الموضوع: فياتجو تمنحنا تصور عن شكل البرافو الجديدة

بسم الله الرحمن الرحيم

دا اول موضوع ليا ف المنتدى الجميل دا و يا رب يعجبكو و حبيت انه يكون عن ماركة بحبها فاخترت الفيات لان الجديد منها يستاهل مكان ف السوق اكبر من كدة

الحكاية ان دودج و فيات عملوا اتفاقية مشتركة( تعتبر اول اتفاقية بين فيات و كرايسلر) لتصنيع عربيتين سيدان بتكنولوجيا متبادلة فياتجو و دودج دارت والاتنين ليهم نفس شاسية الفا روميو جوليتتا بطول 4.6م و عرض 1.85م و قاعدة عجلات 2.7م
بالنسبة للموتور فهو نفس مواتير الفا روميو 120 حصان و 150 حصان
الفتيس هايكون مانيوال 5 سرعات و اوتو 6 سرعات dual dry clutch transmission (DDCT

اول ظهور للدارت كان بمعرض ديتريت ف امريكا اما اول ظهور لفياتجو كان بمعرض بكين الدولى للسيارات و دى تعتبر اول عربية لفيات هتتصنع بالكامل ف الصين بالتعاون مع شركة GAC

العربية دى معمولة عشان تنافس ف فئة السيارات المدمجة اللى بيقولوا علية C-SEGMENT
المهم ان بنزول العربية دى نتوقع تغيير شكل البرافو الحالى , الشكل دا بقالة خمس سنين المفروض ان الاوروبى عامة بيغير كل اربع خمس سنين الا البرافو و الليون!
الميزة هى المشكلة ف البرافو, نزلت ف 2007 و كان فيها كل الميزات (abs و ebd و esp و كشافات متاقلمة , كمبيوتر رحلات, دركسيون متاقلم مع السرعة جنوط 17, 6 اير باج) ساعتها كان اللى بيجيب النترا و فيها ازاز كهربا او بيجيب اوبترا و يحطلها جنوط 15 رياضية او يجيب سيراتو و فيها فتحة سقف كان بيبقى طاير م الفرحة
واخيرا اتمنى ان اول موضوع ليا يكون عجبكوا ان شاء الله

http://www10.0zz0.com/2012/05/30/11/121595593.jpg

http://www10.0zz0.com/2012/05/30/11/276830071.jpg

http://www10.0zz0.com/2012/05/30/11/174250810.jpg

http://www10.0zz0.com/2012/05/30/11/545714466.jpg

http://www10.0zz0.com/2012/05/30/11/919589525.jpg

http://www10.0zz0.com/2012/05/30/11/700143255.jpeg

http://www10.0zz0.com/2012/05/30/11/239136215.jpg