رجاء الإفادة في تسعير بولونيز 89

السلام عليكم
إخواني النهاردة رحت اتفرجت على عربية موديل 89 هي الحمد لله فبريكة جوة بالكامل وكسوة كراسي وكسوة سقف جديد وحلوة
كرونة حلوة وفتيس تمام والحمد لله
العربية صاحبها كان عامل نصف عمرة من حوالي شهرين
رخصة 10 شهور من أول مالك من الزيرو العربية حالة عامة جيدة جدًا مقارنة باللي شفتهم قبل كده بس صاحب العربية رابط على 16000 جنيه ودماغة مقفولة على السعر ده... ولكن أنا شايف إن السعر عالي بالفعل
العيوب إللي لاحظتها في العربية هي:
يوجد بارومة بسيطة جدًا في الباب الأمامي يمين من تحت وكذلك في الرفرفين الأماميين من تحت وهي فعلاً بسيطة جدًا وبعيد عن العتب بتاع العربية وتتعمل بإذن الله...
الشيء الثاني الكاوتشات كلها بداخلها شنبر بس ماشية كويس
لما سديت الشكمان من ورا، وصاحب العربية زود بنزين إيدي هببت ولكن لما شلت إيدي وكبس بنزين ملقتش دخنة سودة.. مش عارف كده بتاكل بنزين ولا إيه نظام الكربراتير بس على كلام صاحبها أنها في الطبيعي
أيضًا فيها شوية فنش بسيط أكيد هيحتاجوا يتعملوا
وبكده انا قلت ملاحظاتي على العربية وياريت تفيدوني وتساعدوني في تقييم سعر العربية دي والمفروض النهائي بتاعها يبقى كام؟؟ ولكم جزيل الشكر