الموضوع: قبل ماروح اعمل صيانة الخمس الاف

علي الطريق الd بيجيب 180 ويثبت علي كدة تدوس علي الدواسة ينفضلك طيب بلاش ال d ياسيدي نشغل ستب ترونيك برضه احرق علي التالت التالت اخره 180 برضة وبرضة ينفضلك ويروح ناقل علي الرابع لواحده ....ابوسس ايدك قفللي عداد طبعا في نفرين قاعدين ورا بيصورو العداد مش عايز اقولهم ان الشركة عملة ليمت

بص يا عادل انا عربيتي مانيوال
في طريق مصر اسكندرية جبت 190 مرتاح اوي على الرابع وكان لسه مفصلش الغيار وناقص الخامس بحالة وكان فيها تاني بس طبعا مراتي لما بتشوف العداد معدي ال 120 بتخاف اوي فمرضتش ازود واجبرتني اني اهدي
كنا 4 في العربية + 3 شنط كبار يعني العربيى كانت فول لودي
انت متاكد ان الاوتوماتيك سرعتها ليميتيد؟

ان ا حنا ماشين علي سرعة عالية يعني الاول واحد صاحبي بيقولي انتي ماشي علي كام قولتلوا 120 قالي 120 ولا 20 وطبعا اول مرة اخد ملفات علي 180 برضة قمة في الثبات

120 في السوبارو الجديدة و لا اكنك ماشي ما شاء الله فعلا الوالد كان راكب معايا على مصر اسكندرية و ماشي على 120 يقولي سرع شوية اقوله انا ماشي 120 ميصدقش غير لما يبص على العداد
ببساطة: AWD + وزن ثقيل = ثبات لا يوصف في الطريق المستقي
هو عيب الوزن الثقيل اوي ده انه مرهق شوية للعربية في الملفات بس الثبات حدث و لا حرج

حاجة لاحظتها العربية وهيا علي سرعة عالية وتيجي تنزل مثلا ل80 تلاقي الدركسيون بيتهز تحت ايدك مش عارف لية والباور زي مالاخ موسو قال قبل كده تقيل

مش عارف يا عادل انا ملاحظتش رجة الدريكسيون دي خالص

الاخ mosso مش معاه 2008 متهيالي معاه الشكل اللي قبل الحالي او اللي قبليه
اللي انا متاكد منه ان الباور بتاع 2008 اتقل من 2007
بس ده بيسهل قيادة العربية في السرعات العالية جدا

اما بالنسبة للخبطات فربنا يستر طريقك اهم حاجة
انا العربية اتخبطت 3 مرات وهي راكنة وتراوحت الاصابات بي خدوش مؤثرة و خبطة مش بسيطة في الباب رديتها على البارد

متشكر علي الرد السريع ياvit mitcho بص هوا اهم حاجة في الموضوع الرعشة الغريبة دي لما اسيب دواسة البنزين ده بقي مش عارف هل من ال4*4 ولا علشان اول مرة اسوق اوتوماتيك طول عمري باسوق مانيوال لكن سوقت جيتا و باسات اوتوماتيك ماحستش بحاجة وكمان بحس ان الكيك داون فيه delay يعني علشان تعدي من عربية وتطلع منها تكون هي مشيت:)

انا مجربتش الأوتوماتيك الـ 2008 في السوبارو بس عموما اي عربيه اوتوماتيك (بما فيهم سوبارو 2007) الكيك داون بيتأخر حوالي ثانيتين بعد ضغطك على طواسه البنزين.
موضوع الرعشه اللي بتقول عليه انا مش عارف اتخيله... بس احسن حل انك قبل ما تقولهم عليها في التوكيل.. انك تجرب عربيه اوتو تانيه زي عربيتك.

مانا مجرب باسات وجيتا ,بس انا هاقولك حاجة كان عندي زمان عربية لعبة كانت 4*4 يعني لما كنت امسك عجلة واحدة لازم ال 3 الثانين يمشوا زيهم انا افتكرت العربية ده دلوقت علشان لما كنت امشيها واوقفها احس ان الاربع عجلات بيرعشوا زي ما يكونوا بيعملو تزامن مع بعض انا لما افتكرتها قولت ليه ما يكونش ده اللي بيحصل كل شيء جايز بس انا قولت اسئلكو لو كانت عادية ولا لأ

مانا مجرب باسات وجيتا

انا قصدي تجرب عربيه سوبارو اوتو 2008 تانيه

استاذ عادل,,
انا معايا 2007 مش 2008
مشكلة الكاوتش عندي انه بيصرخ جامد كأني بأمرك في الملفات,
ثواني بقه عايز استفسر على حاجه,
لما بتدوس فرامل بتحس ان في رعشه و زنه كأن التيل خلص و تحس ان العجل بيحك في الرفرف؟؟؟؟؟؟؟؟؟؟
انا عندي الحكايه دي بتحصل و بسمعها ساعات و كل ماروح التوكيل و يجربها معايا مبتظهرش!!!!!!

لأ انا عندي الرعشة مالهاش صوت انا الكلام ده بحس بيه ساعات ساعات عارف لما تسوق عربية وقواعد الموتور مكسورة هو نفس الاحساس,بالنسية للرعشة الي بتحس ان التيل خلص انا فاكر لما قريت الكاتالوج كان مكتوب ان ساعات لما تدوس علي الفرامل بتحس بحشرجة ومكتوب دة عادي ده كدة ال ebd شغال وبيقوم بهمته(توزيع قوة الفرامل علي كل عجلة) بص مكتوب بالظبط في الكاتالوج(when the ebd system is operating you may hear a chattering noise or feel a slight vibration in the brake pedal.this is normal and does not indicate a malfunction)