لا هيا موجودة فى التوكيل 1300 ومعاها تكييف وباور وكاسيت
انما 1600 فهيا كاملة بس مش عارف ايه معاها زيادة عن 1300
عرض للطباعة
لا هيا موجودة فى التوكيل 1300 ومعاها تكييف وباور وكاسيت
انما 1600 فهيا كاملة بس مش عارف ايه معاها زيادة عن 1300
بص انت تشيل من دماغك خالص ال 1300 ديه اذا كانت موجودة لان اي عربية بيتحط فيها موتور اقل من المصمم لوزنها وشاسيها بتبقي وحشة وسحبها ضعيف واستهلاك البنزين اكبر والحمل علي الموتور اعلي
الحاجة التانية انك تشيل من دماغك الهندي برضوا لانة طلع ولا نزل تقفيل شرق اوسطي يعني تقفيل درجة تاني علي افضل حال ده بالاضافة لكلام فهد ان قطع غيارها مش متوفرة (فوانيس وشبكة واكصدام) زي الفيرنا العادية وكمان سعر اعادة البيع لسه مش معروف وممكن يقل عن سعر الفيرنا العادية لو اتحطوا مع بعض في مقارنة
اخر حاجة لازم تعرفها ان فيه حسبة انت بس اللي تقدر تحسمها بين الشاهين والفيرنا
الاتنين قطع غيارهم متوفرة وصيانتهم سهلة ومش مكلفة وان كانت الشاهين اسهل واوفر
بس الشاهين معمرة اكتر من الفيرنا والفيرنا احدث في التكنولجيا والشكل
انت اللي تقرر انت عايز ايه علي حساب ايه
فيرنا 1600 تقفيل مصرى موتور قوى على العربية حلوة احسن من الهندى فول اوبشن اما بالنسبة لموضوع الزاويا هو مش كل الفيرنا فى مشكلة الزاويا ومايمنعش انوا فية بعضها بياعنى من الزاويا بس الموضوع موقت وبيتحل
اشكر جدا كل الاعضاء الذين تم الرد على اسئلتى
اما بالنسبة لموضوع الشاهين انت فاهم انا عاوز سيارة شكلها حديث وحديثة فى التكونولجيا بتاعتها وفى نفس الوقت تكون قوية ومفهاش مشاكل كتير وعلى قد فلوسى
فانا حاسس ان الفيرنا سيارة كويسة مش واحشة بس المشكلة التوكيل بتاعها هنا اللى سمعت عنه كلام وحش جدا وغير كده فى المقارنة بينها وبين الهندى علشان هو ده اللى متوفر امامى للشراء فخايف اتسرع فى الشراء واقول ياريتنى كنت جبت التانية
مع الشكر لكل الاعضاء
ما حدش لسه يعرف حاجه عن الهندي ده، واكيد حياخد وقت على ما الناس تجربه وتعرف اذا كان فيه مزاي ولا كله عيوب ولا ايه نظامه، انا رأى انك تخليك فى ال 1600 المصرى عربيه منتشره اوى وحتلاقى حاجتها متوفره جدا وعربيه حلوه مش وحشه. انما الهندي بلاش لغايه لما نشوف الصيني حيعمل فينا ايه الاول وبعدين نبقى نشوف الهندي
شكر على الردود الرائعة
ويعنى انتو شايفين ابعد عن الهندى واخلينى فى 1600 احسن وكان فى استفسار تانى لو فى عربية جيدة سعرها قريب من الهيونداى بس غير الانوس والشاهين ياريت ولا اخلينى بردوه فى الفيرنا
لو هتفكر في حاجة تانية يبقي تدخل ف شريحة كسر الزيرو هتلاقي حاجات ممتازة اكتر