الموضوع: خلاص تعبت وزهقت من العربية ديا

المشاركة الأصلية كتبت بواسطة khaledazizeg

الموضوع بالتفصيل الممل انا اول ماظهرت المكلة كنت مسافر اسماعيلية فقابلنى مطب وانا كنت ماشى على سرعة 100 فدست فرامل لقيت العربية بتهدى اوى فرحت لواحد فى عين شمس فقالى اول حاجة التيل الامامى ثانيا التيل الخلفى ثالثا التنابير الامامية رابعا الطنابير الخلفية ثم بعد ذلك حشو مستر عمومى كل داة اتغير واتحلت المشكلة مافيش شهر ولقيت العربية فى مرة ادوس فرامل تجيب ومرة تانية ماتجيبش فرحت لواحد تانى قالى محتجين مستر عمومى فرحت جبتلة واحد 360 جنية بعد اما ركبناه باسبوعين لقيت الفرامل زى الزفت والانقح بقى ان لزيت بينقص فرحتلة تانى قالى داة البلوف قالى اسئل عليها سئلت عليها مش لاقيها قالى خلاص هاتلى مستر عمومى تانى فية بلوف وبيقولها بكل سزاجة وكتبت موضوع فى المنتدى قالولى روح لحمادة البلبيسى الى عند الجراش فعديت علية انهاردة فربط على البلوف لقاها فعلا مش متربطة كويس فرحت فقرط عليها وبعد اما روحت لقيت نفس التسريب فأعمل اية لانى زهقت فعلا

ما تضايقش نفسك عشان المشكلة ان اللي بتوديله العربية عشان يصلحها للأسف بيصلح المشكلة ومش بيصلح سببها يعني هو المفروض انه لما لقي مشكلة في الفرامل يراجع كل أجزاء الفرامل مش التيل بس بعد ما يتطمن عليها ولما يتأكد ان المشكلة في التيل بس واتاكل تآكل طبيعي يبقى يغير التيل ، لكن مش يغير التيل ويكون في مشكلة تانية هي السبب في ان التيل اتاكل بسرعة . وللأسف مش هاقدر أفيدك عشان معلوماتي محدودة وكل اللي هاقدر اقولهولك روح عند اكتر من واحد من غير ما تخلي اي حد يصلح حاجة ومتشتريش اي طلبات يقولوا عليها غير لما تشوف أكتر الميكانيكية هيجمعوا على ايه هو السبب في المشكلة وابدأ صلح وربنا يكون في عونك