حسنية تشعر بالأوجاع التالية وتحتاج لدعمكم

بسم الله الرحمن الرحيم

قبل أى شىء همارس عليكم نفس أسلوب سيادة الفشيق بتاع البلوفر أو نفس سيادة الدكطووور مرسى عاوز كرسى

زى ما بحاول أتفاعل وأجاوب على تساؤلات حبايبى رواد قسم السكودا رغم حداثة إلتحاقى بالمنتدى المحترم ......... عايزكم تساعدونى

أخش فى الموضوع على طول

حسنية اللى هيا عربيتى مش مزعلانى أوى بتيجى عليا ساعات بس من غلبها

حسنية = فابيا 2004 - 1200 سى سى - 12 فالف - 4 سلندر

وبدأت تشعر بالأوجاع التالية وتحتاج للدكتور :

تزييق فى الجهة اليمنى وتكة بسيييطة عند المطبات والملفات >>>>> كوبلن صح ولا ؟؟؟؟

وحدة الرفع وأزرار الزجاج الكهربا بتعلق وفى زرار أنا كسرته لأنى إتخلقت عليه >>>> أغير الوحدة على بعضها وأريح دماغى ولا ؟؟؟؟؟؟؟؟

غيرت زيت الأسبوع اللى فات وحطيت موبيل 1 - 10000 كيلو >>>> صوت المكنة هدى بس وأنا على الثانى وفى أخره عند سرعة 60 كلم بيبقى صوت المكنة عالى والأر بى إم عالى >>>>>> ده سببه إنى بقرص على الغيار ولا ؟؟؟؟؟؟؟

تجميع السرعة بعد الــ 140 بيبقى بطىء ده لأن المكنة 1200 بس ولا فيه سبب تانى لأن الأوكتافيا بتعانى من نفس المشكلة ولا ؟؟؟؟؟

نيجى للتكييف >>>> السيارة أوروبية يبقى تكييفها مستحيل يبقى تلاجة زى اليابانى >>>> هل أنا راضى عن تبريده >>> أه بنسبة 90% >>>>> ومبيأثرش على سحب العربية إلا بنسبة 5% >>> اللى بيحصل إنى مع تشغيل التكييف على الواقف بتحصل هبطه فى كهربة العربية لمدة أقل من ثانية مع ونه >>>>> هل ده بسبب الكومبرسور ولا الكباس ولا بسبب مروحة الريداتير اللى بتشتغل مع تشغيل التكييف >>>> وبالنسبة للتبريد هل لو شحنت فريون هيتحسن

حاجة هايفه >>>> حامل الشماسة الشمال مكسور >>>>>>> هل بيتباع وإزاى بيتركب لأنى مش شايفله مسمار >>> ممكن يكون كبس ولا ؟؟؟؟؟

العربية هاركبلها كاسيت وقررت بايونيير 4350 ده بعد قراءة أغلب قسم الصوتيات >>>> السؤال إن أنا مش معايا أكمل طقم الصوت دلوقتى فهل طقم الصوت الفبريقة بتاع الفابيا 2004 أداءه مرضى ولا هيظلم الكاسيت ويبقى أستنى أحسن ؟؟؟؟؟

العيال كسرولى الفوج اليمين وشرخولى الإكصدام شرخ طوله 15 سم >>> الشرخ هلحمة عند بتاع فيبر ولا ؟؟؟؟؟؟ والفوج أغيره بلمبه بتاعة الإيسوزو دماكس بيقولوا بيدى إضاءة زى الزينون ولا إشتغالة والفوج الأصلى بكام ؟

باغة الفوانيس الأمامية بكام علشان معتمة ومنفعش معاها حوارات حبيبنا axel الصنفرة وما شابه ؟؟؟؟

الشبكة الأمامية بتتباع إستيراد ولا ؟؟؟ وبكام ؟؟؟؟ علشان الحته السيلفر اللى فيها متجرحه وعايز أغيرها ؟؟؟؟ ولا أنا نمكى وموسوس

شكــــــــــــــــر من القلب لكل اللى هيساعدونى ونفس الشكر للى مش هايسعدونى

اقتباس:

---

المشاركة الأصلية كتبت بواسطة haitham1985

بسم الله الرحمن الرحيم

قبل أى شىء همارس عليكم نفس أسلوب سيادة الفشيق بتاع البلوفر أو نفس سيادة الدكطووور مرسى عاوز كرسى

زى ما بحاول أتفاعل وأجاوب على تساؤلات حبايبى رواد قسم السكودا رغم حداثة إلتحاقى بالمنتدى المحترم ......... عايزكم تساعدونى

أخش فى الموضوع على طول

حسنية اللى هيا عربيتى مش مزعلانى أوى بتيجى عليا ساعات بس من غلبها

حسنية = فابيا 2004 - 1200 سى سى - 12 فالف - 4 سلندر

وبدأت تشعر بالأوجاع التالية وتحتاج للدكتور :

تزييق فى الجهة اليمنى وتكة بسيييطة عند المطبات والملفات >>>>> كوبلن صح ولا ؟؟؟؟
التكه دي كبالن انما التزييق دا ممكن مساعد علي حد علمي
وحدة الرفع وأزرار الزجاج الكهربا بتعلق وفى زرار أنا كسرته لأنى إتخلقت عليه >>>> أغير الوحدة على بعضها وأريح دماغى ولا ؟؟؟؟؟؟؟؟
مدام باقي الوحده سليمه وبتعمل بكفائه غيره الزار فقط انما لو فيها عيوب تانيه مش تترد في تغيرها بالكامل
غيرت زيت الأسبوع اللى فات وحطيت موبيل 1 - 10000 كيلو >>>> صوت المكنة هدى بس وأنا على الثانى وفى أخره عند سرعة 60 كلم بيبقى صوت المكنة عالى والأر بى إم عالى >>>>>> ده سببه إنى بقرص على الغيار ولا ؟؟؟؟؟؟؟
اي عربيه في الدنيا مع القرص علي الغيار لازم صوت الموتور يعلي ولاحظ حضرتك ان العربيه 1200 سي سي بردو ضعيفه نسبيا
تجميع السرعة بعد الــ 140 بيبقى بطىء ده لأن المكنة 1200 بس ولا فيه سبب تانى لأن الأوكتافيا بتعانى من نفس المشكلة ولا ؟؟؟؟؟
لا الاوكتافيا مش بتعاني من نفس المشكله انما زي ما قولت لحضرتك المواتير الصغير تجمعها بيقل كل ما زادت السرعه ولذلك اعلي تجميع ليك اولاني وتاني
نيجى للتكييف >>>> السيارة أوروبية يبقى تكييفها مستحيل يبقى تلاجة زى اليابانى >>>> هل أنا راضى عن تبريده >>> أه بنسبة 90% >>>>> ومبيأثرش على سحب العربية إلا بنسبة 5% >>> اللى بيحصل إنى مع تشغيل التكييف على الواقف بتحصل هبطه فى كهربة العربية لمدة أقل من ثانية مع ونه >>>>> هل ده بسبب الكومبرسور ولا الكباس ولا بسبب مروحة الريداتير اللى بتشتغل مع تشغيل التكييف >>>> وبالنسبة للتبريد هل لو شحنت فريون هيتحسن
لو هو محتاج شحن وبعدين التكييف شديد بردو علي كهربة العربيه لانها ديره كبيره
حاجة هايفه >>>> حامل الشماسة الشمال مكسور >>>>>>> هل بيتباع وإزاى بيتركب لأنى مش شايفله مسمار >>> ممكن يكون كبس ولا ؟؟؟؟؟
معرفش
العربية هاركبلها كاسيت وقررت بايونيير 4350 ده بعد قراءة أغلب قسم الصوتيات >>>> السؤال إن أنا مش معايا أكمل طقم الصوت دلوقتى فهل طقم الصوت الفبريقة بتاع الفابيا 2004 أداءه مرضى ولا هيظلم الكاسيت ويبقى أستنى أحسن ؟؟؟؟؟
الي انا سمعته كان صوت الاوكتافيا كان صوت الكاست والسماعات مرضي للغايه ومش عارفه ايه ظروف السماعات عند حضرتك
العيال كسرولى الفوج اليمين وشرخولى الإكصدام شرخ طوله 15 سم >>> الشرخ هلحمة عند بتاع فيبر ولا ؟؟؟؟؟؟ والفوج أغيره بلمبه بتاعة الإيسوزو دماكس بيقولوا بيدى إضاءة زى الزينون ولا إشتغالة والفوج الأصلى بكام ؟
الفوج الاصلي كويس بس عيبه ان ممكن عيل ابن ناس محترمين يكسره وبعدين هو منظر وبس معتقدش انه ينفع في المشي
باغة الفوانيس الأمامية بكام علشان معتمة ومنفعش معاها حوارات حبيبنا axel الصنفرة وما شابه ؟؟؟؟
:go:
الشبكة الأمامية بتتباع إستيراد ولا ؟؟؟ وبكام ؟؟؟؟ علشان الحته السيلفر اللى فيها متجرحه وعايز أغيرها ؟؟؟؟ ولا أنا نمكى وموسوس
اكيد بتباع استيراد يا فندم بس اسأل عليها
شكــــــــــــــــر من القلب لكل اللى هيساعدونى ونفس الشكر للى مش هايسعدونى

---

الاجابات دي طبعا علي حد خبرتي في العربيات
تقبل تحياتي

اقتباس:

---

المشاركة الأصلية كتبت بواسطة haitham1985

بسم الله الرحمن الرحيم

قبل أى شىء همارس عليكم نفس أسلوب سيادة الفشيق بتاع البلوفر أو نفس سيادة الدكطووور مرسى عاوز كرسى

زى ما بحاول أتفاعل وأجاوب على تساؤلات حبايبى رواد قسم السكودا رغم حداثة إلتحاقى بالمنتدى المحترم ......... عايزكم تساعدونى

أخش فى الموضوع على طول

حسنية اللى هيا عربيتى مش مزعلانى أوى بتيجى عليا ساعات بس من غلبها

حسنية = فابيا 2004 - 1200 سى سى - 12 فالف - 4 سلندر

وبدأت تشعر بالأوجاع التالية وتحتاج للدكتور :

بالنسبة للاوجاع ياريت تعمل ليها تحليل حمل علشان نعرف هيا فى الشهر الكام*-*

تزييق فى الجهة اليمنى وتكة بسيييطة عند المطبات والملفات >>>>> كوبلن صح ولا ؟؟؟؟

ياريت تكشف عن تيل الفرامل....* ويمكن تكون جلدة المقص اليمين اتاكلت لاحظ ان عربيتك حامل....*

وحدة الرفع وأزرار الزجاج الكهربا بتعلق وفى زرار أنا كسرته لأنى إتخلقت عليه >>>> أغير الوحدة على بعضها وأريح دماغى ولا ؟؟؟؟؟؟؟؟

ياعم جرب غير الزرار بس لو اشتغلت تمام يبقى خلاص بلاش تفتح على نفسك فتوحات على فكرة كل دى تاثيرات الحمل....*

غيرت زيت الأسبوع اللى فات وحطيت موبيل 1 - 10000 كيلو >>>> صوت المكنة هدى بس وأنا على الثانى وفى أخره عند سرعة 60 كلم بيبقى صوت المكنة عالى والأر بى إم عالى >>>>>> ده سببه إنى بقرص على الغيار ولا ؟؟؟؟؟؟؟

انا كنت حاضر تغيير الزيت فى الموضوع اياه سؤالى هو انتا كنت معتاد تغير موبيل ولا محدث هذا التغيير مهو مش كل زيت يمشى مع الحوامل........

تجميع السرعة بعد الــ 140 بيبقى بطىء ده لأن المكنة 1200 بس ولا فيه سبب تانى لأن الأوكتافيا بتعانى من نفس المشكلة ولا ؟؟؟؟؟

طبعا عربيتك 1200 سى سى تجميع السرعة بطيئ وبعدين يعم ارحمها احسن متسقط منك حسنيه حامل حرام عليك....*

نيجى للتكييف >>>> السيارة أوروبية يبقى تكييفها مستحيل يبقى تلاجة زى اليابانى >>>> هل أنا راضى عن تبريده >>> أه بنسبة 90% >>>>> ومبيأثرش على سحب العربية إلا بنسبة 5% >>> اللى بيحصل إنى مع تشغيل التكييف على الواقف بتحصل هبطه فى كهربة العربية لمدة أقل من ثانية مع ونه >>>>> هل ده بسبب الكومبرسور ولا الكباس ولا بسبب مروحة الريداتير اللى بتشتغل مع تشغيل التكييف >>>> وبالنسبة للتبريد هل لو شحنت فريون هيتحسن

يابش مهندس التكييف بياثر على الماكينة وبياثر على سحب العربية وايضا بيسخن العربية فياريت تشغلو بالطلب مش عمال على بطال الحمد الله جو مصر معتدل وخلى بالك من الجنين بكدة حيتولد ضعيف وتحتاج حضانة وشغل تانى فبلاش تجهد حسنية....

حاجة هايفه >>>> حامل الشماسة الشمال مكسور >>>>>>> هل بيتباع وإزاى بيتركب لأنى مش شايفله مسمار >>> ممكن يكون كبس ولا ؟؟؟؟؟

كل عربيتنا تقريبا حسنية ياعزيزى ممكن تسال عند بتوع الاستراد بس برضوا اهو تحافظ عليها من الشمس خصوصا الصيف مضر بالحوامل ....
العربية هاركبلها كاسيت وقررت بايونيير 4350 ده بعد قراءة أغلب قسم الصوتيات >>>> السؤال إن أنا مش معايا أكمل طقم الصوت دلوقتى فهل طقم الصوت الفبريقة بتاع الفابيا 2004 أداءه مرضى ولا هيظلم الكاسيت ويبقى أستنى أحسن ؟؟؟؟؟

بتحب الدوشه ياهندسة مش حلو على الحوامل استكفى بطقم صوت الفبريكة وبع الوضع يتغير الوضع....

العيال كسرولى الفوج اليمين وشرخولى الإكصدام شرخ طوله 15 سم >>> الشرخ هلحمة عند بتاع فيبر ولا ؟؟؟؟؟؟ والفوج أغيره بلمبه بتاعة الإيسوزو دماكس بيقولوا بيدى إضاءة زى الزينون ولا إشتغالة والفوج الأصلى بكام ؟

اه الاكصدام الحمة والفوج ياريت تدور على الاصلى بتاعها علشان يكون مطابق للامبير فيوز متخليش حد يفتيلك مش كل حاجة تنفع مع الحوامل....*

باغة الفوانيس الأمامية بكام علشان معتمة ومنفعش معاها حوارات حبيبنا axel الصنفرة وما شابه ؟؟؟؟

بتتغير فيها الصينى وفيه استيراد ياريت تجيب الاستيراد احسن من الصينى الجديد بكام دى والله منا عارف بس يمكن بسبب الحمل يراف بيها التاجر الجشع....

الشبكة الأمامية بتتباع إستيراد ولا ؟؟؟ وبكام ؟؟؟؟ علشان الحته السيلفر اللى فيها متجرحه وعايز أغيرها ؟؟؟؟ ولا أنا نمكى وموسوس

لقد افتى من قال لا اعلم....*

شكــــــــــــــــر من القلب لكل اللى هيساعدونى ونفس الشكر للى مش هايسعدونى

---

يايريت بقى متنسناش فى السبوع....................................*

مين طفى النور؟؟؟؟؟؟

فى انتظار اراء الدكاترة

اقتباس:

---

المشاركة الأصلية كتبت بواسطة ahmed metwaly

الاجابات دي طبعا علي حد خبرتي في العربيات
تقبل تحياتي

---

كفيت ووفيت ........ شكرا على الرد وربنا يباركلك

تحيـــــــــاتى وإحترامــــــــاتى

اقتباس:

---

المشاركة الأصلية كتبت بواسطة sakr1964

يايريت بقى متنسناش فى
السبوع....................................*

---

أنساك دا كلام أنساك ياسلام على رأى الست أم لكثوووم ........ دا أنت مولدها على إيدك ولا أجدعها داية ........ لازم تيجى علشان تدق الهوون

عجبنى أوى أسلوبك

تحيـــــــــاتى وإحترامــــــــاتى

اقتباس:

---

المشاركة الأصلية كتبت بواسطة tarekiooo

مين طفى النور؟؟؟؟؟؟

---

طفينا النور علشان بنولدها ....... هههههههههه

من رأى تأخد أجازة فى أى حتة بدون العربية علشان أعصابك ترتاح
ويلعن أبو العربيات الى تخلى الواحد يشيل الهم

اقتباس:

---

المشاركة الأصلية كتبت بواسطة tam77

من رأى تأخد أجازة فى أى حتة بدون العربية علشان أعصابك ترتاح
ويلعن أبو العربيات الى تخلى الواحد يشيل الهم

---

لا لا لا لا لا لا لا لا لا ...... ولا هم ولا حاجة إحنا بنهزر وبعدين يعم العربيات دى لازم تتعب مش هتعمر طول العمر وبعدين ده رزق الميكانيكى والسمكرى والكهربائى

اقتباس:

---

المشاركة الأصلية كتبت بواسطة haitham1985

لا لا لا لا لا لا لا لا لا ...... ولا هم ولا حاجة إحنا بنهزر وبعدين يعم العربيات دى لازم تتعب مش هتعمر طول العمر وبعدين ده رزق الميكانيكى والسمكرى والكهربائى

---

العربية لما تفتح تخليك تكرة نفسك

اعذرنى مش هاقدر افيدك لانى مش دكتور ممكن تشوف باقى الدكاترة اللى هنا