انا من اسكندريه و شفت عربيات اسبيرو كتير و سبب من اسباب اختياري دايو اسبيرو ان انا معايا نوبيرا و عيز اركب دايو مش هيواندي
فهل هي عربيه اقتصاديه ؟؟ ثباتها ؟؟ قطع غيارها ؟؟ العربيه بشكل عام ؟؟
لو اشتريت اسبيرو نضيفه مش ناوي ابيعها
عرض للطباعة
انا من اسكندريه و شفت عربيات اسبيرو كتير و سبب من اسباب اختياري دايو اسبيرو ان انا معايا نوبيرا و عيز اركب دايو مش هيواندي
فهل هي عربيه اقتصاديه ؟؟ ثباتها ؟؟ قطع غيارها ؟؟ العربيه بشكل عام ؟؟
لو اشتريت اسبيرو نضيفه مش ناوي ابيعها
قطع غيارها بالكامل موجوده بدون استثناء اى شئ وعلى فكرة الاسبيرو قطع غيارها الميكانيكية بالكامل نصفها اوبل والنصف الثانى نوبيرا هى الحاجة الوحيدة فى قطع الغيار الى ماتنفعش تشتريها غير اسبيرو الى هى الاكسسوار مثل الفوانيس وما شبة ذلك وحتى الحاجات دى كلها موجوده جديدة فى التوفيقية وشارع دمشق بمصر الجديدة واستيراد كمان فى الحرفيين واسال عليها وانت تعرف وعلى فكرة قطع غيارها ارخص من الانوس فى الاكسسوار
عربية محترمة جدا جدا
ثبات وعز ورفاهيه الألمانى القديم (زى الفكتراb )
موتور محترم جدا
قطع غيار كتيييييييييييييييير ومتوفره عكس الشائع وخصوصا فى إسكندريه عندكوا
وشارع العشرين بفيصل والتوفيقيه جديد
الموتور (نوبيرا بدون أدوات التغذيه أوأسبيرو )والفتيس (أوبل )
نور الصالون الداخلى ديلاى
لمبات الصالون للكنبه الخلفيه بتنور بالضغط على اللمبه نفسها
ثلاجه بالتابلوه لحفظ المثلجات
فوانيس كريستال لموديل 96
عربيه محترمه جدا جدا جدا والمهم الحاله
آه
نسيت
زى الفكترا برضه .....
العربيه دى بتزعل من غسيل الموتور عشان الحساسات بتتأثر من الميه
يعنى عند غسيل الحوض لازم تبقى عارف هتغطى أيه بالظبط
انتم كده حتشجعوني اشتريها
طب لو كنت ناوي اغسلها في البنزينه من تحت. هيكون فيه مشاكل(1)
انا رايح قريب عشان اغير oilseal بس لسه معرفتش انهي واحد هيتغير اذا كان فتيس ولا موتور بس عايز اعرف اذا كانت شغلانه ولا لأ ؟(2)
التكييف عندي الميكانيكي قالي انه هيحتاج يتغيرلوا سكسبالف بتاع الكمبروسر و لما سألتوا اذا كانت هتبقي النتيجه حلوه قالي العربيه دي تكيفها ممتاز و طالاما الكمبروسر بتاعها فا اصرف عليه (3)
اخيرا , انا مؤخرا غيرت فلتر بنزين و هواء و زيت و غيرت الزيوت و السيور و البوجيهات و الوصلات بتاعت البوجيهات .. بس العربيه لما بتجيب ال100 بتبقي دواسة البنزين تقريبا عالأخر !!! و لما شايكت عالفتيس طلع سليم !!!!!!! (دايو اسبيرو 1500CC اوتو (133000كم)(1994وهي معايا من 1996))
معلش استفسار !
هو فين التلاجه اللي في التابلوه في الاسبيرو !؟
انا معايا اسبيرو 94
انا رايح قريب عشان اغير oilseal بس لسه معرفتش انهي واحد هيتغير اذا كان فتيس ولا موتور بس عايز اعرف اذا كانت شغلانه ولا لأ ؟(2)
التكييف عندي الميكانيكي قالي انه هيحتاج يتغيرلوا سكسبالف بتاع الكمبروسر و لما سألتوا اذا كانت هتبقي النتيجه حلوه قالي العربيه دي تكيفها ممتاز و طالاما الكمبروسر بتاعها فا اصرف عليه (3)
اخيرا , انا مؤخرا غيرت فلتر بنزين و هواء و زيت و غيرت الزيوت و السيور و البوجيهات و الوصلات بتاعت البوجيهات .. بس العربيه لما بتجيب ال100 بتبقي دواسة البنزين تقريبا عالأخر !!! و لما شايكت عالفتيس طلع سليم !!!!!!! (دايو اسبيرو 1500CC اوتو (133000كم)(1994وهي معايا من 1996))
تحفةاقتباس:
انا من اسكندريه و شفت عربيات اسبيرو كتير و سبب من اسباب اختياري دايو اسبيرو ان انا معايا نوبيرا و عيز اركب دايو مش هيواندي
فهل هي عربيه اقتصاديه ؟؟ ثباتها ؟؟ قطع غيارها ؟؟ العربيه بشكل عام ؟؟
لو اشتريت اسبيرو نضيفه مش ناوي ابيعها
بس اهم حاجه الحالة
انا من اسكندرية ولسة شاري واحده من 3 اشهر بعد 11 سنه ركوب لجولييت
ولما ركبتها حسيت اني راكب عربية تانية خالص
ثابته واقتصادية وموتور وفتيس ممتازين الاتوماتيك بتاعها ممتاز لانه زي بتاع الاوبل وواسعة جدا من جوة وشنطتها كبيرة
اما قطع غيارها فهي متوفرة عند ناس كتير وجديد ومستعمل
بص أنا معلوماتى الميكانيكيه على قدها شويه
مش محترف يعنى
بس تغيير oilseal أيا كان مش قصه يعنى
بالنسبه للتكييف بقى .... كل الكورى عموما تكييفه ممتاز ودى كورى بطعم الألمانى
الثلاجه اللى أقصده ياجماعه مش بالمعنى الحرفى المفهوم
راكبى الفكترا b هيفهموا قصدى :
عندك درج التابلوه لما تفتحه بتلاقى مكانيين عشان الكانز
المقصود ان فيه مخرج لهواء التكييف بدرج التابلوه عشان تبريد الحاجه الساقعه
بس خلاص
وربنا يكرمك ياباشا وتستمع بيها
بالنسبه للغسيل ...لا يفضل غسيل الموتور كتير
وإذإ كان ولابد من الغسيل يبقى بلاش الميه ولا الجاز عشا بيشقق الخراطيم
أغسل بالفوم ونشف بالهوا كويس جدا جدا
وأطلع بيها مشوار طوالى أو إركنها لتانى يوم على ماتنشف
انا عربيتي موديل 96 كامله اتوماتيك فابريكه دواخل بالكامل وكبوت وسقف وشنطة فابريكة رشه حزام بس الموتور والفتيس بعد الكشف عليهم تمام بحالة ممتازة صالون بحالة ممتازة جميع الكماليات شغالة وده اهم حاجه في شرا العربيات ده ان اكسسوارتها تكون موجوده وشغاله زي الزجاج الكهربا والفوجات وزراير التابلوه وزراير الكونسول لأن الحاجات ده نادره شوية وطبعا التكيف وصاحبها كان شريها من الزيرو وبيبعها علشان كان مسافر يعني المالك الاول ليها وكان طالب 34 الف وبعد فصال طويل ولظروف سفره اخدتها ب 30 الف .اقتباس:
معل ممكن اعرف اشتريت موديل كام و بكام و حالتها ايه ؟؟
لاني بقارن بين عربيتين دلوقتي 94 او 96
مستني ردك
ولو في اي استفسار انا تحت امرك .
منا قولتلك السعر بتاعي مش مقياس لكن لو العربية اللي انت شايفها سليمه وحالتها حلوة السعر ده مش وحش وعموما اي فلوس حتنزل حتبقى مصلحةاقتباس:
انا قدامي اسبيرو 96 ب 33 الف و مش عايز ينزل فيها حاجه
هي العربيه قوايم و حوض و موتور و عفشه سليمه و فتيس سليم
بس فرش الابواب عايز يتغير و التكييف شغال و المريات و الزجاج كله كهرباء و شغال
ف هل السعر مناسب انا عايز اخدها منه علي 32 او 31 وهو مش راضي
سياره ممتازه كانت معى اسبيروانجكشن 94
في اول ايام اشتراكي في المنتدي اود ان اشكر جميع اعضاء المنتدي والمشرفين والمقيمين عليه وذلك لما يبدو بينهم من التعاون وتبادل المعلومات والخبرات وهذا المجهود المبذول لتعم الفائدة واحب اشير الي انني استفد كثيرآ من هذا المنتدي بالرغم من عدم اشتراكي فيه وذلك للأنني لا امتلك سيارة ولاكن عندما اتاحت لي الظروف ان امتلك سيارة فكان لابد من الإشتراك في هذا المنتدي.
ارجو من السادة الأعضاء ان يفيدوني
من خلال تعليقتكم حول السيارة الأسبيروا نا ويت ان اشتري تلك السيارة ولاكن ينقصني بعض المعلومات
اولآ :- من خلال التعليقات علمت ان الماكينة نوبيرا فهل هي اي موديل في نوبيرا ام يشترط موديل معين , وكذلك بالنسبة للفتيس فقد علمت انه اوبل فهل ايضآ اي موديل ام يشترط موديل بعينة .
ثانيآ :- بالنسبة للعفشة ( كبالان وخلافه ) هل هي لانوس ام نوبيرا ام خلافه.
ثالثآ :- هل يوجد مايعيب الفتيس الأتوماتيك لها وخاصة موديل 94 , 93.
واخيرآ سعر السيارة تقريبآ كام الأيام دي وخاصآ موديل 94 وحالة شاذة.
واحب اعتذر عن التفاصيل المملة بس انا من المنصورة ولما روحت اسأل عليها تجار قطع الغيار المتخصصين في الكوري حسسوني ان انا من ايام ابو لهب فحبيت أتاكد قبل ما اشتري بالفعل , وياريت يا جماعه الي عنده شرح مفصل لقطع غيار العربية دي ( مكينة -عفشة-فتيس-تيل فرامل-...الخ ) يبقي كتر خيره.
واعتذر مره اخري علي الإطالة.
؟؟؟؟اقتباس:
هل يوجد مايعيب الفتيس الأتوماتيك لها وخاصة موديل 94 , 93.