اشتريت امبارح الاسبراي ده عشان انضف بيه البوابه و الحساسات في الفيرنا
Products - Automotive - Cleaners and Degreasers - CARB & CHOKE CLEANER (12 OZ) | ABRO Industries, Inc
يا تري ينفع ولا لأ؟
عرض للطباعة
اشتريت امبارح الاسبراي ده عشان انضف بيه البوابه و الحساسات في الفيرنا
Products - Automotive - Cleaners and Degreasers - CARB & CHOKE CLEANER (12 OZ) | ABRO Industries, Inc
يا تري ينفع ولا لأ؟
أيوه أنا عملت بيه البوابة قبل كده وكان كويس ...
بس مش متأكد لو كان نوع محترم ولا إيه ...لكن بيأدي الغرض وخلاص ...
هو ب 40 ج تقريبا ...
من المفترض انه نوع محترم..هو صناعته امريكي و ب 25 جنيه....بس المهم حضرتك مـتأكد ان هوه هوه ال استخدمته قبل كده ولا لأ.....شكرا جزيلا
أيوه متأكد لأن العبوة لسه عندي ...
يمكن لخبطت السعر بس عشان كان من فترة لكن النوع متأكد ...
ثواني هصورهولك ....
ألف ألف شكر يا باشا...سؤال اخير...عربيه حضرتك انجكشن طبعا...مش كده؟...اصل انا مش فاهم المصطلحات ال علي العبوه و ال اعرفه ان البوابه في العربيات الانجكشن اسمها ثروتل و العبوه مش مكتوب عليها كده خالص...يا تري هوه هوه ال choke....او ال carb
ينفع
http://img217.imageshack.us/img217/8543/11051.png
أنا لسه شارى العبوة ديه من حوالى اسبوعين وفيها 20% زيادة
بـ 20 جنيه
منظف كربراتير
مش عارف ينفع للحساسات ولا ايه !!
.
دي صورة العبوة :
http://www.nileup.com//uploads/thumbs/sba3cf318bd.jpg
وطلعت فعلا ب 25 مش 40 لقيت مكتوب علي الغطا :
http://www.nileup.com//uploads/thumbs/s43be1aa0b5.jpg
.
ألف شكرررررررررررر يا رجاله...طيب ننضف بيه البوابه...ايه الكلام في الحساسات؟
انا نضفت بيها البوابه قبل كده وفعلا ب 25 جنيه
طيب تمام بس فاضل الحساسات بردو ههههههههههه
5 جنود و 20% كمان ههههههههههههههههههه
ثواني كده يباشا شكلنا فاهمين غلط ...
ده فيديو ع youtube فيه تنظيف البوابة وحساس ال Idle للفيرنا :
‫تنظيف الحساسات للفيرنا‬‎ - YouTube
بس الكومنتات بتاعة الخليجيين بتقوله ده مش منظف للعربيات ال Injection ...
هو مش نفس النوع بس شكله حاجة زيه يعني ..
بيقولو بتاع ال Injection بيبقي برغوه ههههههههههههه الخليجيين دول عليهم فقرات مشكلة ....مش عارف أبو رغوة ده كابتشينو ولا إيه ...:question2:
أنا عن نفسي أديت ده للميكانيكي نضف البوابة مقالش حاجة ...
مش عارف بقي أستني كده لما نلف لفة للمنتدي لحسن شكلنا بقي وحش أوي .. :oops2: .
أنا مرة قريت انك ممكن تنظف بأى مبيد حشرى اسبراى طبعا
زى راجون أو ريد أو غيرهم
هههههههههههه
لا تمام أحنا ماشيين زي الفل ...
بيتنظف بيه البوابة لأي عربية ...
الحساسات بس هي اللي ليها cleaners تانية ودي بعض أنواعها :
wd40 وده إسبراي للفيش والحساسات لإذابة الأتربة المتراكمة فيها ....
العبوات أحجام مختلفة ودي صورته :
http://www.nileup.com//uploads/thumbs/s04599bc905.jpg
وفي نوع تاني إسمه CRC cleaner ....
أنا لسه مجربتش ولاواحد فيهم بس النوع الأولاني لقيته Recommended من ناس كتير علي المنتدي ف أكتر من موضوع ...
.
بعد ما طلعت عيني في البحث لقيت انه ينفع للبوابه و الحساسات...مش عارف الخلايجه جابوا حوار ابو رغوه ده منين...النت كله choke&carb cleaner...شغالين بيه حساسات و بوابات و كل حاجه بس يفضل ان البوابه تتفك خالص و تتنضف بعيد عن الموتور ...لسه بردو جايب wd40 بس اول مره اسمع انه بيستخدم في تنظيف الحساسات...تقريبا شويه كمان و هنضيفه علي الأكل هههههههههههه...الاسبراي ده دايما ناطط في كل حاجه ما شاء الله .....الأهم من ده كله بأه اني بشكرك شكرا جزيلا عميقا مرشوش wd40 علي الاهتمام و المتابعه
طيب الحمدلله إنه طلع ينفع لإني أستخدمته قبل كذا مرة ... بس كان للبوابة بس
وبعدين الخليجيين خلوني أشك وقلت ليكون بتاع حاجة تانية ويطلع الزيت اللي بنحطه كمان زيت تموين ههههههههههههههههههه:::36_1_1[1]:
كان هيبقي شكلنا وحش أوي هههههههههههه
ال wd40 فعلا أستخداماته لاحصر لها أنا لقيت الإستخدامات مكتوبة علي صفحتين ف أحد المواقع ...
مستنيينك بقي تجرب وتقولنا النتيجة إن شاء الله ...
.
اتسترت الحمد لله...يللا ما علينا مش عاوز اخبط ف حد هههههههههههه...بالنسبه للزيت لو موبيل يبقي زيت التموين انضف منه هههههههههههه و بعدين هو ده العادي عندنا في مصر ال قربت اهاجر منها و اتبري منها كمان...بعد ما شوفت الفيديوهات بتركيز كده حاسس ان تنضيف البوابه ده لفظ كده مش عاوز اقوله هههههههههههه...يعني خلاص مللي الكربون ده هو ال هيعدينا من الفيراري ؟!!!!...و الله لولا مستخسر فلوس الاسبراي لا كنت نضفت بوابه ولا حساسات بس اهو من باب التجربه ههههههههههههههه
لا مش موبيل بحط شيل ألترا ... الأتنين غالبا التعبئة بتاعتهم ف مصر ... بس بحس بردو أن لزوجته قليله قبل ما أحطه أصلا فمابالك مع الحرارة أكيد هيبقي مالوش أي 30 لازمة ...
أنا بحط شيل لاني لقيت محطة البنزين بتاعة شيل أكبر و شكلها أحلا :floating: من بتاعة موبيل ف قلت أحط الزيت بتاعهم هههههههههههههههههه ...
وبالنسبة لحكاية مللي الكاربون ... علي فكرة المنظف ده بيفرق والله ...
الأتربه بتعمل مشاكل مع الحساسات والبوابة كان عندي حساس الأيدل مهيس بيخلي ال rpm مش ثابت ولما أستخدمت المنظف ده المشكلة أتحلت وال rpmأتظبط ...
.
مش كل الحساسات بتتنظف
يعني التي بي اس-حساس الكرنك-الماف هتنظفهم ازاي؟؟
اللي بيتنظف هو البوابه وحساس الهوا والايديال كونترول
الاسبراي ده ممتاز عن تجربه في الفيكترا
طيب جميل ربنا يبشرك
شكرا يا باشا..جايز الدنيا في الفيرنا غير الفيكترا...انا اصلا مش فاكر اسامس الحساسات ال ناوي انضفها بس عارف مكانهم الحمد لله :15_2_143:
ازيك يا كابتن خااااااااااااالد
يارب دايما...الحمد لله تماااام
شكرا يا رجاله...اخيرا خلصت من الموضوع ده...بس مكنتش الصراحه متخيل ان كميه الكربون دي هتنزل من البوابه....ده الاسبراي كان قرب يخلص لأ و ايه معرفتش افك حساس الأيدل...يعني لو كان اتفك كان الاسبراي خلص!!!!!.....بالمناسبه انا مستخدمش الاسبراي الأبرو و الحمد لله لقيت ال gunk
علي فكرة المفروض كمان أن أنت بعد لما بتنضف بتعمل Idle learn
وده لينك فيه الطريقة :
http://www.nilemotors.net/Nile/71086-a.html
.
حصل يا رياسه و ألف شكر للمتابعه....مع اني كنت شايف ان الموضوع مش مستاهل بس الصراحه حاسس بالفرق بعد التنضيف و ما زلت مش مقتنع ان هذا القدر الضئيل من الرواسب يعمل فرق مهما كان هذا الفرق صغير....كل الشكر و التحيه لنايل موتورز و اعضائه العباقره