الموضوع: حصريا على نايل موتورز وبس، اول تقرير عن بيجو 508 الجديدة

أولا اشكر كل الناس اللى اهتمت بالموضوع ووصل الى نقاش مفيد كدا،

المشاركة الأصلية كتبت بواسطة formulator

مش لازم ECU Tuning ولا حاجة،
تشيبات الـBosch EDC اللى بتنزل فـ موتور الـPrince 1.6 Turbo (بيجو-BMW مينى) فيها Knock-Control Strategy يشغلها ببنزين 92 عادى..؟!!
- أنا أعرف ناس كانوا بيحطوا 92 فـ مينى-كوبر S لو ملقاش 95 عاااااااااااادى جدا.

- كل اللى هيحصل فاقد فـ العزم والباور لا يتعدى الـ10% (مع أسوأ بنزين 92).. وزيادة فـ استهلاك الوقود 5-6%،
لكن الصح: يحط 95.. ومن بنزينات نظيفة كمان (شيل، توتال أو وطنية).

+1
يفضل تغيير الزيت كل 5000-6000 كم للحفاظ على التربو،
وبما أن الصيانة فـ التوكيل كل 10000 كم.. يبقى انت بين كل غيارين زيت (فـ التوكيل)، تغير مرة فـ النص مع نفسك..
(إشفط الزيت من مكان المقياس من غير فك فلتر ولا طبة)؟؟!!!

- أنا وأصحابى كتير وناس أعرفهم بنعمل كده فـ مواتير التربو الجديدة كلها: الفيات T-JET والفولكس TSI.. محدش بيقعد الزيت فـ عربيته أكثر من 7000 كم..؟؟!!!
ولعلمك: ده الـRcommended فـ الأجواء الحارة والسواقة الـHard.. سيبك من المانيوال بتاع العربية اللى بيقول كل 10000-12000 كم ده كتير جدا عـ الزيت فـ موتور تربو.



تيونرز كتير فـ مصر عندهم Access على الـMaps بتاع البيجو RC والـMini S،
وكمان فيه Custom Remap كتييييييييير للموتور ده 1.6 THP.. ويشغله 92 ويطلع منه باور أعلى زى ما TFSI قالك..؟؟!!!
- لو Map الـRC بتطلعلك 175 حصان، وMap المينى هتبقى 184-186 حصان.

بس مش دى القضية؛ أنت محتاج باور أعلى (حاسس ان العربية under-powered معاك)؟؟ أو عندك مشكلة فـ انك تحط 95 (اللتر بـ2.75 ومش هيغلى isA)؟؟!!!



للأسف يا صديقى؛
الـExaminers الجديدة بتاع التوكيلات، وحتى بعض الـOBD II Diagnostics الحديثة بتكتشفها بكل سهولة..؟؟!!!
لأنها بتقرأ الـOverboost أو اختلاف توزيع ضغوط التربو مع الـrpm رينج عن الستوك، أو تغيير فـ الـThreshold بتاع الـWaste-Gate Valve..
وكمان بتقرأ الـOver-Fueling من الـFuel-Pressure Regulator.

مش عايز أقولك ان فيه توكيلات فيها Reset Tools ترجع الـMap الستوك بتاع الفابريقة، وتضيعلك الـTune اللى انت عملته (ده لو ماخرجتش من الضمان)؟؟!!!

Edit: أجمد حاجة منتشرة فـ أوروبا دلوقتى هى الـPlug&Play PowerBox.. أكيد انت عارف،
أكثر من 10 خرائط بنزين مختلفة، وانت بتـSet الـMap اللى انت شايفها مناسبة لسواقتك.. ولما تيجى رايح التوكيل (أو الـinsurance Tax والـMOT عندهم) بتشيلها وشكرا.
Rgds،

يا باشا الف شكر على المشاركة المفيدة، انا قريت بره فى بعض الدول زى تايلاند ان التوكيل هو اللى بيعمل ECU Tuning للعربيات عشان تمشى مع ال92 كمان فى بعض دول اوروبا بيتعمل بالعكس عشان يستفاد بالباور بتاعة ال98 وال97 عشان ال95 دا اى كلام بالنسبة لهم، عموما دا حال التوكيلات فى مصر، بالنسبة للPower boxes ممكن تكون حل مناسب عشان الضمان بس عشان اجيبها من يره وتطلع مش مناسبة او الضمان والحركات دى صعب دا غير انى انا بتكلم عشان البنزين بس لكا فرق ال156 من 175 او حتى ال 185 حصان بالنسبالى مش اللى هو يعنى، انا ممكن اعوض بتاع 15 حصان بماشروم فلتر APIX محترو وللا حتى Intake كامل بس خلاص انا كبرت على الحاجات دى وبقى عندى عيال :)) نادرا لما بجرى جامد مع حد كمان انا بالنسبالى اللعب فى الهارد وير افضل من السوفت وير وخصوصا الPlug and play عشان الحاجات اللى هتتعبك هتشيلها بسهولة لكن السوفت الواحد مش هيبقى عارف ممكن يدمر ايه قبل ما يتشال، فالافضل فى الECU tuning فى نظرى اما الPower box من شركة محترمة او الRemap المعمول على يد واحد من الناس اللى فى التوكيل... خلاصة الموضوع انا مش هلعب فى العربية حتى لو البنزين غلى لدرجة 5.75 جنيه بس عاوز اشوف حل سهل، أو هشترى واحدة 128 واشيل دى تذكار :)))))
والف شكر مرة تانية

المشاركة الأصلية كتبت بواسطة Hegazio

تسلم إيدك عالتقرير .. و انقاذ العربية دي هو انتشارها فالسوق لأنها جميلة فعلا

يا باشا الله يكرمك بس انا مش عاوزها تنتشر عشان التميز بردو :))

المشاركة الأصلية كتبت بواسطة maskeen

انتوا بتقولوا كلام خرافى!! الواحد حاسس ان معلوملته عن العربيات لا تزيد عن معلوماته عن الصينى!!

لا يا رفيق ازاى بقى، انت بردو مطنشنى خالص ومش بتجاوب على، بس عموما اقرأ فى المنتدى الغنى جدا بالمعلومات دا واتبع مواضيع الناس دول TFSI و FPRMULATOR هتلاقى حاجات مفيدة جدا لوا انت غاوى

المشاركة الأصلية كتبت بواسطة TFSI

I do not recommend Power boxes at all

مشكلتها إنها بتتوصل بحساسين ال map sensors وبالتالى بتدى اشارات غلط ل ال ECU ان مستوى الboost اقل وبالتالى ال ecu بتعوض الفرق فى ال boost وبالتالى البنزين

لكن ال ECU remap افضل وآمن مليون مره لأنه بيعدل فى كل ما يخص الموتور مش boost وبنزين بس

ولمعلوماتك ال Bosch ECU MED 17.XX بتحسب البوست والبنزين عن طريق حساب ال engine load وبطريقة معقدة جدا جدا وبالتالى مش سهل يضحك عليها ب Piggy Back

ممكن تكون ال Piggy Back ناجحة مع ال Bosch MED7.9.10 اللى فى الفيات تربو بس مش هاتنجح مع ال THP وعن تجربة فعلية فى العربيتين

حبيبى الغالى شكرا على الاهتمام وبما ان الموضوع دخل فى الغميق :))
اسمحلى ادخل فى الكلام الكبير دا، الPower chips والحاجات اللى زى دى فى منها للمواتير اللى من غير تيربو يعنى ممكن الماب اللى نازلة تكون بتControl ECU مش البوست زى اللى كانت نازلة للVW من غير تربو وعربيات تانية كتير والميزة اللى فيها ان ليها اكتر من Mode ممكن تSwitch للى انت عاوزه بس فعلا الLive Remap افضل عشان ما يحكمكش باللى هما محددينه على الماب اللى على الChip، وعموما انا لو التوكيل مش هو اللى هيعمل الRemap هقلق اعمله قبل ما اشوف على الاقل 10-15 واحد مجربه على الموتور الTHP تحديدا وفى نفس العربية كمان.

المشاركة الأصلية كتبت بواسطة formulator

أنا مقولتش انها أفضل من الـLive Remap، بس برضه هى مش بس Overboosters..

أنا شوفت حاجات بتغير فـ الـinputs بتاع حساسات الـCam Sensor والـManifold-Pressure والـTurbocharge Logic والـFuel-Pressure...وكده.

مش كل الـPowerBoxes بتشتغل Overfueling، لأ فيه حاجات كتيييييييير بتبقى Real Tune-Up لكل الـVariables بتاع Output الموتور.

كانها ECU جديدة، وفيه شركات معروفة زى NOVITEC و HAMANN و G-TECH (كلهم ألمان)..
بينزلوا Boxes عليها الـMaps نفس اللى فـ العربيات اللى بيعدلوها Tuning كامل من الـManufacturers

+1
ومعاك ان Chip البوش الـMotronic اللى بتنزل فـ الفيات والفولكس تربو.. اتعملها Parallel ECU's ناجحة جدا وReliable فـ أوروبا.. كتييييييييير كمان.

بس برضه فيه Tuners كتير عدلوا الـEDC بتاع البيجو فـ مواتير الـTHP وعملوا سوفتوير integration جامد أوى فيها.. دور وهتلاقى،
أنا شوفت حاجات 250-300 حصان شغالة و Reliable عادى جداااااااااااا (بس للأمانة كان فيه تغيير فـ الـinternals)..!!

Rgds،

نهـــــــــــــــــــــــ ـــــــــــــــــــــــا اسود، لا يا جماعة مش كده، دا انا ماركبتش العربية غير 4 مرات وسيبتها وسافرت الشغل، لأ لأ لأ، انا مش هعمل كدا، ممكن بعد كام سنة لما ازهق منها، Parallel ECU ايه وايه الكلام دا :)) صلوا على النبى كدا مش للدرحادى، خلاص انا هحط 95 وخلاص :))
انا عاوز اخد درس خصوصى معاك فى شوية حاجات كده ممكن؟؟ هديك 5 لتر بنزين 95 فى الحصة :)))

المشاركة الأصلية كتبت بواسطة minicooper20

بما انكو ناس فاهمه بقا كده و بتعلم منكو
و مع الاعتذار لصاحب الموضوع
مين فى مصر يركبلى تربو على 523
و يكلفنى كام و يخلص فى قد ايه
و اهم حاجه هيكون مظبوط ولا لا
انا دخلت على منتديات بره و شوفت العيال بره بيعملو حجات لو مشيت وراهم هيتخرب بيتى
اتمنى تيجو كده و تعملولى كنصلتو و نوصل لحل
دكتور و عم tfsi عايزين نزود 100 حصان كمان
بس من غير منسقط موتور لانو سعر ال 3500 هيكون هلامى
اتمنى تفيدونى

لا يا باشا خد راحتك بس سيبك من موضوع تركيب التربو دا عشان ما تبهدلش العربية، اعمل ECU Remap :))) بهزر طبعا خليك فى الموتور بتاعك ولو عاوز باور اعلى غير العربية كلها خلى الحاجة على ابوها كدا عشان ما تدخلش فى دوامات كتير وتكاليف رهيبة تعادل تمن عربية تانية بنفس المواصفات الجديدة، وربنا يعمللك اللى فيه الخير

المشاركة الأصلية كتبت بواسطة TFSI

بلاش أحسن هاتصرف أكتر من 120 الف جنيه ومش هاتبقى reliable وهاتضطر تلعب فى ضفيرة وتستخدم Megasquirt ECU وهاتجيب Internals ............إلخ


الحل الأسهل إنك تبيع وتجيب واحدة فيها تربو ودى ممكن تعدل فيها زى ما انت عايز والتكلفة على حسب الباور اللى إنتا عايزها

اى نعـــــــــــــــــــــم، عبن العقل