عايز تتأكد بنفسك (طبعا ال دفع الرباعى هى اللى ٦ نقلات) و الارتفاع ٢١٠ مم
Renault - specifications
تيريوس
كراي شخصي
ماهو حضرتك اللي بتشكك في المعلومات وبتقوللي جايبها منين، لو عملك سيرش على جوجل (المواصفات الفنية للداستر) هاتلاقي كذا موقع سيارات كاتب المواصفات اللي أنا كاتبها، منهم (مجلة السيارات)، وأنا بتأسفلك يا سيدي بس تشكيك حضرتك اللي ضايقني.. وأسف ليك للمرة التانية، (ما تزعلش مني) وربنا يعلم برضه إنك تعز عليا