الموضوع: رايكم في بيع العربيه

المشاركة الأصلية كتبت بواسطة sehsss

أهو أنا بتجنن من موضوع (انت هاتقبل العوض) أه اقبله، وهو ضرك (والعقد شريعة المتعاقدين) وعلى فكرة هو لو الموضوع بالعكس ما كانش هايسيبك، قوله الكلام ده

انا نزلت لولدي من شوية قولتله لو العربيه رجعت هاخد الشرط الجزائي قالي اه بس لو حد جه كلمني انت كدا هتحرجني مع الناس

المشاركة الأصلية كتبت بواسطة exact

الــ 2000 جنيه حلالك ومتخصمهمش من البيع التالي ده اول بند
تاني بند هل انت ضامن انه ميكونش عمل مصيبة بالعربية او لبسك في كام واحده عكس اتجاه

نصيحة زرجن معاه لأقصى درجة وارفض جدا... انت مغشتش وكل حاجة كانت على عينك يا تاجر

الحمد لله وفعلا هو بنفسه قال علي الي فيها وانا قولتله كمان مره علي الي فيها وقولت بنفس اللفظ انا مش ضامن فيها غير الموتور وربنا يشهد علي كلامي دا
وانا فعلا نويت مش هاخد العربيه تاني لان العربيه بقلها 6 ايام وانا معرفش العربيه حصل بيها ايه

المشاركة الأصلية كتبت بواسطة amrgamal1

5 ايام ولسه ماخدتش فلوسك كامله ؟؟
لو خدت فلوسك قوله خلاص انا اشتريت عربيه تانيه
لو ماخدتهاش كامله خد العربيه واديله فلوسه وخد طبعا ال 2000 جنيه

انا اشتريت عربيه وبعد ما خدتها اكتشفت ان فيها مشكله كلفتني فلوس كتير ولا كلمت صاحبها ولا حاجه
اصل مش شغل عيال هو عشان ارجع في كلامي

المفروض هستلم فلوسي يوم 10-6 ودا حسب الاتفاق والمكتوب في العقد
وانا في ناس بتقولي قوله انك اشتريت عربيه ومدي معاد في نفس اليوم الي هيسلمك فيه الفلوس تسلم الناس الي انت اشتريت منهم فلوسها
بس انا لو قولت ليه كدا هكون بنصب عليه

ياباشا أنت لا تضمن الى حصل فى 5 ايام أرى أنك لا ترجع العربية والشرط الجزائى بيكون فى حدود 24 ساعة لاأكثر ولو حصل وحضرتك رجعتها حقك الشرط الجزائى قولا واحد والا كل واحد هيشترى عربية وبعد كام يوم يرجعها وطبعا خد بالك لو رجعت العربية لازم لازم تكتب ورقة بفسخ العقد وانك اسرجعت العربية بعد خمس ايام لانك مش عارف الى حصل بالعربية أية فى الايام السودا دية وممكن كمان يكون عمل بيها مخالفات مش هتعرفها والاختيار لحضرتك ولكن أرى أنك لا ترجعها أبدا بعد الفترة دية تجنبا لمشكلة غير متوقعة وربنا يستر علينا جميعا

المشاركة الأصلية كتبت بواسطة bor3ey

بص ياباشا انا رايى ان كده هتدبسه و فكرة الشرط الجزائى ان اى حد يتراجع عن قراره الطرف الاخر يكون مرضى انت قوله خلاص حضرتك هترجعلى العربيه + 2000 جنيه + كشف مرورى بمخالفات العربيه علشان اتأكد ان محصلش بيها حاجه انما لو انت خدت عربيه و حاولت ترجعها لصاحبها و تدفعله كمان فلوس زياده و هو يتهرب منك و ميرضاش هتحس انك اتدبست مع العلم ان ممكن ميجيلكش عرض زيه تانى والله اعلم بس ال 2000 جنيه تسند بدل ما تحس انك لبست حد علشان مش خبير

هي العربيه هترجع بس مفيش 2000 جنيه

المشاركة الأصلية كتبت بواسطة haitham1985

الرضــــــــا أساس البيع والشراء ......... لا تقلـــق

ما حضرتك الاول كان كل شئ تمام وانا موافق وهو مبسوط والي حصل ان البشمهندس اخد العربيه فكر انه هيكسب فيها ونزل بيها السوق احبط احباط شديد

المشاركة الأصلية كتبت بواسطة hellboy

خد عربيتك +الشرط الجزائي اللي هو حلالك وربنا هيخلف عليك علطول بس خلي عندك حسن ظن بالله

للاسف مش هاخد الشرط الجزائي في حالة العربيه لو رجعت

المشاركة الأصلية كتبت بواسطة moumen_hs

ياباشا أنت لا تضمن الى حصل فى 5 ايام أرى أنك لا ترجع العربية والشرط الجزائى بيكون فى حدود 24 ساعة لاأكثر ولو حصل وحضرتك رجعتها حقك الشرط الجزائى قولا واحد والا كل واحد هيشترى عربية وبعد كام يوم يرجعها وطبعا خد بالك لو رجعت العربية لازم لازم تكتب ورقة بفسخ العقد وانك اسرجعت العربية بعد خمس ايام لانك مش عارف الى حصل بالعربية أية فى الايام السودا دية وممكن كمان يكون عمل بيها مخالفات مش هتعرفها والاختيار لحضرتك ولكن أرى أنك لا ترجعها أبدا بعد الفترة دية تجنبا لمشكلة غير متوقعة وربنا يستر علينا جميعا

انا مش خايف من حكاية المرور لان في نص ساعه اكشف عن العربيه كلها بس المشكله العربيه محتاجه مصاريف كتيره وانا مش فايق اعملها

المشاركة الأصلية كتبت بواسطة m7mda7md

الراجل لو رجع العربيه يبقي غلطان سواء دفع الالفين جنيه او لأ...يعني انت اخدت الفلوس او لأ هتبقي متضايق...قصدي ايه يعني؟.....متحرقش في دمك لأن ربنا كبير....دفع دفع مدفعش خلاص متحرجش والدك....الشباب ربنا يباركلهم لفتوا الانتباه لحاجه مهمه جدا و هي وجود ورقه تثبت الاحداث دي, بأن العربيه كانت موجوده مع الراجل في الفتره من كذا لكذا..و في رأيي دي اهم من ال 2000 جنيه

طبعا مش هحرج ولدي عشان خاطر الفين جنيه انا منتظر يتصل تاني متصلش بردو النهارده يبق خلاص كدا لان النهارده اليوم السادس ونفضل علي معادنا الي هستلم فيه باقي الفلوس واسجل ليه العربيه