تجربتى فى شراء كاوتش من ممدوح غطاطى

الخميس اللى فات سألت عند غطاطى على كاوتش ميشلان يكون انتاج 2012 ومقولتش انتاج حديث عشان ممكن يكون الأنتاج الحديث فى رأيهم من 3 سنين مثلا قالى اه موجود انتاج السنه دى قالى ايوة
ماشي روحت تانى يوم لاقيت موظف تانى اعدت عليه نفس الكلام قالى ايوة
ماشي دفعت الفنى جاب الكاوتش بصيت على التاريخ لقيته انتاج نص 2011 قولتله ده مش انتاج السنه دى لسه هيقول حكايات لقى ايدى على التاريخ قلى ما اعرفش طلعت فوق ملقتش الموظف لاقيت واحد تانى حكى فى قصه متعرضتش من الأول مفيش كاوتش انتاج السنه خالص ده بيقعد 6 شهور فى البحر مع انه اسبانى يعنى عدى الناحيه التانيه بس
وكنت سألته عن نوع البطاريات اللى عندهم المتقفله اللى بيتقال عليها لا تحتاج صيانه ولا الجافه فعلا زى بطاريات القلم قالى اه جافه فعلا
النتيجه
ريح الزبون وقوله اه محدش فاهم حاجه

إدى ضهرك للحيط وخد نفس وخليك رويح ......... عزيزى العميل إستمتع بمسلسل النصب والهمبكة المستمر مع تحيات أى حد بيشتغل فى العربيات إلا من رحم الله

اقتباس:

---

المشاركة الأصلية كتبت بواسطة HAITHAM1985

إدى ضهرك للحيط وخد نفس وخليك رويح ......... عزيزى العميل إستمتع بمسلسل النصب والهمبكة المستمر مع تحيات أى حد بيشتغل فى العربيات إلا من رحم الله

---

فعلا خليك رويح

ده أى فرع فيهم ؟؟

اقتباس:

---

المشاركة الأصلية كتبت بواسطة ahmed_ramadan

ده أى فرع فيهم ؟؟

---

متهيألى مش هتفرق اى فرع المهم انه حكى اللى حصل عشان الناس تاخد بالها وشكرا لصاحب الموضوع على التنبيه

اقتباس:

---

المشاركة الأصلية كتبت بواسطة المنسي

متهيألى مش هتفرق اى فرع المهم انه حكى اللى حصل عشان الناس تاخد بالها وشكرا لصاحب الموضوع على التنبيه

---

حضرتك أنا بسأل علشان انا ليا موقف معاهم و كنت عاوز أعرف ديه مشكلة فرع و لا هو كده عموما

فيصل المريوطيه

غطاطي ده أنا ما بستريحلوش، وواحد صديقي كان ليه تجربة سيئة معاه

هو ايه المشكله انه انتاج نص 2011 يعتبر جديد برضو مافرقتش كتير .. ولا ايه ؟

انا طبعا معاك في المبدا انه المفروض يلتزم بكلمته

اسعار غطاطى نصب
هو بيضحك عليك بجو الاستقبال والخصم يافندم هيكون كذا واتفضل استريح
كلام كله فى الهجايص
اشترى دماغك وهات من بيومى

اقتباس:

---

المشاركة الأصلية كتبت بواسطة mazagngi2010

اسعار غطاطى نصب
هو بيضحك عليك بجو الاستقبال والخصم يافندم هيكون كذا واتفضل استريح
كلام كله فى الهجايص
اشترى دماغك وهات من بيومى

---

+1111111111 بيومي فعلا أسعاره أقل

في غيره علي طول

بيومي مين ؟؟؟

انا اتعاملت مع غطاطي قبل كدة اكثر من مرة
الصراحة هو غالي
بس عنده ضمان يعني ضمان

يعني انا مرة رجعتله ببطارية فيها شهر (عدي 11 شهر من الضمان) وكمان ماكنتش ملتزم اوي بالزيارة الشهرية
ومع ذلك غيرهالي
صحيح خصم استهلاكي لل11 شهر
بس دفعني مبلغ صغيور وجابلي بطارية غيرها

ومرة تانية كان عندي مشكلة في بطاريتي وكانت من عندهم بردو
ادالي بطارية تانية وخد بطاريتي وبعد يومين روحتله خدت بطاريتي مشحونة و10/10

معاملتهم مش وحشة
واحسن ضغط كاوتش من عندهم - دايما بحب اضبط الضغط عندهم

هما كل ماهونالك سعرهم عالي شوية

لكن كاوتشهم - بيبقي كويس ومعمر
انا اشتريت من عندهم كاوتش اسمه كورسا
كان طري جدا وخلي العربية ناعمة اوي في المطبات
وحسيت ان العربية فراملها احسن وسحبها ناعم

انا أؤيدك الرأي في نقطة
انك تسمع كلام من واحد وتروح لواحد تاني تسمع كلام تاني خالص
كأن الأتنين مش شغالين في نفس المكان

ودة فعلا من باب
مش الزبون من قدامك بأي كلام

بس المهم
انت أشتريت ولا لاء؟؟

مبروك الكاوتش لو كنت اشتريت
والتاريخ مش مشكلة اوي لو ماكنتش اشتريت - بردو نص 2011 مش بعيدة اوي - يادوب سنة من 5 سنين صلاحية

تحياتي

والله المستعان
،
،

الكدب يا جدعاااااااااااااااااااااا ن
ويكبيدا
'الكذب' هو أن يخبر الإنسان عن شيء بخلاف الحقيقة، ويكون إما بتزييف الحقائق جزئيا أو كليا أو خلق روايات وأحداث جديدة، بنية وقصد الخداع لتحقيق هدف معين وقد يكون ماديا ونفسي واجتماعي وهو عكس الصدق، والكذب فعل محرم في جميع الأديان. الكذب قد يكون بسيطا ولكن إذا تطور ولازم الفرد فعند ذاك يكون الفرد مصاب بالكذب المرضي. وقد يقترن بعدد من الجرائم مثل الغش والنصب والسرقة. .

دايما الكاوتش لو الى بيشتريه معندوش خبره يتنصب عليه فيه

اقتباس:

---

المشاركة الأصلية كتبت بواسطة syd

بيومي مين ؟؟؟

---

في شارع التحرير (الدقي) جنب جاد وعلى فكرة مستورد كبير، لقيت فردة البريدجستون الياباني عنده أقل 30 جنيه في الفردة عن توكيل بريدجستون، وإنتاج احدث، ومشتري منه أكثر من بطارية بدون مشاكل، وما شاء الله على كم العربيات اللي عنده، ولسه كمان جايبين منه طقم كاوتش تويو إنتاج حديث ممتاااااااز.. تحياتي

اصلا الواحد مبيعرفش يركن قدام بيومى من كتر العربيات اللى عندة (ما شاء الله ربنا يزيد و يبارك) و لو روحتلة اخر اليوم بتلاقى قدامة الف بطارية مستعملة و مليون طقم كاوتش قديم دليل على حجم تعامل كبير

اللى زى كدة بتبقى دايما بضاعتة انتاج حديث لانة مش بيلحق يخزن و بياخد اسعار حلوة من الموزعين بالتالى مبيبقاش غالى زى باقى الناس

MMamdouh

اقتباس:

---

المشاركة الأصلية كتبت بواسطة sehsss

في شارع التحرير (الدقي) جنب جاد وعلى فكرة مستورد كبير، لقيت فردة البريدجستون الياباني عنده أقل 30 جنيه في الفردة عن توكيل بريدجستون، وإنتاج احدث، ومشتري منه أكثر من بطارية بدون مشاكل، وما شاء الله على كم العربيات اللي عنده، ولسه كمان جايبين منه طقم كاوتش تويو إنتاج حديث ممتاااااااز.. تحياتي

---

اه عرفته

فعلا بشوف عنده زحمة كتير

واعتقد عامل ستاند جنوط بردو كبير اوي

صح ؟

اقتباس:

---

المشاركة الأصلية كتبت بواسطة houras1010

فيصل المريوطيه

---

ده فرع اعوذ بالله تحس ان اللي شغالين هناك كفتجيه !!
عينه على جيبك اخد الفلوس منك خلاص اخبط راسك في الحيط
للأسف ناس كتير بتستغل البهرجه والاسم عالفاضي !!

هو فعلا حاجتوا نضيفه واسعاروا كويسه بس فيه نفس موضوع التضليل اللى بيعملوا 90 % من المحلات انا لسه جايب بطاريه جافه acdelco من عندوا النهارده اول ما دخلت قولت انا عايز بطاريه 70 امبير فقالى موجوده وورانى البطاريه فلقتها طبعا 62 امبير فقلتلوا لق انا عايز 70 قاللى بص يا باشا اهو مكتوب عليها td 70 قلتلوا ده الموديل لاكن اللى انا قصدى عليها مكتوب عليها 70 ah مش td المهم لما عرف انى فاهم قالى ال 70 ما بقتش تنزل و مش موجوده عندى يعنى لو اللى بيشترى مش فاهم هيشترى وهو فاهم انها 70 امبير

الصدق فى المعامله ثروة لايمكن ان تعوض اذا مافقدت

اقتباس:

---

المشاركة الأصلية كتبت بواسطة sehsss

+1111111111 بيومي فعلا أسعاره أقل

---

سحس يعنى لو جبت منه الاربع فرد بريدجستون هيبقى ارخص
ولا اجيب من بريدجستون نفسه واخد خصم ال5% بتاع الاستيكر ارخص
قولى علشان هغير على اول 7

فرع المريوطية يا نهار فتايين فتى اى كلام فى اى حاجة من حوالى سنة ونص كده كنت محتاج بطارية كانت فترة غريبة كدة والبطاريات الجافة كانت وصلت قرب ال 700 جنيه المهم قولت خلاص ما فيش غير ان اجيب سائلة يبقى على طول غطاطى احسن سعر واحسن ضمان المهم روحت ... عايز بطارية سائلة 55 بكام قالى 550 ومش حديك ضمان قولتلوا 550 و مفيش ضمان قالى الضمان ضمان المحل يوميين تلاتة بالكتير بعد كده مع الشركة الام سبتة ومشيت وجبتا بعد كده من محل جمبى 320 بالضمان

اقتباس:

---

المشاركة الأصلية كتبت بواسطة kareem fawzy

سحس يعنى لو جبت منه الاربع فرد بريدجستون هيبقى ارخص
ولا اجيب من بريدجستون نفسه واخد خصم ال5% بتاع الاستيكر ارخص
قولى علشان هغير على اول 7

---

أيوه يا كيمو، بيومي أرخص وابقى قوللي ساعتها أجي معاك علشان أنا بتعامل معاه من زمان

اقتباس:

---

المشاركة الأصلية كتبت بواسطة sehsss

أيوه يا كيمو، بيومي أرخص وابقى قوللي ساعتها أجي معاك علشان أنا بتعامل معاه من زمان

---

تمام يا سحس لانى انا واشرف عايزين نغير 4 فرد

حبيبيى اسحس :)

اقتباس:

---

المشاركة الأصلية كتبت بواسطة kareem fawzy

سحس يعنى لو جبت منه الاربع فرد بريدجستون هيبقى ارخص
ولا اجيب من بريدجستون نفسه واخد خصم ال5% بتاع الاستيكر ارخص
قولى علشان هغير على اول 7

---

خلي بالك هوا قالك ارخص 30 جنيه و مقلش السعر شامل ايه
ممكن يكون سعر الفرده وخلاص
في بريدجستون السعر شامل (فك-تركيب-ترصيص-نيتروجين)
اسأل الاول السعر عندهم شامل ايه

بصراحة بيومي ماشاء الله علية فعلا أقل أسعار وأنضف بضاعة ولسة من قريب كنت جايب من عندة أربع فرد كومهو لعربية ماتريكس

سمير بيومى بيديك السعر شامل فك و تركيب و ترصيص... لكن هو معندوش نيتروجين

MMamdouh

اقتباس:

---

المشاركة الأصلية كتبت بواسطة m_adeleid

خلي بالك هوا قالك ارخص 30 جنيه و مقلش السعر شامل ايه
ممكن يكون سعر الفرده وخلاص
في بريدجستون السعر شامل (فك-تركيب-ترصيص-نيتروجين)
اسأل الاول السعر عندهم شامل ايه

---

السعر شامل يا باشا الترصيص وفك وتركيب

اقتباس:

---

المشاركة الأصلية كتبت بواسطة bmw323

بصراحة بيومي ماشاء الله علية فعلا أقل أسعار وأنضف بضاعة ولسة من قريب كنت جايب من عندة أربع فرد كومهو لعربية ماتريكس

---

اقتباس:

---

المشاركة الأصلية كتبت بواسطة mmamdouh

سمير بيومى بيديك السعر شامل فك و تركيب و ترصيص... لكن هو معندوش نيتروجين

mmamdouh

---

+11111111111111111

صلاحية الكاوتش و هو جديد 5 سنوات
و اول لما يركب 3 سنوات او 40 الف بس مع الروتشان والنيتروجين والسواقة الكويسة ممكن يوصل 60 الف
ونص 11 مش قديم
بس طبعا هو كدب مش صريح يبقى قلت التعامل معاه افضل .....

اقتباس:

---

المشاركة الأصلية كتبت بواسطة sehsss

السعر شامل يا باشا الترصيص وفك وتركيب

---

يبقي تتوكل علي الله

للاسف كنت رايح اشتري منه كاوتش اكليس ماليزي وهو الوكيل بتاعه لقيته عنده ب 430 جنيه للفرده الواحده مقاس 14/65/185 وروحت لواحد غيره لقيته عنده ب 370 جنيه للفرده وتاريخ انتاجها كان احدث منه للاسف كله نصب في نصب