الموضوع: الموتور كان هيقفش !

عربيتي كان في مشكله فيها في الخراطيم بتاعة المياه وعطلت علي الصحراوي الأسبوع اللي قبل اللي فات وعملتها وبعدين لقيت طبب المياه دايبه والماسوره االلي طلعه من ورا طرمية المياه دايبه وخرطها وكان كله تمام

النهارده بقي جي من الأسكندريه علي القاهره زراعي وعند طلعة الدائري اذا فاجاه لقيت الموشر عند اخر حاجه وانا طالع الكوبري وعربيات نقل كتيير والدائري زحمه وواقف ومش عارف الاقي حته اقف فيها قلت ربنا يستر وتكمل شويه لحد مابطلت ونزلت احط مياه بعد مابردت وطبعا مكنش فيه نقطة مياه ولقيت خرطوم تاني اللي واصل من المكنه لصدر العربيه مشروخ من تحت ومبقتش عارف اعمل ايه

جبت مياه من المكان بتاع القياده اللي علي الزراعي بعد الدئري واستنيت شويه وكان معايا بكرة شكرتون قمت لافف بيها الخرطوم ودورت لقيتها مش بتسرب قمت ماشي وجت عند المطار والمؤشر رفع تاني قمت واقف ملقتش مياه قمت حاطط القزازتين اللي معايا لقيت الخرطوم علي اخره قمت قايل والله مالا انتي ماشيه وخدتها ومشيت بيها لحد نزلة العاشر ووصلت الحي التامن بيها كانت خلاص جابت اخرها وورحت لميكانيكي غيرت الخرطوم وشيك علي بقة الخراطيم وكان يوم مايعلم بيه الاربنا وكنت عايز اولع فيها ساعتها واشتري جديد

والمشكله ان معايا مراتي وعيالي وعلي الدئري وانت عارف بقي نظرات الناس وهي معديه وشايفه انك معطلهم بس الحق يتقال سواقين الميكروباص والنقل معظمهم كان بيعرض المساعده واللي عايز يديني اي حاجه
وماشاء الله سواقين الملاكي مفيش حد عبر امي بحاجه

والحمد لله بصيت علي كل الخراطيم وكله سليم وربنا يستر

الظاهر ده تفسير حلم قرصة التعبان اللي حلمت بيه الأسبوع اللي فات