اول طلب يا رجالة:)

**mohamed ibiza** · 16-06-2008 11:06 PM

يا رجالة اول طلب بطلبوا من ساعة ما سجلت في المنتدي هنا يا ريت تفيدوني لاني مليش في الحاجات دي عايز اعرف احسن نوع انذار للابيزا و سعره و منين و صنع فين و للعلم انا كان عندي wolf و بوظناههل الwolf لسه كويس ولا بقي صيني و مش كويس و انا عندي السارينة اصلية حديد كده و زلطه و شغالة تمام و صوتها قوي يا ريت تقولولي النوع الاحسن عشان انا هجيب مكنة سنتر لوك اصلية استيراد للابيزا لاننا بوظناها برضهيا ريت الافادة

**NaderNabil** · 17-06-2008 12:03 AM

الولف ممتاز و متجرب في كل العربيات....و ممكن انت تركبه بنفسك طالما هو هو...

لما تجيبه فك فيشة القديم و ركب الجديد مكانه و خلصت

17-06-2008 12:10 AM

wolf ياحمد وتوكل على الله

**mohamed ibiza** · 17-06-2008 12:16 AM

ده في اجماع علي wolf كده بص يا نادر هو مش هينفع اشيل فيشة القديم و احط الجديد عادي كده لانه مرة علق علي كوبري الجيزة و كانت مع والدي و والدي ملوش في العربيات نهائي بالتالي فتح الكبوت و قطع السلوك بتاعته كلها و الفيشة اترمت لانه كان علق و قفل الدركسيون في مطلع الكوبري و طالما نادر و فلاينج اجمعوا علي Wolf عندكم فكرة سعره كام؟؟و صناعته ايه

**NaderNabil** · 17-06-2008 12:26 AM

بص أي انذار بيجيب اخره بعد فتره...ايا كان نوعه....بس كله بيقعد فتره حلوة...يعني ال127 كنت حاطت فيها ارخص نوع في السوق كان ب 90 جنيه وقتها و قعد سنتين لحد ما بعت العربية و كان زي الفل..

الولف حضرتك زي الشاطر تنزل التوفيقية بالعربية و تشتري و تركبه هناك...و مش هاتفرق انهي محل المهم اقل سعر...كل اللي عليك انك تختار شكل الريموت اللي يعجبك و ماتجيبش أبو مفتاح منه فيه...بيضعف بسرعة و مع الاستعمال بيبتدي يلق و تلاقيه اتكسر في الاخر.

الولف هما بيقولوا مكونات انجليزي و تقفيل مصري...بس أهم حاجة ان ضمانه 5 سنين...و بالأمانة المكونات بتاعته نضيفه جدا و الجودة بتاعتها مرتفعة

اعمل حسابك من 180 ل200 جنيه ده سعر الانذار بالتركيب و كله حسب شطارك في الفصال....

**mohamed ibiza** · 17-06-2008 12:29 AM

الف شكر يا نادر باشا و اسف لوجع صوابع سيادتك :):):) و متشكر اوي للافادة الجامدة دي يا ندورة ان شاء الله هجيب wolf بناء علي نصيحتك انت و flying و لو حصل في حاجة هاجي اعضك هههههه:):)