الموضوع: بخصوص زيت العربية

مش شرط تغييره عند الالف
طالما لزوجته لسى كويسه وده اهم حاجه وانه نظيف مش مهم انه اسود
ممكن على 1500 او 1800 بس لا تزود عن كده

بعيدا عن نوع الزيت مسافة 13 كيلو اساسا مش سفر
ولا داعي للقلق حضرتك تغير زيت 3000 كيلو وتغير قبل الوقت بحبه ومش مكلف اوي
هيقعد معاك فترة

انا لسة جاى من عند الراجل بتاع الزيت
وقالى انه بيحط زيت التعاون

لحظة يا جمااعة بالراحة عليا شوية كدة

3000 كيلو اية ؟؟؟؟
و5000 الاف اانا والدى بيقولى كل 1000 ومكتوب ع الجركن بتاع الزيت كل 1000 فعلا

وفى نوع تانى بيتغير كل 10.000 كيلو




انا معايا عربية مرسيدس معدل موديل 78 بنزين (مرسيدس 200)

انا بخرج مشوار لمسافة 3 كيلو بالظبط
والعدادا بيزيد 40 كيلو ...............ويدوبك مش بكمل شهر والعداد بيجيب 1000




فهمونى بالظبط الكلام دة ع العربيات الجديدة ولا كلو ؟؟؟
3000 كيلو وب 67 جنية بس !!!

دى تبقى ناااااااااااار وربنا

المشاركة الأصلية كتبت بواسطة ashraf_ibrahim

يا عزيزي مفيش زيت بيكون مكتوب عليه يتغير كل كام كم !
الرقم اللي مكتوب دا اكيد ليه دلالة تانية خالص غير عدد الكيلومترات

اتعودنا من موزعين الزيوت والتوكيل انه يربط موديل الزيت بعدد كيلومترات معين
لكن في الواقع دا شيء خاطيء
الزيت طول ما لزوجته مظبوطة وطول ما هو مبينقصش يبقا زي الفل تمشي بيه وانت مطمن
القصة دي على الكل مش على الجديد بس
انا عندي 131 موديل 76 وبحطلها شيل 20/50 وبيتغير على 3000 كم عادي جداااا
والمرة الجاية هحطلها كاسترول جي تي اكس 20/50 وان شاء الله هتابعه واشوفه هيثبت لحد 5000 كم واللا لا

زي ما قلت لحضرتك القصة كلها لزوجة الزيت اخبارها ايه؟
كمية الزيت اخبارها ايه الزيت نقص واللا مستواه مظبوط
اللون طبيعي جدا انه يغمق
الزيت لو فضل لونه فاتح لمسافات طويلة دا معناه ان الزيت مش كويس لن احدى وظائف الزيت انه يزيل الشوائب من المحرك ونتيجة انه بيشيل الشوايب دي ان لونه يغمق فلو فضل فاتح يبقا هو مش بينضف الموتور اصلا

تمام
طيب معلش سوال كمان اصل انا لسة جديد فى حكاية العربيات دى ومش عندى خبرة
وانا عارف ان الخبرة كلها موجودة ف المنتدى الاكثر من عظيم :) نايل موترز


انا طبعا واخد العربية من بابا علشان هو مسافر
وهو كان بيغير الزيت فى ورشة زيت نش بنزيمة تمام ؟

انا بروح للراجل دة واقوله ظبط الزيت وهو بيغير وياخد فلوس ومش عارف هو بيعمل اية ولا بحط اية والكلام دة :)


السوال بقى : متور العربية بياخد كام كيلو زيت ؟
والجركن بتاع كاسترول جى تى اكس ابو 67 جنية دة كام كيلو ؟

ولو مش لقيته عند الورشة دى هلاقية فين ؟؟


سورى لو كنت طول ع حضرتك