تسعير لانسر كريستالة

**bam8572** · 30-05-2012 03:33 AM

السلام عليكم

اريد تسعير لانسر كريستالة موديل 98

المواصفات كالتالى

اللون اسود
فبريقة دواخل
العربية كاملة مانيوال
جميع الكماليات
تكييف وباور وكاسيت وسنتر
ومركب لها وحدة رفع 4 ازاز
رشة برا
رخصة لمدة اكتر من 24 شهر ( اكتر من سنتين )
مركب لها سبويلر يابانى اصلاً
طقم جنط جديد مقاس 14 ,, كاوتش جديد مفيهوش خابور واحد ولا خرم واحد مركبه من شهر ونص فقط لاغير
طقم زينون مستوييين عالى وواطى
فرش جديد مفيهوش بقعة ولا طفية سيجارة ولا اى حاجة
عفشة كاملة جديدة , جسور وطنابير وتيل فرامل ومقصات وبلى وبيض , ومساعدين لانسر بومة
مغير زيت من اسبوع فقط لاغير وكذلك فلتر الزيت وفلتر الهواء وفلتر البنزين وطقم بوجيهات جديد , يعنى طقم صيانة كامل جديد
طقم صوت مكون من كاسيت سونى و 6 سماعات وصب
العربية ماشاء الله مش محتاجة اى مصاريف

العربية شاددها بنفسى من الاف للياء زى ماكتبت لحضراتكم كدا
مش محتاجة جنيه واحد مصاريف ولسا عاملها طقم صيانة جديد

تسوى كام بما يرضى الله ومتنسوش الكماليات زى الاسبويلر والزينون وعدة الصوت والكلام دا كله

بما يرضى الله كدا تسوى كام ؟؟؟

**bam8572** · 30-05-2012 03:36 AM

نسيت اذكر
العربية كاملة مانيوال
جميع الكماليات
تكييف وباور وكاسيت وسنتر
ومركب لها وحدة رفع 4 ازاز

**M.FOUAD** · 30-05-2012 09:40 AM

لو دواخلها كاملة زيرو و ضامنها متاخدهاش باكثر من 45 الف

**Ayman999** · 30-05-2012 06:20 PM

اخرها 44 - 46 الف

**bam8572** · 30-05-2012 06:51 PM

دا انتم تجار جامدين اوى ماشاء الله عليكم يعنى
طيب ما لوعندكم نفس الحالة والمواصفات دى وب 47 الف جنيه اشتريها
انا والله بحب الكريستالة
لو عندكم اكتر من عربية كمان بنفس المواصفات انا موافق اشتريها ب 47 الف جنيه
هاخد واحد لأخويا وواحدة لنسيبى
يعنى مطلوب عربيتين بنفس مواصفات عربيتى وبسعر اغلى الفين جنيه كمان

**M.FOUAD** · 30-05-2012 11:36 PM

المشاركة الأصلية كتبت بواسطة bam8572

دا انتم تجار جامدين اوى ماشاء الله عليكم يعنى
طيب ما لوعندكم نفس الحالة والمواصفات دى وب 47 الف جنيه اشتريها
انا والله بحب الكريستالة
لو عندكم اكتر من عربية كمان بنفس المواصفات انا موافق اشتريها ب 47 الف جنيه
هاخد واحد لأخويا وواحدة لنسيبى
يعنى مطلوب عربيتين بنفس مواصفات عربيتى وبسعر اغلى الفين جنيه كمان

شكرا يا باشا عالرد حضرتك طلبت تسعير و انا قلت السعر المناسب اللي انا شايفة لو حضرتك شايف عربيتك تسوى 47 الف مكنتش طلبت تسعيرها اصلا و ريحت نفسك
و شكرا لذوقك

**bam8572** · 31-05-2012 01:33 AM

ياباشا انا معرفش عشان كدا بسأل
لكن لما شفت كلامك نزلت رحت مكاتب واقل مكتب عملهالى 47

وبعدن انا بقول كاوتش جديد وجنط 14 سبور جديد , دول لوحدهم 3 الاف جنيه ياسيد
لو مش بتفرق بين العربيدة المكسرة والعربية المصروف عليها يبقى متظلمش حد

وبعدين لو انا قلت هشيل طقم الصوت والزينون والكاوتش والجنط وارجع لكم كاوتشها الاصلى والجنوط الحديد والانوار العادية والسماعات العادية والكاسيت بتاعها العربية هتبقى بكام ؟؟ ب 40 الف جنيه
هو فى كريستالة بالكلام دا

صدق من قال ان تجار العربيات بيربحوا اكتر من تجار الدهب

**bam8572** · 31-05-2012 01:38 AM

وفى حاجة كمان
حضرتك مقدرتش طقم الصيانة الى معمول كله ولا الفلاتر الجديدة وتغيير الزيوت والعفشة الكاملة

حضرتك مقدرتش العربية يا استاذى
انا شفت كريستالة من ساعة بس موديل 97 كاملة مانيوال
وربنا عفشة وموتور العربية كلبة من كلاب الزمن ونورها زفت , وفيها مشغل فلاشة بتاع التاكسيات دا , رشة برا وفيها حتة فى قايم وعايزين 45 نهائى
وفرشها مقطع ويقرف ,, دا انا ياراجل عامل كسوة فرش جديدة ومغير فرش الابواب والعربية كلها بلون واحد

ربنا يبارك لى فيها انا مش ببيع انا كنت عاوز اعرف السعر بس لكن للأسف الى رد عليا تاجر ممكن ياخدها او ياخد زيها بنفس السعر ويروح يكسب له فيها مش اقل من 4 الاف جنيه ولما يبقى خسران هيكسب الفين ونص

على كل حال عربيتى مش هيقدرها الا اللى يركبها ويكون راجل ركيب
مش تجار عاوزين ينهبوا

**bam8572** · 02-06-2012 06:35 AM

up

Up

Up

**alzelafy** · 11-06-2012 05:33 AM

بص يا باشا البيع سكرات و حظوظ و الموضوع ملوش مقياس انا كان معايا 98 كان فيها خبطه و مغيرة فخدة كامله و بعتها ب 48 و لمعرض و كان عارف الخبطه بس كان قدامه زبون و باعهالو على 52 .... ابن خالتى معاة واحدة نظيفه جدا جدا عن اللى كانت معايا و مش عارف يبيع ب 43 بس هى بالنسبه للى كانت معايا تسوى 60