فاكرين الموضوع ده
http://www.nilemotors.net/Nile/216970-a.html
عوزة بقى ازرع خيار انا جبت البذور بس اسمع انه مينفعش فالبيت عشان محتاج مساحة بالعرض كبيرة حقيقى الكلام ده ولا ايه؟؟:question2:
عرض للطباعة
فاكرين الموضوع ده
http://www.nilemotors.net/Nile/216970-a.html
عوزة بقى ازرع خيار انا جبت البذور بس اسمع انه مينفعش فالبيت عشان محتاج مساحة بالعرض كبيرة حقيقى الكلام ده ولا ايه؟؟:question2:
متابع بعنف...
ايه يا جماعة فين الناس اللى ساعدونى المرة اللى فاتت
طب لما يرجعوا بقى ان شاء الله : )
الخيار زاحف
يعني عاوز مساحة كبيرة شوية
طيب ماتزرعي ورد لو نفسك تزرعي حاجة .. أو تزرعي حباية فول في قطنة مبلولة ميه (( التجارب بتاعت إبتدائي واعدادي)) ههههههههههه
على فكره مش لازم تطلع بذور خيار ممكن تطلع بذور قته او قثاء باللغه العربيه لانها بتشترك مع الخيار فى نفس شكل البذور ( لب ابيض صغير فارغ)
من حوالي شهر زرعت شوية بذور منها "بس للامانه مكناش عارفين هيا قته ولا خيار" وطلعت قته
زراعتها سهله زي زراعة اى حاجه بس عيبها انها محتاجه مساحه كبيره لانها بتنمو بشكل افقى مش رأسي يعنى النبته الواحده ممكن تمشى أكتر من متر
اهم حاجه ان محدش يلمس طرف العود وأسمه "سباقه" لانه لو حد مسكه بيدبل وبيتوقف عن النمو - جربتها فعلا وطلع الكلام ده بجد -:)
بخصوص الورد بطلع ورده صفراء صغيره
بخصوص التربيه فى احواض معنديش فكره بس اعتقد ممكن بس لازم يتفضى ليها مساحه متر على الاقل عشان تاخد راحتها
سمعت ان الخيار والقته لما بيكونو لسه مقطوعين حالا بيكون طعمهم أحلى من الى مقطعوعين من فتره " بس لسه مجربتش " لان الى زارعها لسه صغيره اوى
لو فى اى استفسار انا موجود
انا بصراحه معنديش خبره فى زراعه الخيار بس زراعه الجرجير ظريفه اوي و سهله , والواحد بيستفيد منه فى الاكل و كده
هو علي حسب
ساعات بيمتد قوي وساعات بيبقي صغير بس انتي ممكن تحطيله عصايا يزحف عليها بس مش متاكد الصراحه :)
ايوه سمعت حكاية العصاية دى وانه يمتد لفوق بدل العرض ربنا ييسر
والجرجير جربته سهل جدا تانى يوم بيطلع علطول
هو انت كده مبنخدش منك غير تريقة طب فيدنا بمعلومة خصوصا ان عندكو ارض : )
لو كنت قريت الموضوع كنت عرفت انى زرعت كسبرة وبقدونس ونعناع وملوخية وجرجير واكلت منهم كمان: )
الورد ممكن اشترى اصيص جاهز وخلاص بس انا حبة ازرع طعام فى البيت بدون مبيدات وكمان لما احتاج حاجة الا قيها فورا مش اروح السوق مخصوص خاصة الأعشاب دايما الواحد يحتاجها فى الأكل لو حتى عالسلطة : )
فول فى حتة قطنة وصلت لفول وترمس زى ابتدائى -ماشى: ):angry35:
عندنا أرض أه
لكن إن شاء عربيتي تدوسني لو قلتلك إني أعرف فيها حاجة...
بصي
من واقع الخبرة في زراعة منزلية
الحاج من ساعة ماطلع معاش ورجعنا البلد... وهو كل يومين يزرع حاجة في جنينة البيت
عندنا في الجنينة مووز..ومانجا .. وجوافة
وأمي بتزرع جرجير .. ومكرونة .. :waaaht: هههههههههههههههههههه
بس الفكرة في الخيار.. إنه لازم له مساحة عرضية لإنه من الــ creepers زي مانا قولتلك
لو عندك المساحة العرضية دي .. وتقدر توفري له مساحة
إزرعيه
هو دايما كده اللى عنده حاجة ميخدش باله من قيمتها والتانى يبقى عوزها وهكذا الدنيا: )
وهى البلكونة طويلة بس اجيب منين اصيص متر
والظاهر الرجالة بيجرى فى دمهم كرات دم حمرا وبيضا وتريقة:)
بقى طنط بتزرع مكرونة طب باللحمة المفرومة ولا بالصلصة؟
يعنى بتزرعوا قمح ولا ايه؟؟ ومشفناش حاجة من المانجة والجوافة دى يعنى
مكرونة بالبتنشجان
مش تريقة والله ..بس هو الكلام بيطلع لوحده
المانجا والجوافه الحج أكلهم لوحده هههههههههههههههه
ماستناش كمان لما يكبرووو .. قتلهم وهما صغيرين إهئ إهئ إهئ
صحيح
سجلتي ولا لسه ؟
محتاج مدير ضروري ضروري .. لواحد صاحبي (صاحبي الانتيخ)وبدورله على حد دلوقتي بالموبايل وأنا بكلمك
طالما مكتوب عليه خيار يبقى تمام
موضوع العصايه ينفع لو كانت نبته صغيره لشجيره أو حاجه زي العنبايه او ياسمينا عايزنها تطلع لارتفاع معين
لكن الخيار الساق بتاعته ضعيفه متقدرش تشيل ثمره كامله النمو عشان كده بيتمدد بشكل افقي عشان الثمره تبقى سانده على الارض مش الساق او الفروع الى شايلاها
بخصوص الجنينه بتكون حاجه لذيذه جدا اول شهر او شهرين لكن بعد كده الواحد بيزهق وبيتعب لان فعلا الزراعه متعبه خصوصا اول ما الحشيش يطلع لانه فعلا وباااااء الواحد يزرع اى حاجه يطلع الحشيش أكتر منها ويضعفها ويشفط هو الغذا ومهما الواحد يعمل معاه بيطلع تانى ملوش حل
بخصوص السباقه انا اقصد طرف الفرع "2 سم" الى بيتمدد بيه وبيكون لونه فاتح شويه وبيكون حساس جدا للمس لو انسان مسكه بيتحول لونه كأنه مرشوش عليه بدره ويدبل وبيقف الفرع عن النمو انا مكنتش فى الاول مصدق ان النبات ممكن يكون بالحساسيه دي وجربت على الياسمين والعنبايه وفعلا دبل طرف الفرع الى مسكته
وعلى فكره " بعد التجربه على القته " فعلا طعم الحاجه الى بتكون لسه مقطوفه وتتاكل فى ساعتها بتكون احلى من الى بتتشري من بره
تحياتي يا دكتورة ...
بالمناسبة حضرتك كنتي دليتيني على شقة من أكثر من سنة كده لكن ما حصلش نصيب ... من كام شهر أخذت شقة في مدينة الحرية (المخلوع سابقا) آخر دور بارتداد وعندي بلكونة 2 متر في عرض البيت فعملت فيها حديقة صغيرة كدة فيها ياسمين وورد وريحان وجارونيا وسرو ليمون لسة أول شهر لكن الحمد لله الورد فتح والياسمين طلع ومبسوط جدا بالنتيجة وكمان هجيب جهنمية علشان أعمل ظل وساتر عن العمارة المجاورة اللي لسة بيحطوا الأساس بتاعها وأكيد هترتفع عن البيت اللي أنا ساكن في الدور التاسع منه...
أم نضال طبعا عملية جدا كعادة كل الستات ونفسها نزرع حاجات بتتاكل وأعشاب خاصة بالطهي وكدة يعني ... على فكرة هواية جميلة جدا ومبهجة
يا ترى ممكن أعرف حضرتك بتشتري بذور الخضروات دي منين في المنصورة، والبيتموس حضرتك كنت شارياه من اي سوبر ماركت في المنصورة.
تحياتي
البيتموس وبعض البذور كنت شارياه من عوض الله الجديدوفى بذر الكسبرةوالبقدونس جبته من العطار بس البقدونسصعب جدا يمكن عشان البذر من عند العطار وجبت الملوخيةوالجرجير من عند بتوع بذور عارف شارع السلخانة الشارع اللى قدامه مش عرفة اسمه فيه كذا محل وكمان جبت منهم السماد بس الأنواع محدودة وفى حاجات لازم تشترى كميات كبيرة وغالية لأن بيزرعوا فدادين طبعا ومفيش منها كميات صغيرة وكنت رحت مديرية الزراعة عندك فى الشارع اللى جنب المجمع شمال ممكن شتلات للفلفل والطماطم بيوصفوا لك العنوان بس ده مجبتوش لأنه عالطريق بره المنصورة لكن بيديك معلومات وعنده شتلات ورود جبت منه عطر تحفةوبيطلع ورد
سلملى عالمدام
:)
وعايزين نستفيد بخبرات جضرتك فى الأنواع اللى زرعتها وقوللى العناوين برضه
جميل جدا
ومعلومات قيمة ... أنا فعلا اشتريت السماد 20\20\20 من ميدان الشيخ حسنين كيس 1\2 كيلو ب خمسة جنيه وباحط حوالي ملعقة طعام كل عشرة أيام للزرع كله في مياه الري وجاب نتيجة مبهرة جدا والحمد لله ، فعندي ثلاث شجيرات ورد بلدي في عامها الأول وقد تسبب السماد في إنبات الفروع ونمو الورود وقد تفتحت وردتان منذ أيام وكانتا مصدر بهجة عظيمة... واليوم تفتحت الياسمينة الأولى وكانت مصدر بهجة عظيمة أيضا...
اشتريت الشتلات من مشتل الجامعة ... وكان عندي خمس قصاري بلاستك كنت اشتريتها من سنوات علشان أبدأ الهواية دي لكن البلكونة القديمة كانت مكشوفة للجيران وضيقة نسبيا طبعا عن البلكونة الحالية اللي أنا أساسا أجرت الشقة وتمسكت بيها بسبها... فاستعملت القصاري البلاستيك دي وكنت شاريها من عند الشريف برده زي حضرتك ... لكن كنت محتاج أحجام أكبر وأكيد هتكون أغلى وده مكانش مستحسن بالنسبة لي لأني مش عايز أتجاوز الحدود في تجهيز حديقة في شقة إيجار ممكن اسيبها في أي وقت فالنهاردة اشتريت خمس قصاري زرع فخار متوسطة محيط الفوهة حوالي أربعين أو خمسين سم وبعمق حوالي 40 سم ... سعر الواحدة 8 جنية ... وكان فيه أكبر بكتير سعرها 25 جنيه لكن شفت إن سعرها هيبقى قريب من البلاستك فلم أرغب في شرائها. وكمان وزنها هيكون كبير جدا حتى وهي فاضية.
اشتريت القصاري الفخار من طلخا عند محطة المياه مقابل جزيرة الورد على الضفة الأخرى كدة فيه هناك اكثر من واحد بيبيع الحاجات دي.
الخمس قصاري الكبيرة دي هنقل في اثنين منهم إن شاء الله شجرتين الياسمين ... أما الثلاث قصاري الأخرى فأفكر في وضع شجرات الورد الثلاث في أحداها وتخصيص القصريتين الاخريين لزرع نبات الجهنمية بألوانه الثلاثة أبيض وقرمزي وبرتقالي لأصنع تعريشة طبيعية في البلكونة تكون في نفس الوقت ساترا عن العمارة المجاورة الجديدة التي ستعلو بالتاكيد عن مستوى الدور التاسع الذي اسكنه.
سأحتاج البيتموس لإعداد قصريتي الياسمين لأنه يحتاج تربة خفيفة صفراء لذلك ساقوم بخلط الطين والرمل والبيتموس للسماح لجذوره بالتمدد على راحتها .... الحقيقة رائحة الياسمين جميلة جدا ما شاء الله رغم أن طول الشجيرة ليس أكثر من نصف متر... وفي الحقيقة الياسمين والورد مبهجين جدا ويعطيان نتائج سريعة وواضحة على العكس من شجيرات سرو الليمون التي تنمو ببطء شديد جد لا يمكن ملاحظته.
على فكرة ... أم نضال هي كمان بتسلم على حضرتك وبتشكرك على تحيتك
آسف على التأخير لأن الموضوع كان وقع مني الفتره الى فاتت ولاقيته انهرده بالصدفه وانا بدعبس
بخصوص الزرع بنحفر حفره صغيره - أو بالبلدي نقره - وبتكون على ارتفاع 5 سم تقريبا ونحط فيها لبتين او تلاته ونغطيها - لأن مش ديما كل اللب بيطلع نبات - وممكن بعد كده نخله براحتنا
لما بيطلع النبات ويبدأ يكبر بيطلع زهر اصفر المفروض كل زهره من دول تبقى خياريه بعد كده
وعلى حسب ممكن فرع يطلع 3 زهرات ممكن يطلع 4 وممكن يطلع 2 على حسب حجمه والغذا بتاعه
ان شاء الله بعد ما الخيار يطلع والمحصول الوفير نبقى مش عارفين نوديه فين :10D5C8w1107:
عندى طريقه لتحديقه لسه مجربنها الاسبوع ده وجابت نتيجه مبهره
نجيب الخيار الصغير ونحطه فى الشمس يوم او اتنين لحد ما يدبل نيجبه نغسله كويس ونحطه فى ميه بملح لمدة 3 ايام فقط
وبعدين نطلع ندوق انظف واحلى خيار مخلل :213-1107231241[1]:
المشكلة دلوقتى ماما قلبت عليا لأن فى حشرة كده جت عالزرع هى شبه الخنفسة بس صغيرة قوى و لما تموت بتتقلب على ظهرها كده وتبقى رجلها وقفة لفوق
هجم كميات غريبة منها عالبلكونة
راحت مطلعة الزرع عالسلم وطبعا ف ى عالسلم ده ممكن يجى فران وابراص ومستحيل انى اكل حاجة هتطلع بره عالسلم: (
مش عرفة الحشرة دى هجمت مرة عالغسيل قبل الزرع اصلا بس هى مش مقتنعة: (
حد يعرف حل البتاعة دى ايه؟
==============
حلو موضوع الخيار المخلل ده بس كده هييقى مكرمش وانا مش بحبه مكرمش: )
ومتنساش تحطله سكر بسيط عشان يقرمش