افكار اعجبتنى

**azmeralda** · 29-05-2012 05:09 PM

1-خاتم التسبيح:

http://files2.fatakat.com/2011/7/13112836579279.jpg

دى سبحة رقمية زى الستوب وتش كده ينفع قوى الناس اللى بتبقى عيزة تعمل اعداد ذكر معينة فبدل ما تتلخبط او متركزش لأنك عمال تعد
كمان حلو لو بتسوق فترات طويلة ونفسك تسبح بعدد مثلا ومش هينفع تمسك السبحة وانت سايق فممكن تلبسه فى السبابة وتبقى ماسك الدركسيون عادى وتضغط بالأبهام وتمنه 5 ج

2-فى مسجد عندنا فى المنصورة اسمه الأوابين
عامل حيطة كاملة زجاج وهو عالنيل علطول تخيلوا السلام النفسى والروحى للمسجد مع المنظر ده

المهم عملوا فكرة اى حاجة مستغنى عنها مثلا تحفة عندك فى البيت معدتش لايقة او هدوم عاملين معرض وفاصلين المستعمل لوحده والجديد لوحده ممكن حد عنده محل ادوات منزلية مثلا باعت حاجات جديدة

واللى بتشتريه من المعرض فلوسه بتروح لمساعدة الأرامل والأيتام فحاجة لطيفة انك تشترى حاجة عجباك وعارف ان فلوسها كمان راحة لناس محتاجة او حاجة ملهاش لزمة عندك ونتج منها فلوس برضه للخير

3-حاليا محطوط صناديق كده فى اماكن كتير عشان تحط فيها الأوراق التى تحتوى على لفظ الجلالة ليتم التخلص منها بصورة سليمة
ناس كتير بتخاف تشيل ذنب الجرانين مثلا ومش بتبقى عرفة تتصرف ازاى ومش هيقعد يحرقها كل يوم

كمان جمعية رسالة بتعمل ريسيكلينج للحاجات دى

ولفظ الجلالة شىء مهم انه لا يهان مش عرفة الطناش حاليا جاى منين لدرجة ان كنت فى معمل تحاليل لقيتهم بيلزقوا الأسم وفى لفظ الجلالة طبعا على العينات وهو مفيش حل غير كده ان يتكتب مثلا عبد ال........ او اى حل لكن اسم ربنا يبقى ملزوق على عينات بول وخلافه انا شايفاه شىء غير مقبول

كمان فى مول عندنا اسمه عوض الله طبعا كل الأكياس بتاعته دى اللى بيحط فيها زبالة ومش واخد باله ازاى يعنى وسمعت ان ناس كلموه عشان يخليه مثلا زى فرجللو اللى غير اسم فرج الله عشان علب العصير بتترمى فى الزبالة بس مشفناش نتيجة
يعنى لفظ الجلالة على الكيس ويتحط فيه قاذورات ونجاسات !!!؟؟؟

**azmeralda** · 29-05-2012 05:16 PM

4-البيضة الهدية

دى جبتها هدية بس مش لقياها تانى الفكرة لما تديها لحد يكسر حتة من فوق ويرويها ماء وهى جواها تربة وفى خلال 10 ايام تقريبا بتطلع له بذرة زى الفول ومحفور عليها كلمة زى i love u or best friend

الكلمة بتبقى مفاجأة للشخص طبعا لكن انت عارفها ومختارها من الأول وهو قاعد يروى ومهتم بالنبته عشان يقرا الرسالة coooooooooooooool

http://photos-b.ak.fbcdn.net/hphotos...62858905_a.jpg

**azmeralda** · 29-05-2012 05:18 PM

5- الشماعة دى برضه انا اشتريتها

http://a1.sphotos.ak.fbcdn.net/hphot..._2168342_n.jpg

تتعلق بالطول او العرض لتوفر مكان

**azmeralda** · 29-05-2012 05:20 PM

6-حامل الأكياس

وده الأتنين ب 5 ج

http://a1.sphotos.ak.fbcdn.net/hphot...38550798_n.jpg

لما تكون ناوى تتسوق والأكياس الكتير قد ايه صعب شيلها وبتعلم فى الصوابع بتركب الكياس كلها فيه وجربت لحد 5 كيلو استحمل عادى مع انه بلاستيك وشيل الحاجة بقى سهل من غير لخبطة وسهل تركب تاكس ومش بتتفك الا لما تفكها انت

**azmeralda** · 29-05-2012 05:28 PM

7-حامل المكانس وادوات الحديقة

وده اشتريته برضه للنظام: )

http://files2.fatakat.com/2012/3/13328681312424.jpg

**ahmedsamir5edr** · 29-05-2012 05:32 PM

تتجاب منين الحاجات ديه ؟؟

البيضه جميله

**azmeralda** · 29-05-2012 05:32 PM

8- waste golden

دى شركة بتشترى منك العبوات البلاستيك والكرتون مثلا زجاجة الزيت اللتر بالزيت المستعمل ب 3 ج

وده احسن من لما بنلاقى النباشين بيجوا من الفجر يبعتروا القمامة فى كل مكان عشان يلموا منها الحاجات دى وكمان هتكسب فلوس
شوف قد ايه زجاجات بيبسى وزيت و عصير بتطلع من البيت شهريا

المشكلة انى مش عرفة اوصللهم لو حد وصل يعرفنى الطريق

هم كانوا جايين فى برنامج وعرضوا عالحكومة الفكرة بس قالوا لهم لسه العقود مع الشركات الأجنبية مخلصتش فهم بيتعاملوا مع الناس مباشرة

**azmeralda** · 29-05-2012 05:35 PM

المشاركة الأصلية كتبت بواسطة ahmedsamir5edr

تتجاب منين الحاجات ديه ؟؟

البيضه جميله

قصدك انهى حاجة فيهم؟

البيضة كانت هدية تحفة وكنت جايباها من المنصورة بس ملقتهاش تانى : (

**azmeralda** · 29-05-2012 05:40 PM

http://files2.fatakat.com/2010/12/12927725698375.jpg

9-بما انى بضيع الريموتات فى كل مكان وبدخل المطبخ اخدة الريموت فى ايدى وانسى حطيته فين

حامل الريموتات ده عند نور الدين ب 30 ج

10-الفكرة دى اشتريتها برضه بس اتكسرت وملقتهاش تانى طبعا انابيب اى حاجة كريم او معجون حلاقة بتبقى مليانة هوا وبتفضل تضغط عليها مبتعرفش تتطلع اللى فيها وشكلها بيبقى معضعض كده ده بقةى بيطلع لآخر نقطة وبيخلى شكل الأنابيب منظم وكان ب 2 ج ونص بس

http://files2.fatakat.com/2010/9/1285341958.jpg