نزلت النهارده السوق بتاع السيارات
المهم
نزلت من تاكسي اول ما دخلت ببص علي عربيه واتنين لقيت شاب خطر بتاع تالته اعدادي اولي ثانوي
انت في دماغك حاجه معينه يا بشمهندس انا مش معايا عربيه ابعهالك انا تبع السوق
عملت فيها من لندن البلد وقولتله دا انتي جتلي من السما انا عايز حاجه حنينه
قالي في شاهين قولتله حط طايلها المهم خدني فرجني علي عربيه كانت تاكسي انا اول ما شوفتها عرفتها
مفيش حاجه احسن من دي يا برنس قالي تعالي في واحده واقفه وزيرو بره وجوه كانها لسه جيه من المعرض روحت اتفرجت لقيت الزيرو رشه بره وجوه
قولتله لا اعلي شوية معايا عيزين حاجه مكيفه
روحنا لسويفت مكيفه بصراحه العربيه عجبتني جدا
تكييف -وريموت-وجنوط اسبور -دهان خارجي نضيف- دواخل فبريكا فعلا -والكراسي والطبلون حالتهم ممتازه
يعني عربيه نضيفه من الاخر موديل 94
كام يا برنجي الواد بيقولي 32 عملت عبيط قولتله بس حوضها قديم اوي مش زي الشاهين كان بيبرق الواد قالي دا عايز يتغسل قولتله ومالو
واخر قالي تخلص بـ 30 وحلوتي قولتله كتير
قالي دي كذا ودي كذا قولتله انت شايفني خواجه انا بقولك كتير يعني كتير من هنا لهنا قولتله 23 فالمهم الواد بيقولي مفيش عربيات وصاحب العربيه مشي عليه الكلام قولتله مش عايزها انت والسوق بتاعك جه واحد كبير تقريبا صاحب السوق بيتكلم قولتله هات عيال محترمه تشتغل عندك خلي ناس تشتري منكم
المهم قولت للواد 24 وجي قالي لا الواد بيتني عليه بيقوله مش تبعله صاحب العربيه بيقولي ماشي يا ريس قولتله لا مش شاري انت راجل عيل بقئ حتت بتاعه يمشي عليك كلام