للمرة المش عارف كام الاقي الفيديو و بردو مش هعلق =)
للمرة المش عارف كام الاقي الفيديو و بردو مش هعلق =)
موضوع جميل بس ينقصة حاجة واحدة بس
ان لم تظهر تحيزك للساجا لخرج الفيديو افضل من هذا بكثير واكتسح اللوجان فى كل شىء
يعنى بالمختصر
العربية فعلا افضل من اللوجان فى كل حاجة تقريبا باثتثناء الوسع والخامات واحد والوسع لصالح اللوجان
لكن يمكن اللى يدايق اصحاب اللوجان هو اسلوبك اللى فية تفضيل للساجا بما انك مالك لها ولكن لو مكنتش اظهرت هذا التفضيل
لكان الفيديو خرج بطريقة احترافية اكثر
وبردة انا مش عارف ملاك اللوجان يزعلوا لان فعلا الساجا افضل فى كل شىء كركوبة وكعربية اسوقها واستمتع بسواقتها فعلا
ملحوظة :
عجبنى اوى فى توضيحك تقفيل العربيتين وخصوصا تقفيل لحامات كل من العربيتين
اللوجان شكلها بتتلحم يدوى مش بطريقة الية زى اللى فى مصنع بروتون
رأيي الشخصي اللوجان أفضل نظرا لتوكيلها الممتاز والبروتون توكيلها سيء جدا
مقارنة جميلة فعلا
مقارنة ممتازة ولكنها متحيزة بعض الشئ للساجا :)
مقرنة جااامدة بس فعلا اللوجان محققة نجاح اكتر
طبعا المقارنة بالصورة دي وبكل امانة وحيادية
مقارنة ولا أفشل
انا معايا بروتون ساجا 2010 مانيوال وقبلها افيو 2006 وحاليا معايا رينو داستر 2012 وركبت وسقت عربيات لوجان بالعبط مع زمايلى
ولما حد يسألنى عن رأى في العربيتين لازم ابقى موضوعى مش اخبط اى كلام وخلاص
الساجا :-
ماتور رهيب ( لما رجلك تيجى على البنزين بتلاقى العربية في اخر الشارع )
ثبات وهاندلينج فوق الممتاز تاخد الملف على 120 كلم ولا تحس بأى خوف ( شغل لوتس الانجليزية )
لكن
الدهان بتاعها خفيف جدا اى حكة بسيطة بتشيله ولو تحبوا ارفعلكم الصور لو مش مصدقين
تصميم التابلوه جميل وتحس ان كل زرار في مكانه بس خامات التابلوه والابواب حاجة تقرف
استهلاك بنزين يعادل العربيات ال1600 سي سى
تكييف تعبان جدا وده مقارنة بالافيو والداستر واللانوس والفيرنا واللانسر وكل العربيات اللى ركبتها في حياتي ( عربية 1300 سي سي )
مساحة اصغر من اللوجان سواء فى الصالون او الشنطة ومعتقدش حد في مصر ممكن يعارضنى فى ده
واخيرا وده بعتبره اكبر عيب
" عز العرب " توكيل فعلا من اسوأ توكيلات مصر قعدت 3 شهور مستنى اغير مساعد قدام يمين كان باظ وضرب زيت لدرجة ان العربية كانت مايلة ناحيته ومكنتش بقدر استخدم العربية
اللوجان:
ماتور قديم 8 صمام سحبه على قده بس 1600 سي سي يعنى تكييف احسن وتوب سبيد اعلى ( مش تسارع ) وطبعا استهلاك البنزين العالى بتاع الساجا يلغى عيب الاستهلاك الزيادة بتاع ال1600
ثبات معقول مش علشان عفشة محترمة زي الساجا لأ علشان الجنوط ال15
شكل تابلوه عتيق واماكن زراير غريبة ( بس خاماته انضف من الساجا وبتستحمل عنها عن تجربه )
دهان وصاج زى الحديد وعلشان الناس اللى بتهاجم وخلاص انزل شوف عربية لوجان واخدة خبطة جامدة وشوف بنفسك الدهان لسة عليها بعد الخبطة ولا لأ وكمان شوف تأثير الخبطة على الصاج عامل ايه
واخيرا توكيل eim بشهادة الجميع من احسن التوكيلات حاليا في مصر وحتى لو مش من احسن فانا شايف وغيرى كتير ان منصور وغبور اللى الناس بتشتكى منهم جنب عز العرب ملايكة نازلة من السما ولو تحبوا نعمل استفتاء على المنتدى ونشوف ترتيب عز العرب هايجى فين بينهم انا معاكم
نيجى بقى لموضوع التقفيل:- الساجا احسن وخصوصا بالمقارنة باللوجان المغربي
بس برضه اللوجان مش كل حاجة فيها بايظة يعنى موضوع اللحام اللى في العتبة مش معناه ان لو خدت بيها مطب جامد هاتنقسم نصين في الشارع مثلا
وبرضه فى ناس كتير في المنتدى مش راضية عن تقفيل البروتون مع انهم بيحبوها جدا زى ملاك الجين 2 اللى بيشتكوا من تعليق المالتى فنكشن وصوت تزييق التابلوه
وبالرغم من ذلك انا بعتبر ان مستوى التقفيل مقارنة بالسعر للعربيتين مرضى جدا مع تفوق واضح للساجا
موضوع الكماليات :- لازم الاول نعرف احنا بنقارن بين الساجا واى فئة فى اللوجان
يعنى لو اقل فئة فى اللوجان الساجا تتفوق بالايرباج والباركينج سنسور والجنوط الرياضية
لكن اللوجان فيها فئات اعلى بها ايرباج وabs واربعة زجاج كهرباء لكن الساجا مفيهاش فئة فيها abs ايرباج فقط واتنين زجاج كهرباء
الساجا فيها بركنج سنسور وفى المقابل اللوجان فيها كمبيوتر رحلات بيحسب الاستهلاك ومتوسط السرعة والمسافة اللى تمشيها العربية بالبنزين اللى فاضل فيها الخ...
الساجا جنوط رياضية 14 مقابل حديد 15 فى اللوجان
وفى النهاية انا مش بهاجم الساجا او بدافع عن اللوجان انا بس مش بحب المقارنات اللى من وجهة نظر واحدة وكأن الساجا مفيهاش ولا عيب ( انا اقول المميزات والعيوب وكل واحد حر فى قراره )
لازم اللى يقارن يبقى موضوعى علشان الناس تستفيد من المقارنة في قرار الشراء
وانا واحد من الناس اللى لو رجع بيا الزمن هاجيب الساجا برضه مش علشان احسن فى كل حاجة لكن علشان انا معايا عربيتين كبار وماتور الساجا وحجمها الصغير هو اللى يخلينى اوصل من مدينة نصر للدقى في 14 دقيقة على اكتوبر فى الزحمة زى مابعمل
لكن لو عربية واحدة اكيد كنت هاجيب اللوجان للاسباب السابق شرحها
وتقبلوا مرورى
بالنسبة للعفشة أيهما أنعم؟؟؟؟؟؟؟
و راحة القاعدة