الالنترا 2007 بتاكل بنزين وفى دخنه سوده من الشكمان؟
وكمان فى ريحه بنزين
روحت للميكانيكى قاللى دى رشاشات يا باشا
المهم روحت فاكك رشاشات النترا 2007 بتاعت واحد صاحبى وركبتها عندى ولاقيت بردو نفس الحوار ؟
ايه كده بقى
مع العلم ان العربيه بقت غول بنزين بتاكل 20 لتر 92 فى 80كم
حاجه بصراحه مستفزه
الف شكر للرد
بس لللأسف مفيش ولا مشاركه فيهم زى اللى عندى فى العربيه
الدخنة السودة معنها ان البنزين (نى) اى لايتم حرقه بكفاءة
والمشكلة دى مشكلة بوجيهات - غيرها وان شاء الله المشكلة تتحل
طالما غيرت الرشاشات ومافيش مشكلة اتغيرت , يبقى حضرتك تكشف على الكنترول
وتشوف الفيش اللى واصلة للرشاشات
وطبيعى اللى حصل دة هيكون بوظ البوجيهات
الف شكر للرد
بس أنا لا حظت حاجه النهارده
أنى لما شيلت فيشه حساس الشكمان ما فيش اى حاجه حصلت يعنى الفيشه راكبه زى مش راكبه وفى الحالتين دخنه سوده!!!!!!!!!!!!
حساس الشكمان يعمل كدة فعلا بس حساس الشكمان بيخلى صوت المكنة صوت المكنة فظيع لما بيتفصل او بيبوظ
ممكن تفكة تنظفة بس موضوع انة ميأثرش على العربية لما يتفك دة معناة انة اصلا مش شغال
وعموما انا عارف ان الالنترا نازلة من غير لمبة check engine او بمعنى اصح مابتديش حاجة
عشان كدة لازم تحط العربية دية على جهاز كشف اعطال
الف شكر للرد وهعمل اللى قولتلى عليه
بس بعد اذنك ممكن بس تقولى ازاى أفك الحساس وبيتنضف ازاى ؟
انا كان عندي واحد صاحبي حصل معاه نفس المشكله في اوبل وبعديها ب4 شهور رماها للميكانيكي وقالو شوفلي حل فقرر انه يجيب مكنه بعد ماعمل كل حاجه من رشاشات وحساسات واجهزه كشف اعطال وكان وش السيلندر بتاعها مش موجود حتى في بور سعيد اوبل فيكترا 97 1600 المهم قرر يركب مكنه تانيه 2000 ويحولها اوتوماتك والميكانيكي خد العربيه بور سعيد وكان دايس البنزين عالأخر والعربيه جايبه 100 بالعافيه في الأخر لقى العربيه مسيحه بستم.
زميليالمحترم بص ده حساس شكمان 900% و الجهاز الكشف هياكدلك كده ولازم لما تغيره تعمل مشوار بالعربيه علشان الدخنه اللي مخزنها الشكمان تروح ولا يقبل التنظيف
الف الف شكر للرد
انت عملت ايه يا سامح في مشكلة استهلاك البنزين دي وهل غيرت حساس الشكمان وكام سعره؟