الموضوع: فيلم "حصل خير" ... لا بجد محصلش خير

المشاركة الأصلية كتبت بواسطة eslamrace

والله انا شايف العيب فى اللى بيدخل الافلام دى وبرضه منساش ايام الثوره كان فى حمله على الفيس وفى كل حته لمقاطعه فيلم ارع الهرم وكان على الحمله اقبال شديد من الشباب والناس قالت الحمد لله الثوره بدأت تاثر فى الناس بس الغريبه ان الفيلم حقق اعلى الايرادات فى الوقت اللى نزل فيه ومظنش فى عائلات دخلت الفيلم يبقى مين اللى دخله......................
مبيفكركوش بالانتخابات اللى لسه حاصله هههههههههههههههههههههههه

غالباً موضوع الإيرادات ده فشنك، كل شركة توزيع بتضرب أي أرقام عشان تجيب جمهور أكتر، وعشان تضرب في شركات التوزيع الأخرى في السوق.

الأفلام مابقاش مكسبها من العرض السينمائي، المكسب الأكبر من التوزيع في المحطات الفضائية الكتير جداً. فأصبح الأمر تعبئة أفلام بأي كلام وكدة كدة هايتباع. يبقى استرخص واستنتن الممثلين واملا الشريط سفالة، الفيلم هايتباع لمحطات أكتر.

حاجة كدة زي "أفلام المقاولات" في الثمانينات، أيام هوجة الفيديو. لما كان الفيديو هو سيد الموقف واللي معاه 30 ألف جنيه ينتج فيلم ويعرضه يومين في السيما وبعد كدة يعبيه شرايط فيديو ويبيع .