فعلاً أنا بسوق الدايو 2 والكليو ولكن هناك فرق كبير بينهم في القيادة والتحكم مع كامل أحترامي للدايو فهي سيارة محترمة كمان لكن الفرنساوي يكسب في الرفاهية والأمان والنعومة وهدوء صوت الموتور و..... .
عرض للطباعة
فعلاً أنا بسوق الدايو 2 والكليو ولكن هناك فرق كبير بينهم في القيادة والتحكم مع كامل أحترامي للدايو فهي سيارة محترمة كمان لكن الفرنساوي يكسب في الرفاهية والأمان والنعومة وهدوء صوت الموتور و..... .
عندى سؤال محيرنى
ازاى فى اربع شهور تصرف على عربيه رينو محترمه ال ونص عملت ايه فيها ؟؟؟؟؟
السلام عليكم
انت داخل في الراجل شمال كدة ليه!!؟ ما هو قال في الاول انه شاري العربية مستعملة ( اعتقد عاملة 120000 كيلو ) يعني كدة الكوبلن الاصلي عاش فيها 120 الف...دي كدة مش عربية محترمة؟؟؟؟!!
وبعدين الالف ونص الي هو صارفهم داخل فيهم طقم كاتينة بـ550 جنيه ودي صيانة دورية لازم تتعمل كل 60 الف كم
ايه بقى كمان الي مش عاجبك والي مخلي العربية مش محترمة ؟؟؟!
عمرو عمارة
يا عمرو باشا انا فهمت انها جديده شئ طبيعى انى استغرب لأنى بحب الرينو جدا والكلام مش طبيعى بالنسبه لعربيه جديده ولكن دلوقتى فهمت خلاص وعذراً لسوء فهمى...
فى هذه الحاله لو حيدفع لحد 3000 جنيه والعربيه ترجع زى ما الكتاب بيقول مش كتير
اصل دى رينو مش 128
- الصاجه الحمايه سهله فى استعدالها انا اول ما جبت العربيه استعدلها فى التوكيل ب40 او 50 جنيه
-الكوتشه معلش بقى تعمل ايه هات الاصلى وان شاء الله هتعيش معاك
اوعى تقارن للانوس بالكليو انا كان معايا لانوس قبل ما اجيب الانسر ونفس الوقت كان معايا الكليو لا وجه للمقارنه بين الاثنين فى السواقه كمان حاجات الاتوس مش بتعيش
الحمد لله انك جبت ماتور الطلبمه بس فيه ناس غيرك عملوا فيها جدعان وجابو التوكيل لحد باب البيت وغيروا طلمبه كامله ب1850 جنيه :hat:
-على فكره يا جماعه العربيه ده عامله 160 الف كم :) مش 120 الف كم
ان شاء الله الحاجات الباقيه بسيطه وربنا يبارك فى عربيتك
اذا سمحت يا باشا عايز اسال لك على موتور الطلمبة جبتة منين والسبب اللى غيرتة علشانة وهل هو سهل فى تركيبة يعنى اى ميكانيكى يقدر يغيرة
- أشكرك يا أخ Limo علي المعلومات المذكورة، والعربية فعلاً عمله دلوقتي 160000 كم يعني المفروض فعلاً الحاجات دي كلها تتغير.
- وأشكر الأخ Amr_Moh علي مشاركته بس أنا سألت الميكانيكي وقالي لا تصلح كاوتشة الدايو لأنها أصغر من كاوتشة الكليو أحسن حاجه الأصلي الفرنساوي.
- بالنسبة لموضوع طلمبة البنزين فهحكي الحكاية لكي يستفيد الجميع:
في الصبح بدور العربية لقيت المارش صوته عادي جداً لكن العربية مش راضية تدور أبداً فالصراحة خفت أكرر محاوله الإدارة أعتقاداً أنه سير كاتينة أو بلية......، المهم رحت الشغل مواصلات وأتصلت بالميكانيكي فقالي خلي حد يفتح الكونتاكت وحط أيدك علي وصلات خروج البنزين من الطلمة تحت الكنبة الخلفية لو حسيت أن يوجد أندفاع للبنزين حاول تدور ولو مفيش سبها وأتصل بي تاني، فعلاً عملت كدة ولكن لم أحس ببنزين يجري في الوصلات فأتصلت به قالي دي طلمبة بنزين.
فقالي في حاجة مهمه جداً أن صاموله الطلمبة فيبر وليست حديد زي الدايو و الهيونداي فلازم تتفك بالزرجينة الخاصة بيها وبش هتلاقيها عند أي ميكانيكي علشان ثمنها 1800 جم.
المهم أية المطلوب:
1- موتور طلمبة بنزين Boch ألماني أصلي بــ250 جم من عند أي بتاع قطع غيار سيارات حديثة.(كل المواتير تناسب كل السيارات)ويوجد أنواع وأشكال كثيرة أبتداء من 90 جم وحتي 550 جم.
2- جوان طلمبة كاوتش زي بتاع الدايو بــ10 جم.
جبت الحاجات دي وأخيراً جاء أيمن الميكانيكي فكها وركبها في حدود 10 دقائق والحمد لله.