-
انا خلاص هطق
السلام عليكم و رحمة الله و بركاتة ....
انا يا جماعة شاب عايز اجيب عربية ... بقالى حوالى 6 شهور بدور على عربية ... لحد ما بقيت محتار ما بين الرينو سانديرو ... و نيسان صنى ... و جين 2 ...
نيجى للمهم .. انا ميال جدا للجين 2 ... بس حكاية قطع الغيار و التوكيل دى حاسس انها هتطلع عينى ... خصوصا انى من الاسكندرية .. و حاسس ان قطع الغيار مش موجودة عندنا و هحتاس ... و انا مش عايز اجيب حاجة تطلع عينى
الصنى كويسة فى كل شئ بس شكلها مش شبابى خالص و عجوزة كدة ... و السانديرو مش منتشرة اوى ...
انا يا جماعة هتجنن .. و شكلى هروح اجيب فيرنا و اريح نفسى .
ياريت حد يقولى ان الكلام البسمعة عن الجين 2 غلط ..
و لكم وافر الشكر و الاحترام
-
ربنا يوفقك في اللي تختاره بس لازم تعمل مقارنه جاده علشان تعرف تشتري
اولا الرينو جميله جدا ثبات واوبشنز مافيش بعد كده عربيه اوروبي بس قطع الغيار مقرفه شويه ومش اي حد يشتغل فيها ومشكلتها سعر اعاده بيعها برضه
ثانيا النيسان صني عربيه محترمه الا ابعد الحدود بعشقها بالرغم اني من ملاك البروتون وباذن الله هجيبها بس ربنا يعطيني ومش هتتعبك في حاجه لا قطع غيار ولا صيانه وممتازه فكل حاجه وسعر اعاده بيعها قليل بس بتتباع سهل عن الرينو
ثالثا االجين تو عربيه ليها كل الاحترام ولو ان توكلها مبوظها لكن تحتم العربيه وتحب تركبها بسبب ملاكها هنا في القسم قمه الاحترام وبيحبو يساعدو اي حد اوي وبالنسبه لقطع الغيار عندك توكيل في الاسكندريه بس برضه مش اي حد يشتغل فيها لازم يكون حد بيفهم
رابعا الفيرنا اقتصاديه موفرة قطع الغيار عند البقال عادي خالص ممكن تجيب كيلو جبنه وفانوس خلفي عادي مش بتفرق ههههههههههه موفرة بنزين ضيقه جدا عربيه حوادث وربنا يكفيك ويكفينا شر الطريق ماتتقارنش بالعربيات اللي اتذكرو لكن هي في متناول الجميع وعربه ناجحه بسبب التوكيل طبعا
انا من راي وشايف انسبهم النيسان الصني هتركبها وهتدعيلي بجد عربيه خراااافه
وفي الاول والاخر ده اختيارك وماديتاك
-
بما ان حضرتك من اسكندرية لازم تعرف ان توكيل بروتون فرع اسكندرية سىء جدا جدا من جميع النواحى ، ده طبعا غير المشكلة المزمنة بتاعة عدم توافر قطع الغيار سواء فى القاهرة او اسكندرية
فى ناس كتير جدا من اسكندرية بتروح تعمل الصيانة فى القاهرة ( يعنى تطلع من اسكندرية الفجر علشان تلحق تحجز دور فى توكيل ابو رواش من 6 الصبح)
لو مصمم على جين 2 اعتبر انك اشتريت عربية زيرو من غير ضمان ( ايه فايده الضمان لو التوكيل معندهوش قطع غيار ) و كمان ملهاش توكيل ( توكيل اسكندرية مش بيفهموا فى العربية و ناس كتيرة طلعت من عندهم على توكيل القاهرة و هناك طلع تشخيص توكيل اسكندرية للعيب غلط)
ازيدك من الشعر بيت ،،،، من حوالى شهر عز العرب باع مقر توكيل اسكندرية لتوكيل بى ام و فضل التوكيل مقفول فى اسكندرية اكتر من شهر لغاية ما فتح فى مكان تانى جنب المقر القديم
خليك فى رينو ، توكيل رينو فى اسكندرية محترم جدا و معاملتهم 5 نجوم و مش اغلى كتير من عز العرب ، هتدفع فلوس هتاخد بيها مقابل
Content Relevant URLs by
vBSEO 3.6.0 PL2