الموضوع: طقم درباج الدبانة بى ام

شكرا ليك ياباشا بس مفيش محلات قطع غيار بى ام تكونه عندها حاجات اصليه ومفيش حد غير قبل كده ديسك واسطوانه ولاايه وحد غير استيراد او جديد يقولى عشان العربيه واقفه

انا اشتريتهم جداد من فترة طويلة(مش أقل من 4 سنين) من أيمن غرارة في شارع دمشق ,اسطوانة و ديسك و بلية LUK ب 1200 و شفتهم عند نجيب اللي في رمسيس بعدها ب 1000 بس
بس هما كانوا كويسين مع ال1600 , بس بيني و بينك عمري ما حسيت انهم بيقفشوا صح , يعني يعني لما تنتش عادي مش العربية تتنفض
و في عربية أخويا كانت 6 cyl ابيض E30 ركبناهم استيراد , زي الفل , ولا الهوا , تخميس و افترا عادي جدا
هما استيراد تقريبا ب 400-500 من الحرفيين
نصيحة هاتهم استيراد أضمن و أرخص , بس خد رأي الميكانيكي فيهم قبل ما تركبهم

ربنا يخليك على المعلومات الجامدة طيب مين فى الحرافين اشترى من عندو ويكون كويس وياريت ميكانيكي

هو انا معايا e30 ولسة مغير طقم دبرياج جديد من اسبوع بس هو مفيش حد عندة قطع جديد اصلي بمعني اصلي يعني مش من bmw بس اللي موجود احسن حاجة هو luk و هو الماني بردو ,,,و تفريبا زي اللي كان بيطلع من bmw ..انا كنت جايبة بالنسبة للe30 ب ١٤٠٠ ,الاسطوانة و الديسك و البلية..مش عارف بالنسبة لل e36 يعمل كام الصراحة بس انا متاكد ان هو عنده للe36 كمان من عند ممدوح عبد الفتاح في شارع المرسيدس في الحرفيين,و اللي انا سمعتة ان شركة luk دي bmw هي اللي مدياها الاستمباط عشان تعمل زيها ,,عشان bmw بتنزل قطع غيار لشكل ٢٠٠١ اخرها ,,و لو عايز استيراد اسال بقي عند زهير جبر في الحرفيين برده محترم جدااا ,او المتحدة بور سعيد في شارع المرسيدس برده سمعته حلوة بس انا مجرتش اتعامل معاه الصراحة,الاسيتراد بالنسبة لل e30 الطقم كله كان عامل ٥٠٠ بس للe36 معرفش كام الصراحة يس الاكيد اللي انا اعرفه ان الفرق مش كتيرر خالص

شكرا لحضرتك يعنى جديد ولا استيراد احسن هو فى واحد فى الهرم اسموه نقولا بتاع قطع غيار استيرادا الطقم عندو ب450 جنيه استيراد كويس دى ولا ايه

أنا كنت عند نجيب في رمسيس و سألتو بالمرة قالي ال luk ب 1200 و فيه حاجة ايطالي ب800