الموضوع: قصه طويلة

بص يا باشا
انا قريت الموضوع كله

الأسعار كويسة ماعدا الأكصدام والكساحة بتاعته

انت الشكل الحالي كويس مش وحش

اهتم بالميكانيكا والكهربا وبعدين خش علي الشكل

هرد عليك ان شاء الله في وقت اكون فايق فيه

انت شايف الساعة كام وانا لسة داخل من الشغل

اوك

بس عموما شكرا علي نقل التجربة

والله المستعان
،
،

السلام عليكم و رحمة الله وبركاته
تجربتك رائعه و لكن مؤلمة لكثرة المشاكل ولكن ربنا ييسرلك الحال و تنتهي المشاكل دي
وانا شايف ان كلام ابو السيد صح ان شكل العربية كده زي الفل و شمعه منورة و خليك في الموتور حاليا ظبطه الاول و بعدين ابقي دور علي جسم العربية و وشها و الدواخل

ردا علي أسئلتك

1- استهلاك البنزين 190 كم علي الزراعي لل 20لتر والكلام ده من كام يوم

بتحسب استهلاكك صح و ازاي ولو كده فعلا فهو كتير شوية و لكن مش كتير يعني المفروض تعمل 220 الي 230 كم في ال 20 لتر

2- العربيه بتنتش علي التاني وبتظهر اوي لما اشغل التكيف
ليه التاني و هل موجود علي كله ولا التاني بس ؟؟؟؟

3- لما اشغل التكيف لازم احرق الغيار علي الاخر والا تلقي العربيه مفيهاش عزم في الغيار اللي بعده

ده شيء طبيعي لأن التكييف بيخنق المحرك شوية لذلك لازم ترفع العزم لكل غيار عشان تحس بالسحب ولكن لو زيادة يبقي فيه عندك مشكلة في المحرك و محتاج يتظبط

4- العربية ساعات وانا مشغل التكييف تبطل وانا داخل علي اشاره او هقف بس ده حصل مره او اتنين.

نفس المشكلة المحرك السابقة و محتاج ضبط

5- مؤشر البنزين مش مضبوط بيطلع وينزل وعمره ما وصل للفول حتي وانا مفول.

البنزين اللي في العربية مش نضيف و العوامة شخصه فمحتاج تحط منظف يظبلك القصة دي

6- سحب العربية مش تمام العربية بقت بتجيب 120 بالعافية.

نفس مشكلة المحرك السابقة ايضا ومحاولة حلها كالتالي
1- راجع علي سلوك البوجيهات و أطرافها و علي وش الأسبراتير و الشاكوش و شوف حاتلهم عامله ايه
2- نوع البوجيهات اللي انت مركبها و كويسه ولا نص كم
3- البوابة نضفتها قبل كده ولا لأ ياريت تعملها وش نضافة كويس وشوف موضوعات معموله هنا في القصة دي
4- العربية في الدوارة الصبح بيكون الأر بي ام علي كام و لما بتسخن بيكون علي كام و مستقر ولا لأ ؟
5- الرشاشات لو تعرف تفكها و تعملها وش نضافة زي محمد سيد و موضوعه هنا يبقي زي الفل

طبعا انا متكلمتش عن السيرفيس (فلاتر و زيوت )لأنك اساسا غيرتها خلاص

دلوقت ايه رايكم في اللي اعمله عشان انا خلاص علي اخري وخصوصا بعد موضوع البنزين اللي هيشيلوا الدعم من عليه.

ابيع العربيه واجيب حاجه اصغر في السعه اللتريه؟.

والا اخلي العربية؟.

استهلاك البنزين ده كده كويس؟.

الموتور اللي راكب ده كويس ولا لالا؟.

كمان في حاجه انا روحت سئالت علي الاكصدام الامامي كامل بالكساحه من غير فوج لايت قال600ج.

الموتور اللي راكب كويس جدا و لكن محتاج شوية تظبيط ده اعتمادا علي انه مش بياكل زيت او مش بيدخن قوي و السوائل كلها مضبوطة ودي اهم علامات تبين ان حالة الموتور عموما جيدة

و ربنا يوفقك ان شاء الله

المشاركة الأصلية كتبت بواسطة zika99_eg

السلام عليكم ورحمه الله وبركاته

وعليكم السلام ورحمة الله وبركاته

العربية متسقط ليها ماتور 1600

1.6 mpi 1598 cc 8 55 kw (75 ps)/ 4800 135 nm / 2800–3600 aee 1997–1999

تكيف وباور ومتغير مساعدين امامي

متغير مساعدين بس ؟؟
ولا مغير الدشم كاملة ؟؟ بالطنابير ومساتر الفرامل والسوست والبطاحات ؟؟؟
لأن المكنة ال1600 عفشتها وفراملها غير ال1300

اخدت العربية من الحرفيين لحد البيت في ارض اللواء العربية زي الفل وسحب واتزان مكنتش متوقعه (اول مرة اركب هاتشباك).

تاني يوم مشوار للمطار رايح زي الفل وانا راجع علي بوابه الدفع العربية عملت صوت غريب اوي وبطلت المهم شويه ودارت بس الصوت غريب والعربية مفيش سحب , وصلت لحد اول الشارع وراحت مبطله وحلفت ما تدور زق يا معلم لحد البيت

تاني يوم اول كهربائي قابلني وديت عنده قالي المرش اتحرق , وروحت لحد الحرفيين الحمد لله في عربية تانيه عشان ده مشوار زي الفل , جبت المرش فك ركب دور مفيش دواره!!!!!!!!!!!! ايه يا عم الحاجه قال لازم افك الكونتكت قولت فك.

اولا المارش دوره ينتهي بمجرد العربية مادارت
ولو كان اتحرق مكنش هيدورها بعد نص ساعة
ولما بيتحرق بيعمل ريحة مميزة جدا تشبه البلاستيك المحروق

قال مش عارف افك !!!!!!.

فعلا كونتاكت الفولكس مش بيتفك بسهولة
وله مفتاح مخصوص عشان يتفك والا هيتكسر وانت بتفكه
والمفتاح دة مش مجود غير في التوكيلات فقط؟؟
وقليل جدا جدا من الصنايعية الي بتعرف تفكه من غير ماتكسره

هات حد يفكه ربنا رزقني بواحد بتاع مفاتيح فكه طلعت الفيشه بتاعت الكونتكت فيها كسر وكانت بتخلي المرش يعلق وده اللي حرقه.

مشيت بالعربيه تمام ,تاني يوم مشوار كارفور الصحراوي علي المحور وماشي تمام سبحان الله تبطل لوحدها يمين شمال انسي نص ساعه دور دارت امشي تمام هووووب تبطل المهم وصلت البيت وانا اخر خنقه واحد صحبي قالي عندي ميكانيكي تمام مهندس في فيصل روحت بعد الكشف قالي طرمبه البنزين عايزه تتظبط وغير فيها فيشه المهم مشيت من عنده تمام روحت ورحت الشغل ماشي من الشغل العربيه فيها حاجه غريبه ااتطلع علي الميكانيكي قالي سبها مشيت لقيته بيكلمني وبيقول الفتيس فيه كسر وملحوم وبيسقط الغيار الخامس والافضل يتغير زى الفل !!!!!!!!!! صباح الحرفييين

شوفت بقي مشكلتك كانت فين ؟؟؟
ماكنش لا كونتاكت ولا مارش
بس طرمبة البنزين هتعمل صوت ازاي يعني !!!؟؟؟

جبت فتيس ركب (غير مسامير الكبالن -ملء الاسطوانه - تظبيط مارش -تغيير بوجيهات 3 شمعه) كله ده عشان الدنيا تبقي تمام خدت العربية ومشيت السحب تمام صوت العربية اتغير روحت البيت وانا بحلم بعربيتي.

ممكن فعلا يكون الي جمع الفتيس اثناء تسقيط المكنة مايكنش ربط علي مسامير بلية الكوبلن ودة كان بيخليها تعمل صوت وتضعف السحب
لأن كل بلية راكبة علي 6 مسامير الانكيه وعايزة حرفيه شوية في تركيبها والتقريط عليها

تاني يوم رايح الشغل وانا مبسوط , خلص اليوم مروح مشيت حوالي 100 م وخير الله ما اجعله خير دربكه تحت العربية وصوت يخوف لدرجه الناس كلها بتبص عليا وتبعد قولت طالما ماشيه الحق اروح للميكانيكي في فيصل روحت اول ما سمع الصوت اللي انزل ركب هو قالي الفتيس اتكسر من جوه خد العربية زي ما هي وروح للي اشتريت منه يا نهار حرفيين تاني والعربية بالمنظر ده امري لله.

رحت للراجل وقلته علي اللي حصل قالي معنديش فتيس 1600 بس في 1400 ويشتغل عادي جدا قولت ليه تمام ركب قال لي لا خده ركب انت قولت ليه ركب انت عشان يبقي علي ضمانتك

سيبت العربيه ومشيت تاني يوم البيه الميكانيكي عاد كل اللي عملته تاني

(غير مسامير الكبالن ملء الاسطوانه غيار زيت).

العربية ماشيه الحمد لله الصوت راح شهر فات بخرج مره في الاسبوع تمام .

في يوم بعد الشهر رايح كارفور ماشي تمام تروح مبطله لوحده اتخنقت واتصلت بواحد صحبي يشدني نص ساعه اجرب تدور دارت وصلت البيت ركنتها وسبتها اسبوعين ما بجيش جنبها مخنوق منها لحد وانا علي النت سمعت الناس بتتكلم علي زكريا الهواري اللي في ارض اللواء قولت هو انا عمال اروح اخر الدنيا واللي جنبي مجربتوش رحت واخد العربيه واتصلت بيه لقيته قريب مني جدا شرحت وضع العربية قالي سيبها ساعه وتعال.

رجعت قالي مشكله التقطيع كانت في فيشه فوق الاسبراتير وغيرها وقالي ابقي اعمل طقم سرفيس طالما لسه مشتري العربية قولت ليه ماشي الاسبوع اللي جي

دي فيشة حساس الهوول
hall sensor

وفعلا العربية مشيت تمام ورحت بعد اسبوع غيرت (سير كتينه- زيت شل 5000- سير دينامو- ركبت فلتر بنزين و قاعده كمبيوتر – فلتر بنزين –بوجيهات 3 شمعه) قولت عشان اخلص من كل حاجه واخلص من القصه دي بقي.

لسة ناقصك شوية حاجات
يجب تغيير فلتر الهواء
فلتر الزيت

العربيه اتغيرت في كل حاجه بس ظهرت مشكله جديده مع دخول الصيف اشغل التكيف العربيه اول ما اشيل رجلي من البنزين تروح مبطله روحت لزكريا ظبط الاسبراتير والعربيه بقت تمام مشيت كام مشوار في ريحه بنزين في العربية قولت يمكن عشان مفول هتروح مشوار اتنين تلاته مفيش فايده قلت لا بقي اشوف ايه الموضوع رحت لعم زكريا تاني شامم يا عم الحاج اه ها فك لاقي خرطوم في قلب الموتور متأكل و بيجيب بنزين انا معرفش ده بتاع ايه بس هو قال ده بتاع الراجع المهم غيرته ودي كانت اخر مره اروح فيها ليه عشان يعمل حاجه في الموتور .

وضع العربية دلوقت

1- استهلاك البنزين 190 كم علي الزراعي لل 20لتر والكلام ده من كام يوم

حضرتك مكنة 1600
المفروض في الطوالي تعمل من 220 - 250 حسب سواقتك
لو بتجري فوق ال100 وبتحرق وتكييف هتعمل اقل من كدة

المفروض في وسط البلد تعمل من 180- 220 وبردو حسب سواقتك وحالة الطريق
لو اشارات وتكييف هتعمل اقل من كدة

وخلي بالك الزراعي مش مقياس لأنك مش بتلحق تمشي 10 كم علي بعض ويا أما هتقف في اشارة
او هتقف عشان مطب او مدخل قرية

2- العربيه بتنتش علي التاني وبتظهر اوي لما اشغل التكيف

اولا اما حساسية رجل علي الدبرياج مش مظبوطة (عادي لأن العربية جديدة عليك)
او ان البوابة مش نظيفة
او ان سلك الدبرياج عايز يتظبط او يتغير

3- لما اشغل التكيف لازم احرق الغيار علي الاخر والا تلقي العربيه مفيهاش عزم في الغيار اللي بعده

لازم علي الأخر علي الأخر؟؟؟
كدة يبقي الأسطوانة رايحة في داهية

4- العربية ساعات وانا مشغل التكييف تبطل وانا داخل علي اشاره او هقف بس ده حصل مره او اتنين.

نظافة بوابة

5- مؤشر البنزين مش مضبوط بيطلع وينزل وعمره ما وصل للفول حتي وانا مفول.

اما العوامة لما فك عشان يعمل فيشة الطرمبة مش راكبة مظبوطة
او في اتساخات شديدة نتيجة ركنة العربية مأثرة علي قراءة العوامة
لأن القراءة بتطلع نتيجة شريحة بيمر عليها موصل (conductor) راكب في دراع العوامة وبتدي الأشارة للطابلوه
كدة انت عايز منظف انجيكشن او الأحسن منظف الدورة بالكامل
fuel system cleaner
http://www.nilemotors.net/nile/27827...post3874184940

6- سحب العربية مش تمام العربية بقت بتجيب 120 بالعافية.

راجع علي السيرفيس
ونظف البوابة
ونظف الرشاشات
راجع علي التقسيمة
راجع علي سلوك البوجيهات
راجع علي الأسبراتير ووشه والشاكوش

دلوقت ايه رايكم في اللي اعمله عشان انا خلاص علي اخري وخصوصا بعد موضوع البنزين اللي هيشيلوا الدعم من عليه.

ابيع العربيه واجيب حاجه اصغر في السعه اللتريه؟.

مش حل

والا اخلي العربية؟.

لا
خلي بالك طويل

استهلاك البنزين ده كده كويس؟.

الموتور اللي راكب ده كويس ولا لالا؟.

كمان في حاجه انا روحت سئالت علي الاكصدام الامامي كامل بالكساحه من غير فوج لايت قال600ج.

يا باشا انت مش محتاج اكصدام امامي كامل
سيبك دلوقتي من برة وخليك جوة

والجزء اللي تحت بس اللي هو المعدن +الستاره +الكساحه400

فرش باب داخلي 4 ب 500ج

العاكس الاسود الخلفي 150

الاسعار دي كويسه ولا ايه النظام؟.

ومنتظر اي اقتراحات من الاخوة الاعضاء لتحسين حاله فريده.

و يا رب يوفق الجميع.

واسف علي الإطالة

شرفتنا يا باشا
وياريت تتابع معانا وتقولنا عملت ايه ووصلت لأيه

والله المستعان
،
،