بس ياهندسه ازاي هيعدي ويبرد والموتور مبطل ومفيش دورة مياه شغاله
بيتهيالي حتي لو ده حصل هيبقي اقل بكتييييييييير من انه يشغل الموتور
عرض للطباعة
موضوع الاجهاد الحراري لاختلاف درجة حرارة سائل التبريد بيتم في وش السلندر في معظم الحالات وبدون ادارة المحرك ليه هنقول ..من طبيعة السوائل ان السائل لما بتزداد حرارتة تحت مؤثر حراري بالتسخين بيتم بيصعد السائل الذي اكتسب طاقة نتيجة التسخين لاعلي نقطة نتيجة قلة الكثافة وتفكك الروابط بين جزيئاتة نتيجة الطاقة المكتسبة من التسخين وبالتالي نفس الكلام في المحرك لو زودت سائل التبريد والمحرك ساخن دون ادارة بيكون اكثر الاجزاء حرارة وش السلندر لانة اكتر جزء بيتعرض للحرارة نتيجة الاحتراق الداخلي في السلندرات بيحدث ان سائل التبريد المضاف بتكون حرارتة اقل من الموجود بالمحرك ونتيجة للظاهرة السابق ذكرها بتحل السوائل الساخنة اعلي السوائل الابرد وبالتالي بتتراكم المياة الابرد في اوطي جزء بالمبرد والموتور واللي في الغالب لازم يمر من خلال وش السلندر مما يعرضة لاجهاد حراري مابين التمدد والانكماش لعدم تساوي درجة حرارة السائل في ممرات التبريد بكتلة الوش يصل به الي حد الشرخ او عدم الاستواء وبالتالي تبداء المشاكل من مسح وش السلندر لاستعادة استواء السطح او اللحام بالtigاو الارجون للوش في الاجزاء المشروخة بل وبيصل الضرر لتغيير الوش في الحالات المتقدمة
وبالمناسبة برضة البلوك بيتضرر لكن لوجود اغلب المحركات العاملة من الحديد الزهر بيتحمل الاجهاد الي حد ما (المواتير الجديدة اللي كلها الومنيوم وش وبلوك بتبقي كارثة تزويد المياة دون ادارة )لان الوش والبلوك بيتاثر وكمان بيحصل ان شمايز السلندرات بيتشوة مكانها وبتكون غير محكمة وتبداء في تسريب الضغط بين الوش والبلوك اما في حالة الادارة بيحدث تقليب للمياة وبالتالي بيكون حرارة سائل التبريد واحدة بيق من خلالها تعرض المحرك للاجهادات دي وبتؤدي دورها في التبادل الحراري بين الجدران الداخلية للمحرك وزعانف التبريد بالمبرد
الله ينور عليك
دا انا كنت بزود عادى وهى واقفه من غير مدور ربنا يستر