السلام عليكم انا بفكر اغير عربيتى التريوس و اجيب جوك او قشقاى
كنت عايز اعمل تست درايف ياترى ممكن اعمله فين؟؟
وهل العربيتين دول ليهم مستقبل و لا مش هيبيعو وبالتالى سنتين و يندثرو و منلاقيلهاش لا قطع غيار ولا حد يشتريها مننا بعد كده
ياريت تفيدونى برؤيتكم
هما ليهم مستقبل كبير لأن الناس بدأت تتجه للعربيات suv عشان شوارعنا الجميلة
الجوك ضيقة من ورا بس لو اسرة صغيرة مش هتقول لأ انما القشقاي واسعة عنها واغلى بحوالى 15 الف
التست دريف ممكن تعملة فى اوتو ايجيبت
بصراحة العربيتين ممتازين ودي ركوبة ودي ركوبة تانية
كمان الجوك واخد فى تقييم المستخدمين فى what car تقييم قليل 3 نجوم بس والقشقاى 4 نجوم
رغم انى كنت اميل للجوك
أنا كمان عاجباني الجوك اكثراقتباس:
المشاركة الأصلية كتبت بواسطة hussein
انا قشقاي اكتر :p
اقتباس:
المشاركة الأصلية كتبت بواسطة zangry
اقتباس:
المشاركة الأصلية كتبت بواسطة sehsss
+1111111111111111111111اقتباس:
المشاركة الأصلية كتبت بواسطة zangry
متهيالى الجوك مش هتنتشر اوى اما القشقاى فا دى متهيالى كام سنة و تاخد مكان السبورتاج
وعلى فكرة الفئة دى هى المستقبل ف مصر suv 1600 cc وفى معاهم الالسوبارو xv
الجوك ليها مستقبل ف مصر.. وبدأت تنتشر بغباء ف اسكندرية
القشقاي ماعرفش ليه الناس بتشتري السبورتاج مكانها.. من الآخر بينها وبين السبورتاج السبورتاج أعلي (في التوافر) بكتير..
مايتهياليش ان الجوك هتنتشر لانها للشباب بس و بالسعر دا فى اختيارت كتير بس مش نفس الفئة زى السيراتو كوبية و البرافو و الليون ودى كلها عربيات ليها تقل ف الفئة السعرية دى بالنسبة للشباب اما القشقاى تنفع لفئة عمرية اوسع بكتيراقتباس:
المشاركة الأصلية كتبت بواسطة crayvor
القشقاى مستقبلها باذن الله كويس لانها عربيه عمليه جدا مناسبه لبلدنا
وبنسبه لقطع الغيار متقلقش لان نيسان شركه محترمه
ومن الاخر القشقاى ثمنها فيها
QashQai
طب ياريت حد يقولى اعمل تست درايف فين
التليفون والعنوان
على فكره الاخ العضو hagan كان معاه تيريوس برضه و جاب بعدها قشقاى فرأيه اكيد هيفيدك كتير ان شاء الله لانه مر بنفس التجربه و يقدر يقولك على الفروق بالضبط ان شاء الله
شكرا ليكو كلكو
انا بعت للاخ مهندس حاتم السباعى اساله على الفرق بين القشقاى و التريوس و مردش عليا
كلمت اوتو ايجيبت اسالهم على التست درايف قالولى مبيعملوش دلوقتى
وانا بصراحة مش هشترى تانى من غير اختبار قيادة :))
الاخ الكريم الفاضلاقتباس:
المشاركة الأصلية كتبت بواسطة hussein
الاستاذ حسين
اولا اعتذر بشدة علي التأخر في الرد و بالفعل انا لم اشاهد الموضوع و لم انتبه للرسالة اللي حضرتك ارسلتها لي علي الخاص الا الان بعد ان طلبني الاخ الفاضل المهندس اسامة و لفت انتباهي للموضوع
و انا تحت امر حضرتك و هذا رقم تليفوني و يسعدني اتصال حضرتك في اي وقت
01001963110
تحياتي لحضرتك و عذرا مرة اخري
م.حاتم السباعي
القاشقاى والجوك .. عربيات محترمة جدا وحيكون ليهم مستقبل قوى فى مصر .. والقاشقاى ابتديت اشوفها بنسبة معقولة .. بالنسبة الى نزولها فى شهر فبراير اللى فات .. وقلت العربيات المحدود استيرادها .. الا وانها فعلا فى اقبال عليها فى الحجز ومش بتقعد فى المعارض ابدا .. وفعلا بقيت اشوفها فى الشارع
والجوك بشوفها قليل .. لانها لسه نازلة بردوا وكان اول دفعة جت مصر كان حوالى 50 عربية منها فى البداية
عربيتين محترمين جدا سواء سعر او تقفيل او مواتير او وكيل
لو عايز اوبشن كتير ومش محتاج عربية واسعة يبقا الجوك على طول وبدون تردد
لو مش مهم عندك البلوتوث والكروز كنترول ونظام الايكون idrive يبقا خاليك فى القاشقاى
القاشقاى عربية محترمة جدا وعفشتها افضل لانها مالتى لينك ..
بس عشان تكون عارف ان دى حاجة ودى حاجة
وبخصوص التيست دريف مع اى موزع حيكون صعب جدا
وفى تقارير كتير فى القسم عن العربيتين وعن مميزاتهم وعيوبهم
تحياتى ليك وبالتوفيق فى الاختيار
بشمهندس حاتم شكرا على ردك الجميل و بعد اذنك هتصل بيك انهارده
بشمهندس احمد عفشة القشقاى ملتى لينك امال الجوك ايه؟؟
وياريت تقولى ايه هو ال idrive علشان انا دايما بسمعه فى البى ام و فى الحقيقة انا معرفش ايه هو
وشكرا مرة تانيه ليكو انتو الاتنين :)
الجوك تورشن بيماقتباس:
المشاركة الأصلية كتبت بواسطة hussein
ال idrive اللي في البي ام حاجة تانية خالص , باختصار في الجوك ممكن تنقل بصورة رياضية ( S ) او عادية او اقتصادية , انظمة للمشي يعني مش اكتر
طب ماهو القشقاى بردو فيها 3 انظمه للسواقه و تكيف دبل زوون بردو يبقى ايه الفرق بينهم؟؟؟
وسؤال تانى هو التورشن بيم دا وحش ولا حلو وياريت لو حد يقولى الفرق :))
انشف من الملتي شوية ^_^اقتباس:
المشاركة الأصلية كتبت بواسطة hussein
مفيش في القشقاي انظمة سواقة
قليل ما هتحضرتك الملتى لنك افضل بكتير خصوصا لو بتسافر و دا يعتبر احلى نظام تعليق خلفى ف عربيات الدفع الامامى عشان كدة كل الماركات النضيفة بتستخدمة (على فكرة هو اغلى و يعتبر تكنولوجيا اعلى) يعنى قليل ما هتلاقية ف عربيات تحت ال200 الف مع التحفظ ع الالنترا قبل الاخيرة عفشتها ملتى لنك بس مش ثابتة ع السرعات العالية رغم انها اخدت نعومة الملتى لنكاقتباس:
المشاركة الأصلية كتبت بواسطة hussein
لو اشتريت حاجة تورشن بار ياريت يكون فيها esp و متهيالى مش هتلاقية ف الجوك
موجود في الجوك والفوكاس والفيلوستراقتباس:
المشاركة الأصلية كتبت بواسطة monamize4
حضرتك متاكد من الجوك و الفوكاس؟ انا اعرف ان esp موجود ف عربيات تحت ال200 الف ف الفيلوستر سيراتو كوبية خليجى-برافو -جيتا- سيفيك- جولف- مونديو-استرا و الخمسة الاخرانين بيقى موجود ف الF\O مش شرط high lineاقتباس:
المشاركة الأصلية كتبت بواسطة mody3on
باشا الجوك عربية جميلة وكل حاجة بس هتجيب العربية وبعد فترة صغيرة هتتخنئ من المساحة الضيقة - مع انك قدامك نفس الاختيار من نفس الشركة ونفس الجودة بس > على اوسع واثبت واريح وبانوراما و4 باب يعنى عربية شبه كاملة طبعاً الكمال لله وحده ومتقلقش احسن من التيريوس شكلاً وموضوعاً وكل حاجة ماعدا ان التيريوس 4*4 بس الكلام ده مش هيفرق طالما مبتمشيش فى الجبل هههههه . تحياتى ليك
اه موجودة في الفوكاس من اول فئة والكوبيه كماناقتباس:
المشاركة الأصلية كتبت بواسطة monamize4
الجوك موجود فيها tcs و vdc اللي هو تقريبا حاجة زي ال esc مع اختلاف المسميات زي السيفيك كده
مفروض يفتحوا التست درايف علشان العربية لسه مش منتشرة ،،،،
انا اتصلت بالتوكيل و كل الموزعين فى اسكندرية مافيش حد عنده تست درايفhttp://www.nilemotors.net/Nile/image...19F3B%7E14.gif ( السوبارو xv دخلت على الفيس بوك سجلت تست داريف و اتصلو بيا و عملته)
سوبارو وفورد واوبل واعتقد ميتسوبيشي بيعملوا تيست درايفاقتباس:
المشاركة الأصلية كتبت بواسطة tamerosman
معظم الباقي مبيرضاش مع ان ده من الاساسيات في اي حتة انك تجرب قبل ما تشتري
اقتباس:
المشاركة الأصلية كتبت بواسطة mody3on
انا عن نفسى مرة كنت رايح اعمل تست درايف لعربية ( مكنتش مقتنع بيها قوى ) و بعد ما سوقتها اتوهمت بيها جدا ،،، نزلت من التست درايف و طلعت كل الفلوس الى فى جيبى و دفعت مقدم حجز.
سياسة التسويق اقل ما يقال عنها انه مش ذكية خصوصا ان السوق نايم اليومين دول ،، يمكن هما معتمدين ان العربية عليها قائمة انتظار طويلة
يا جماعة ما تزعلوش نفسكم كده
انا عايش فى السعودية وهنا مفيش حاجة اسمها تيست درايف فى 90% من المعارض وحتى لما سددت كامل تمن العربية ما دورتهاش غير بعد ما استلمتها وانا خارج بيها من المعرض !!!
الكلام مش عالمعارض , الكلام عالتوكيلات نفسها , في تيست درايف في معظم توكيلات السعودية , ادخل على موقعهم واحجزاقتباس:
المشاركة الأصلية كتبت بواسطة y2y1500
ياباشا متشكر ع المعلومة الجديدة دى ,انا دورت وعرفت ان traction control system دا زى ال ebd ,و ان ال Vehicle drive control دا زى الespاقتباس:
المشاركة الأصلية كتبت بواسطة mody3on
اقتباس:
المشاركة الأصلية كتبت بواسطة AhmaZonG