رقم العضوية : 6201
تاريخ التسجيل : 22Feb2008
المشاركات : 12,866
النوع : ذكر
الاقامة : cairo
السيارة: nissan sunny ex 2008
السيارة[2]: Sonata 2013
دراجة بخارية: لا
الحالة :
سلام عليكم يا رجاله...
انا قاصد انى ارفع الموضوع دةمع انه قديم عشان يخص النوبيرا فقط ومش عايزه يضيع ليكون افاده ان شاء الله للى عايز سست سبور لسيارته النوبيرا
طبعا بعد عناء مع قص السست والتنطيط والهبد والرقع قررت اغير السست بتعتى
بدون مقدمات...اخيرا عطرت على سست سبور لنوبيرا 2
وطبعا تشمل كل موديلات النوبيرا زى ما عرفت
نوع السوست... merwede هولندى
اللون احمر...الكونى بتبقى ازرق ومجبتهاش لانى ملقتهاش :)
السعر...1200 بعد الفصال
مكان الشراء...محل اكسسوارات اللى عايز العنوان يقلى على الخاص عشان ميبقاش اعلان ونلبس تهمه :)))
طريقه الشراء....طبعا محدش عارف شكل سست النوبيرا نهائى...قررت اعمل عمليه انتحاريه واروح للعفشجى بتاعى يفك سسته ورا وقدام واروح اجيب زيهم....وبالفعل حصل دة....رحت جبت زيهم بالظيط
حاجات لاحظتها لما شفت السست السبور والسست الفبريقه المقصوصه قدام
فى الشكل.......
1-السست السبور اتخن سنه صغيره
2-حاسس ان السست السبور اتقل شويه
3-لما ضغط بايدى على السست السبور والعاديه لايتهم زى بعض بمعنى ان مفيش فرق ...الصراحه قلقت...قلت استنى ياواد بعد التركيب
بعد التركيب....
1-بعد 3 ساعات تركيب (موضوع مرهق) عشان الخراض هو اللى قفل السسته فى المساعد والعفشجى هو اللى ركب المساعدين (التكلفه 20 جنيه تركيب السسته للمساعد يعنى الخراط خد 80 جنيه والعفشجى 60 يعنى الجموع 140)
2-العربيه واطيه من قدام ومن ورا عاليه سنه ....يعنى واخده سهم لتحت زى ما بيقولوا ....اول ماركبت العربيه وطلعت بيها مشيت فى شارع داخلى عشان اطلع على الطريق...لايت تنطيط خفيف جدا ...قلقت....قلت استر يارب....كبست بنزين وطلعت على الطريق...حسيت ان العفشه مرتاحه ومش ناشفه نهااااااااااااااااااااااا ااااااااااااااااائى او بمعنى اوضح ان النشوفيه مريحه ومش بتدايق
المهم قلت ياواد اجرى شويه وخدلك كام غرزه....خت غرزتين كده ....بسم الله ما شاء الله...دى عربيتى !!!!!!!!!!
حاسس انى سايق المانى
العربيه مش بتميل نهاااااااااائى لا يمين ولا شمال يعنى كلها بتتحرك يمين وكلها بتتحرك شمال مفيش اى ميل ودى اكتر حاجه بسططنى جدا جدا
جبت سرعه 80 وبصيت فى المرايه وكسرت الدركسيون مره واحده.....الله اكبر ايه الثباااات دة مش متعود انا :))))))...العربيه مبقتش خايف منها نهائى ... اتشجعت اكتر وابتديت اخد ملفات بسرعه....بمعنى u turn .....العربيه جمده جدا ومفيش اى انحراف او لعب
كل دة من السست !!!!!!
انا مش مصدق
فعلا العربيه بقت ميزان الحمد لله وفعلا السست مش خساره فيها الفلوس نهاااااااائى لانى مكنتش متوقع ان الاداء دة يطلع من نوبيرا
على فكره......انا مش ببالغ فى اى شىء فى كلامى نهااائى
اكتر من سرعه 80 مجربتش
بصراحه انا مش لاقى اى عيوب فى السست السبور بس يمكن فى ناس مش بتحب موضوع الارتفاع القليل (بالنسبالى مرضى جدا جدا ومدى شكل تحفه وطبعا مش شكل بس لا اداء كمان
بعض الصور
اى استفسار انا فى الخدمه مع ان فى ناس كتير بتبخل بالمعلومه معرفش ليه :)))
بشكر العضو غزاااااااالى جداااااا لانه بصراحه عمل الواجب وزياده
م/ احمـد عـزت
رقم العضوية : 6201
تاريخ التسجيل : 22Feb2008
المشاركات : 12,866
النوع : ذكر
الاقامة : cairo
السيارة: nissan sunny ex 2008
السيارة[2]: Sonata 2013
دراجة بخارية: لا
الحالة :
على فكره سعر السست الفابريقه استيراد
70 جنيه
يعنى الاربعه ب 140
م/ احمـد عـزت
المفضلات