قطع الغيار الغير أصلية لانسر بومة

يا شباب ايه قطع الغيار اللي الواحد ممكن يتنازل فيها ويجيب كوري او تايلاندي او ياباني وخاصة في الصيانات الدورية خاصة ان فروق الأسعار كبيره جدا وياريت الناس تديني انطباعتها وتجاربها
خلينا نبدأ بفلتر البنزين الأصلي ب 600 تقريبا وفي يا باني ب 140 وفي كوري ب 100
فلتر الهواء الأصلي ب 135 وفي انواع ب 75 ونوع يقال انه ياباني ب 50
والحاجات دي عمرها الإفتراضي يبقى اخباره ايه
انا بفكر بصوت عالي الفلاتر سهله لكن حاجه زي سير وبلية الكاتينه ما ينفعش اتنازل واجيب حاجه غير الأصلي
برده كويل الإيرباج سعره جديد 850 جديد واستيراد 300 تقريبا بس اللي عرفته انه كده كده ليه عمر افتراضي فهل اجيبه جديد ولا استيراد
تيل الفرامل برده الريمسا الاسباني ب 110 والأصلي ب 465 ايه الأنواع التانية اللي ممكن تكون كويسه
طلمبة البنزين هل بتتغير على كيلو متى معين ولا لما تبوظ

من اهم الاشياء الاصلية

الكاتينة بمشتملاتها يعني البلي والسيور وخلافة .. فلتر البنزين يكون اصلي لان الغير اصلي بيرشح بنزين .. فلتر الهواء اصلي واللي حضرتك بتقول علية اصلي 135 اقولك لا دة مش اصلي لان في التوكيل تقريبا 215 والاصلي لية دور في تحسن اداء السيارة وعدم تسريب الاتربة وخلافة بالنسبة للتيل انا معاك الاصلي غالي والريمسا بيادي الغرض بس بردو بعد فترة كدة من تركيبة بيصفر وبيبقي ناشف .. بالنسبة لطلمبة البنزين من طول ماحضرتك بتحافظ علي نغيير الفلتر في مواعيدة والبنزين يكون من بنزينة مضمونة لا يكون مغشوش بمياة وخلافة ومتخليش دايما السيارة لما البنزين يخلص علي الاخر بكدة في عمر طلمبة البنزين ماتشتكي .. وربنا يوفقك

تسلم يا باشا بس إيه موضوع ان الفلتر يرشح بنزين ازايى وهو اصلا بيبقى جوا التنك

مش عارف ليه حاسس ان المشاركات بتاعة الناس في القسم ضعيفه ليه زمان ايام ما كان معايا التمبرا عمري ما كنت ببخل بمعلومه عن حد مش عارف من ساعة ما غيرت العربية مش لاقي ده ليه غير من ناس قليله بالرغم ان ملاك العربية اللانسر من اكتر الناس على المنتدى

اقتباس:

---

المشاركة الأصلية كتبت بواسطة zalabany

تسلم يا باشا بس إيه موضوع ان الفلتر يرشح بنزين ازايى وهو اصلا بيبقى جوا التنك

---

فية جوان من فوق هو اللي بيرشح بنزين وممكن حضرتك علشان تتاكد ممكن تسال المهندس / طارق زويل وهو يأكد لحضرتك

فعلا فلتر البنزين اللي مش اصلي فعلا بيسرب بنزين ولو مش هاتجيب اصلي جديد يبقى ممكن تجيب استيراد حالة كويسة افضل من الجديد مش اصلي

هو بشكل عام قطع الغيار الأصلية اغلى في بعض الحاجات بس بتحافظ على العربية وبتطول عمرها خاصة لو بتتغير في مواعيدها

اقتباس:

---

المشاركة الأصلية كتبت بواسطة مصراوي جدا

فعلا فلتر البنزين اللي مش اصلي فعلا بيسرب بنزين ولو مش هاتجيب اصلي جديد يبقى ممكن تجيب استيراد حالة كويسة افضل من الجديد مش اصلي

هو بشكل عام قطع الغيار الأصلية اغلى في بعض الحاجات بس بتحافظ على العربية وبتطول عمرها خاصة لو بتتغير في مواعيدها

---

طيب انا اقدر اعرف اذا كان الفلتر حالته كويسه ولا لا منين