المساحات عندي متبهدلة خالص وعايز اغيرها، وناوي أروح لسبير كار النهاردة بس مش عارف ايه أحسن الأنواع.
لو حد عنده خبرة في الموضوع ده ياريت يقوللنا إيه أفضل الأنواع الموجودة، ورينج الاسعار، وآخد بالي من ايه ونا باركبها عندهم
عرض للطباعة
المساحات عندي متبهدلة خالص وعايز اغيرها، وناوي أروح لسبير كار النهاردة بس مش عارف ايه أحسن الأنواع.
لو حد عنده خبرة في الموضوع ده ياريت يقوللنا إيه أفضل الأنواع الموجودة، ورينج الاسعار، وآخد بالي من ايه ونا باركبها عندهم
هات مساحات rubber
لو تروح التوفيقة اطلب نوع اولاد غريب
تاخد بالك من المقاس بس
الحمد لله رحت سبير كار في امتداد رمسيس، قلتله عايز مساحات جديدة، قام قاللي عندي مساحات رابر، وهو نوع واحد اللي عندي بس أنضف حاجة، قلتله عالبركة.
قام بعت معايا حد من اللي شغالين في المحل، راح فك المساحات القديمة من العربية ورجعنا المحل، جاب مساحتين اتنين بمقاسات مختلفة عن الأصلي، الشمال أطول بدرجتين، واليمين أطول بدرجة. قلتله ليه، قاللي جرب ولو معجبتكش هاركبلك الاصغر.
راح العامل وركبهملي، وفعلا طلعوا مضبوطين بالشعرة، وأحسن من القدام. ولما بيشتغلوا بيغطوا الإزاز كله من أقصاه لأقصاه، وكمان شكلهم شيك جداً.
رجعت للمحل عشان أحاسب،
كم ياعم حسابك للمساحتين؟ عشرين جنيه.
بالتركيب؟ أيوة.
طب الواد اللي جه معايا وفك وركب أراضيه بحاجة؟ لا يا فندم كده خلاص
سلامو عليكو .. سلامو عليكو
السعر كويس
بس مش عارف غير المقاس ليه
اتاكد انهم مش بيخبطوا فى بعض اول ما تيجى تشغلهم
ومبرررررررررررررووووووووو ك
مهو ده اللي كان قالقني في الأول، بس الحمد لله مش بيخبطوا بعض، هما بيقربوا بعض أوي أكتر من الأول وده خلى الإزاز يتمسح أحسن من الأول لإن التغطية بقت أكبر والمساحتين بيسلموا بعض مضبوط.
اللي عجبني إنهم فاهمين وعارفين بيعملوا ايه، بيبصوا عالمساحات وعالعربية ويقرروا يركبولك افضل مقاس ليها.
ألف مبروك، وفعلا هما فاهمين جدا
مبروك .
عادى تكبير طول المساحه بيبقى احسن و بيغطى القزاز كله
و مبروك يا باشا
و عقبالى علشان اللى عندى اتسرقوا
هههههههههههه