يا جماعة أنا الحمد له استقريت على شراء الفيرنا الفول اوبشن 2012 ياريت لو في حد خاصة الفيرناوية أصحاب الخبرة عنده أي نصيحة بخصوص العربية يقولها عشان أنا مطمئن لها بنسبة 90% و نفسي بجد أعرف كل مميزاتها و عيوبها لأن تحويشة العمر كلها هتتحط فيها.
عرض للطباعة
يا جماعة أنا الحمد له استقريت على شراء الفيرنا الفول اوبشن 2012 ياريت لو في حد خاصة الفيرناوية أصحاب الخبرة عنده أي نصيحة بخصوص العربية يقولها عشان أنا مطمئن لها بنسبة 90% و نفسي بجد أعرف كل مميزاتها و عيوبها لأن تحويشة العمر كلها هتتحط فيها.
مبروك مقدما يا باشا و ربنا يديلك خيرها و يكفيك شرها.....الفرامل و تماسكها علي الطريق مش أد كده...لو قدرت تغير الكاوتش بنوع نضيف بريدجستون او ميشلان او يوكوهاما هتفرق معاك كتير و لو جبت جنوط اكبر بكاوتش اعرض هتبقي الامور بإذن الله السطااااااااااااا
العربية في رأيي انها عملية جدا وموفرة ومريحة في سواقتها وعفشة ناعمة وابعادها سهلة جدا . اعتقد انها مناسبة جدا للاستخدام الهادي انما ماتنفعش للشباب والشد والجري فراملها مش كويسة للي غاويين جري انما بالنسبة للاستخدام العادي حتلاقي الفرامل معاك كويسة جدا .
واعتقد اهم ميزة في الفيرنا بالنسبالي على الاقل ان اعطالها قليلة جدا
فعلا الفيرنا ممتازة وموفرة فحاجات كتير والفرامل معقولة للمشي الهادي وليس مشي الشباب
والثبات مش قوي عالسرعات العالية
العربيه دى عاوزة طقم جنوط محترم وكاوتش نظيف لا اكتر ولا اققل
عربية مدينه بكل المقاييس
يعني لا تصلح للسفر والناس الي بتسافر بيها دي ناس بتخاطر بحيتها
لي عودة عشان اقلك رأيي بصفتي احد ملاك العربية دي :]
مبروك مقدما واختيار موفق
الف مبروك مقدما
بس تبقى تشيك عليها قوى
خد بالك من الساعه شغاله كويس ولا بتعلق
وكمان كاوتش البيبان كامل ولا ناقص
والازاز بيطلع بسرعه ولا تقيل
انا بقلك على الحاجات دى عشان ابن عمى اشتراها واشربنا الحاجات دى
وانا كمان ملا حظ انها بتاكل بنزين يعنى مش موفره
وتقبل مرورى
الف مبروك مقدما وربنا يباركلك فيها
أنا متشكر جدا و ربنا يبارك فيكم بس هو في حاجه غريبة شوية مكتوبة علي موقع كونتاكت كار.. مكتوب ان استهلاك البنزين 20 لتر لكل 100 كم؟!؟!؟!؟!؟!؟!؟!؟!؟!؟!؟!؟!؟!