عندى مشكلة فى اوبل استرا 2005

**Ayhaga** · 28-05-2012 01:08 PM

انا معايا اوبل استرا 2005 شاريها لسة قريب بس عندى العربية عند ال 80 بتقطع وبعد كدة بتمشى مظبوطة ديه اول مشكلة تانى مشكلة فى سخونية بتطلع عليا كدة وانا سايق وتالت مشكلة التكيف بياثر على السحب جامد اوى ياريت لو حد يقدر يفيدنى اعمل ايه ؟؟؟؟

**Ayhaga** · 28-05-2012 01:12 PM

انا لسة معملتش فيها حاجة خالص

**NeeMoo** · 28-05-2012 10:50 PM

بداية مبروك عليك العربية .... وربنا يكفيك شرها ويرزقك بخيرها.
التقطيع اللى بتقول عليه احتمال كبير جدا يكون مشكلة فى كهرباء العربية وتحديدا فى البوبينة .... هى اللى بتعمل كده .
للعلم سعر البوبينه بحوالى 750 جنيه صناعة فرنساوى من عند سرور اللى فى شارع شامبليون .... وطبعا تشترى 4 بوجيهات جداد ( فيه بوش ألمانى بـ 75 جنيه ) علشان البوبينة بتبوظهم لما يكون فيها مشكلة .
وبما انك لسه مغيرتش حاجة من ساعة ما اشتاريتها .
فخد النصيحة دى :
اطلع على مقار الساعة 8 صباحا واسأل عن مهندس / وجيه الخولى ..... وسلم العربية ليه .... وتقولوا على مشكلة التقطيع والسخونة والتكييف .
الكشف العام بحوالى 220 جنيه بالضريبة ..... وكشف التكييف بحوالى 300 جنيه يكشف عليه تمام ويشيك على كل حاجة فيها .
خد بعد كده التقرير ..... واشترى قطع الغيار من بره .... هتلاقى أوفر بكتيييييييييييييييييييييي ييييييييييييييير .
بعدين الشباب ينصحوك بميكانيكى قريب من بيتك تغير عنده الحاجة اللى اتكتبت فى التقرير ..... وبكده تبقى عملت صيانتها وحليت مشاكلها واطمنت عليها .
وربنا يعينك

**haitham2011** · 28-05-2012 11:10 PM

صديق ليا كان بيحصل معاه موضوع التقطيع علي سرعه 80 و تروح بعد ال 90 مهما زود
و كانت البوابه عايزه تتنضف , جرب تنضفها مش هتخسر حاجه قبل متصرف كل ده

**Ayhaga** · 29-05-2012 01:41 PM

شكرا اوى ليك يا ميمو بس انا معرفش مقار ده فين ؟

**Ayhaga** · 29-05-2012 01:45 PM

ولا اروح اعملها فى التوكيل احسن ولو رحت التوكيل هدفعلى اد ايه ؟ هى العربية عاملة 66 الف كيلو واخر صيانة ليها كانت ال 20 الف

**NeeMoo** · 29-05-2012 06:01 PM

شوف يا برنس ... أنا أسمى نيمو أولا
ثانيا مقار ده عن الكوبرى الخشب بتاع بولاق الدكرور أو عند محطة مترو البحوث أو أو شارع التحرير أو عند طلعة صفط اللبن على الدائرى مش اللى عند كلية التجارة لأ التانية .
هما توكيل أول ومرسيدس .... وفاهمين .... ومتشتريش قطع الغيار من عندهم ..... وتروح بدرى على الساعة 8 الصبح ... علشان يعملوها .
بالتوفيق