ولا مغير الدشم كاملة ؟؟ بالطنابير ومساتر الفرامل والسوست والبطاحات ؟؟؟
لأن المكنة ال1600 عفشتها وفراملها غير ال1300
والله يا هندسة مش عارف انا مشتريها كده ومعرفش هي مختلفه عن ال 1300 ولا لالا عشان مشفتش 1300 اصلاً
لا لازم تعرف
عموما انت مع اول شغل في العفشة هتعرف
لأن حاجة ال1600 مختلفة عن بتاعة ال1300 وال1000 وال1400
فوانت بتشتري هتاخد معاك القديمة وتشتري عليها وهتسأل البياع هيقولك دي بتاعة جولف 2 ولا ابيزا 1300 ولا بتاعة ايه بالظبط
اولا المارش دوره ينتهي بمجرد العربية مادارت
ولو كان اتحرق مكنش هيدورها بعد نص ساعة
ولما بيتحرق بيعمل ريحة مميزة جدا تشبه البلاستيك المحروق
فعلا كونتاكت الفولكس مش بيتفك بسهولة
وله مفتاح مخصوص عشان يتفك والا هيتكسر وانت بتفكه
والمفتاح دة مش مجود غير في التوكيلات فقط؟؟
وقليل جدا جدا من الصنايعية الي بتعرف تفكه من غير ماتكسره
ايوه الفكره ان الناس كلها كانت بتحاول تخرج الدركسيون لبره بس الراجل ده جه وفضل يدق لجوه والكونتك خرج بكل سهوله
طب الحمد لله انه ماكسرش الكونتاكت
شوفت بقي مشكلتك كانت فين ؟؟؟
يا هندسه العربية كانت معي من يوم واحد فقط ومش عارف فيها حاجه خالص واول مره اركب اسباني او الماني انا الاول كان معي دوجان92 وبعدين لانسر 2007
بس طرمبة البنزين هتعمل صوت ازاي يعني !!!؟؟؟
الصوت كان من المارش اللي بيلف علي الفاضي لان الفيشه المكسوره مكانتش بتخليه يفصل
ودلوقتي بيفصل ؟؟
ممكن فعلا يكون الي جمع الفتيس اثناء تسقيط المكنة مايكنش ربط علي مسامير بلية الكوبلن ودة كان بيخليها تعمل صوت وتضعف السحب
لأن كل بلية راكبة علي 6 مسامير الانكيه وعايزة حرفيه شوية في تركيبها والتقريط عليها
بص انا مقتنع ان اللي سقط الموتور للعربية دي بتاع كفته والاكثر كمان الكهربائي
امم
للأسف انتشار الجولفات والأبيزات
خلي الصنايعية تفتكر انها بتفهم
وعشان الجولف والأبيزا نزل منها كربراتير افتكروها فيات (مع كامل احترامي للفيات وملاكها)
وقعدوا يفتوا فيها
للأسف العربيات دي لازم الميكانيكي بتاعها (ميكانيكي فولكس)
والكهربائي لازم يكون بتاعها (كهربائي فولكس)
وياريت العفشجي
وياريت بتاع الفتيسات
وياريت لو كمان سمكري فولكس
يا باشا انا اعرف ميكانيكي
بيدعي انه ميكانيكي فولكس وبي ام (طب ازاي؟؟؟؟؟؟؟؟؟؟؟؟؟؟؟؟؟؟؟؟؟ ؟؟)
وتلاقيه شغال في جولف وبي ام وهوندا وفيات وسوزوكي وامريكاني
واي عك في اي حاجة
لكن الميكانيكي المحترم المخصص لماركة معينة لا يمكن يمد ايده في اي عربية الا لأقرب الأقربين
غير كدة يقولك ماليش فيه
لسة ناقصك شوية حاجات
يجب تغيير فلتر الهواء
فلتر الزيت
غيرت فلتر الزيت معاهم وقال لي فلتر الهواء كويس مش محتاج
لا محتاج
غيره يا عم وخلاص
دة ب25 جنيه
انا أسف ماقصدش فلوس
بس اقصد انت صرفت كتير وقليل
هيجي الميكانيكي يعني يوفرلك 25 جنيه
انت غيره بنفسك وبعديها لما تبقي عارف انت جيبته امتي ابقي ساعتها تقرر تنفخه ولا تغيره
بيتغير كل 10,000 او كل 6 شهور بحد اقصي
ويستحسن لو تنفخه كل شهر مرة
حضرتك مكنة 1600
المفروض في الطوالي تعمل من 220 - 250 حسب سواقتك
لو بتجري فوق ال100 وبتحرق وتكييف هتعمل اقل من كدة
المفروض في وسط البلد تعمل من 180- 220 وبردو حسب سواقتك وحالة الطريق
لو اشارات وتكييف هتعمل اقل من كدة
وخلي بالك الزراعي مش مقياس لأنك مش بتلحق تمشي 10 كم علي بعض ويا أما هتقف في اشارة
او هتقف عشان مطب او مدخل قرية
انا عارف ان الزراعي مش مقياس عشان كده انا ذكرت انه الزراعي
جوه البلد دي بقي مش عارف اظبطها عشان الموتور دائما كان فيه مشاكل زي ما ذكرت (خرطوم مخروم - اسبرتير مش مظبوط - طلمبه مش مظبوطه) عشان كده مكنتش عارف احدد استهلاك مظبوط انا لو وريتك المعدل هتضرب كف علي كف مره 130 مره 200 مره 160
عموما اعتقد انه بداء يظبط وربنا يكرم
الله المستعان
2- العربيه بتنتش علي التاني وبتظهر اوي لما اشغل التكيف
بتنتش قصدك علي السرعات البطيئة
يعني تلاقيها بتنتش معاك كمان اولاني
اعمل سيرفيسك (نظافات - زيوت 0 فلاتر - بوجيهات - اسبراتير)
ان شاء الله مش هتحس بالكلام دة نهائي
اولا اما حساسية رجل علي الدبرياج مش مظبوطة (عادي لأن العربية جديدة عليك)
او ان البوابة مش نظيفة
او ان سلك الدبرياج عايز يتظبط او يتغير
ممكن ان شاء الله انظف البوابه واكشف علي السلك اما بالنسبه للحساسيه هشوف اللي هيحصل
مش عيب يا باشا
انت بتقول نازل من دوجان (دفع خلفي وليها اسلوب قيادة - وبعدها لانسر (الله اعلم اوتو ولا مانيوال بس في كلا الحالتين بردو تختلف عن ابيزا 94 وموتور الماني)
لازم علي الأخر علي الأخر؟؟؟
كدة يبقي الأسطوانة رايحة في داهية
هو مش علي الاخر بس لازم اوصل علي ار بي ام 30
وهو 3 كدة يبقي علي الأخر ؟؟؟؟
ياراجل اتقي الله
3 دة بنعتبره قيادة مثالية
امال لما تشوفني بحرق غيارات 6 ار بي ام هتقول ايه ؟؟؟؟
اما العوامة لما فك عشان يعمل فيشة الطرمبة مش راكبة مظبوطة
او في اتساخات شديدة نتيجة ركنة العربية مأثرة علي قراءة العوامة
لأن القراءة بتطلع نتيجة شريحة بيمر عليها موصل (conductor) راكب في دراع العوامة وبتدي الأشارة للطابلوه
كدة انت عايز منظف انجيكشن او الأحسن منظف الدورة بالكامل
fuel system cleaner
زكريا غير الشريحه وعموما انا اول حاجه هعملها بكره هجيب ال stp
بس سؤال اجيبه منين عشان سئالت عليه في موبيل الرمايه مالقيتش؟؟
اكبر غلط في تاريخ المانيا المعاصر
دة كلام يا راجل
وفين القديمة ؟؟؟؟؟؟؟
اوعي تقولي سبتهالو او رماها
هزعل واجيب ناس تزعل
ياباشا بيبقوا اتنين ابيزا نفس موديل السنة ومايركبوش علي بعض
كل عوامة وليها رقم كودي
وبالتالي كل عربية وليها عوامة وليها شريحة
يعني مثلا لو شريحتك كودها 123
لازم تجيب عوامة شريحتها كودها 123
ومنتظرها تظبط ؟؟؟؟
ماهي لازم تخرف
فورا تنزل تركب شريحتك القديمة
دانت لو مليت التانك stp بدل البنزين مش هتظبط بردو
لازم الشريحة بتاعة العوامة
راجع علي السيرفيس
ونظف البوابة
ونظف الرشاشات
راجع علي التقسيمة
راجع علي سلوك البوجيهات
راجع علي الأسبراتير ووشه والشاكوش
النظافه ماشي ان شاء الله هتبع خطواتك في المواضيع ديه فانت المعلم بتاعنا
بس بالنسبه للسلوك والاسبراتير اعرف منين انه فيه مشكله؟!
اصبر بس وهجيبلك لينكات مواضيع فيها كل حاجة
مش بقولك انت لازم بالك يبقي طويل حبتين
مش حل
اعتقد ان المستقبل للعربيات ذات السعه اللتريه القليله عموماً الحاله دلوقت ما تسمحش لاي حاجه بس ان شاء الله ناوي عربيتي الجايه تكون ياريس
ربنا يرزقك بأحسن منها
انا كان دة فكري لما اشتريت الأبيزا بموتور 1000
لما غيرت ل1400 مش لقيت فرق كبير في الأستهلاك
خلي بالك الألمان ولاد جنية
ممكن يعملك موتور 1400 يخرج عزم وقدرة حصانية اقوي من 1600 او حتي 2000 وهتلاقي استهلاكه اقل من مواتير تانية 1300
اسألني انا
بس اهم حاجة تظبط الدنيا هتظبط استهلاكك
واول مؤشرات ان الدنيا خربانة وعايزة تتظبط
الأستهلاك
اول لما الأستهلاك يتغير
دة بيبقي ناقوس الخطر
فورا لازم تتدخل عشان تعرف المشكلة وبعدين تحلها
لا
خلي بالك طويل
ان شاء الله هصبر
يا باشا انت مش محتاج اكصدام امامي كامل
سيبك دلوقتي من برة وخليك جوة
علي فكره الصور مش بتاعت عربيتي ده عربيه زيها بالظبط في كل حاجه حتي اللون بس دي كويس انا ععندي الجززء اللي تحت شبه مدمر يعني الشبكه اللي تحت دي مش موجوده ولا الكساحه وكمان في كام خبطه في العربية
هههههههههههه
ومصورلنا عربية حد تاني ليه؟؟؟
هنعمل ايه بعربية تانية ؟
احنا عايزين عربيتك انت
اوعي تكون بتسرفيس العربية التانية وسايب عربيتك
ههههههههههه
والف شكر ليك يا هندسه علي اهتمامك انت والمهندس ايهاب فانتم نعم العون
جزاكم الله خيرا
يا باشا احنا من العين دي قبل العين دي
قولنا بس عملت ايه
وماتنساش الشريحة
دي قبل اي حاجة
عشان تعرف بناء عليها استهلاكك
والله المستعان
،
،
المفضلات