فضفضة مع اخواتي بشخصي مش بصفتي

**MohssenRashed** · 30-05-2012 12:15 PM

معلش ياباشا في ناس بتستسهل و بتحب كلام التليفونات.

بحكم عملي (مشتيريات أجنبية برضو ) كنت بسيب رقمي للعملاء الاجانب و شركات الشحن ومديري يقولي يابني بلاش و انا اقوله عشان الشغل يمشي و بعد ما الناس زهقتني و قرفتني بقى اللي يقولى عايز رقمك اقولة sorry my Company policy مينفعش اديك رقم الموبايل كلمني على Land Line

**Dr_Mido** · 30-05-2012 12:37 PM

ملهاش حل غير زى مالناس قالت

انا معايا خطين واحد للعيله واصحابى وواحد للشغل بتاع الشغل بيتفتح من 9 الصبح لحد 12 بالليل بعد كدة بقفله

**Elawany13** · 30-05-2012 12:49 PM

هوه فين تليفونك يا أستاذ كريم ؟
أنا فى المنتدى بقالى حوالى سنة ونصف أو سنتين مشوفتش رقمك خالص
ياريت تكتبه علشان إتصل بيك أسأل على فلتر هواء للشاهين
ههههههههههههههههه

**م/مصطفى محمود** · 30-05-2012 03:45 PM

حط كول تون بصوتك توضح فيها انك مش عايز إزعاج ، أو ن لازم المكالمة تكون مهمة مثلا (وأعتقد الخدمة دي موجودة) وممكن تعمل النغمة تصاعدية بحيث على ما تسمعها يكون هو سمع رسالتك

بصراحة انا مش مقتنع بإني اتصل بحد ألاقية حاطط حاجه زي كده ، بس فعلا ربنا يكون فى عونك

**Karim_Monir** · 30-05-2012 04:48 PM

شكرا لمشاركاتكم القيمة
انا تليفوني فيه 2700 وشوية اسم :-)
ده من غير اللي عالفيس بوك والميل بيهم يدخلو علي 3.5 او 4 الالاف
اسوء حاجة عيالي بقو عندهم فوبيا من موبيايلي لما بركب العربية
تصدقو ان في مكالمة فضلت من الماستر ريست لغاية ما وصلت شقتي في العجمي والعيال نامو وقامو والمكالمة شغال حتي فصل اتوماتيك بعد ساعة رجع يكلمني تاني
مراتي بقت تجيب سدادات ودان او تحط هيدفون الموبايل في ودنها
ولما اروح هاصورلكم موبايل من الموبيالات واحد استفزني جدا في الكلام واحاول اقفل معاه بالزوق وده مفيش فايدة
كذا مرة مفيش فايدة محستش غير وانا رازع الموبايل في الحيط نزلة 200 جتة
كان n82 :-)
لدرجة ان الشاشة اتفتت بقت زي الورق الخفيف كدة :-)
غالبا لازم افعل خط جديد وامر لله واخليه برايفت

**wahba87** · 30-05-2012 08:17 PM

نزل برنامج على التليفون و اعمل عليه white list بالارقام اللى تعرفها فقط , و هات رقم جديد حطه هنا و متردش عليه غير و انت بالك رايق و مستعد لمكالمات من هذا القبيل

**DreAmO** · 30-05-2012 10:37 PM

الله يكون في العون

الحل موجود ان شاء الله .. هو مش مؤثر بنسبة 100% . لكن هيقلل الموضوع بنسبة كبيرة جداً .. بشكل مفاجىء .. ثم يصل الى نسبة 100% خلال شهر على الأكثر

1- حضرتك الاماكن اللي تقدر تتحكم فيها عالنت بوضع ارقام تليفونك .. مثل الموقع هنا او مواقع إعلانات مبوبه أخرى مثلاً

دي سهلة توضح فيها مواعيد الإتصال .. وأسباب الإتصال .. الخ

بالنسبه بقى لرقم تليفونك الموجود على مواقع أخرى وضعها أشخاص أخرين مثلا .. أو تظهر بمحرك البحث جوجل

دي بتندرج تحت بيانات شخصيه .. تقدر تطلب من جوجل حذفها من محرك البحث .. ودة حقك

لان في الغالب الناس دي بتوصل لرقمك عن طريق البحث بجوجل

فلو قدرنا نحذف اي صفحة تشير الى رقم تليفونك من جوجل .. كدة احنا عدينا مشوار كبير

لكن تليفونك هيفضل في مواقع الاعلانات اللي ملكش تحكم فيها .. وهيقدم وينزل لتحت .. لانه مابقاش عليه زوار

لان احنا هنشيله من البحث

اتبع الرابط دة .. لو عايز تنفذ الخطة دي

إزالة محتوى من موقع الويب لشخص آخر - مساعدة أدوات مشرفي المواقع

**Egyzizo** · 31-05-2012 02:57 AM

متهيأ لى فيه حل انك تفعل أوبشن فى الموبايل انه ما يرنش غير المكالمات اللى فى الكونتاكت ليست بتاعتك .. والأرقام الغريبة يتجاهلها.

وتبدأ تنشر رقم تانى للبيزنس وتفعل فيه الرسائل الصوتية علشان اللى عايزك ضرورى لما تكون مش فاضى يسيب رسالة صوتية وتبقى ترد عليه لما تروق.

وحل شيل موبايلين هو حمل موبايل بخطين ، ودلوقتى فيها نوكيات وسامسونجات وإل جيهات حديثة وأندرويد كمان بخطين بعيد عن الصينى وقرفه.

-

الموضوع: فضفضة مع اخواتي بشخصي مش بصفتي

LinkBack

أدوات الموضوع

عرض

-

-

-

-

-

-

-

-

المواضيع المتشابهه

رسالة مني بصفتي لشخص غير مرحب بيه في المنتدى

تحذير لعملاء اتصالات - مرسل بصفتي الشخصية

فضفضة

هو لية كدة ..فضفضة

الكلمات الدلالية لهذا الموضوع

المفضلات

المفضلات

ضوابط المشاركة